Category: Sri Sri Chandi Oriya

ରଚନ: ଋଷି ମାର୍କଂଡେୟ

ଓଂ ଅହଂ ରୁଦ୍ରେଭିର୍ଵସୁ’ଭିଶ୍ଚରାମ୍ୟହମା”ଦିତ୍ୟୈରୁତ ଵିଶ୍ଵଦେ”ଵୈଃ |
ଅହଂ ମିତ୍ରାଵରୁ’ଣୋଭା ବି’ଭର୍ମ୍ୟହମି”ନ୍ଦ୍ରାଗ୍ନୀ ଅହମଶ୍ଵିନୋଭା ||1||

ଅହଂ ସୋମ’ମାହନସଂ” ବିଭର୍ମ୍ୟହଂ ତ୍ଵଷ୍ଟା”ରମୁତ ପୂଷଣଂ ଭଗମ” |
ଅହଂ ଦ’ଧାମି ଦ୍ରଵି’ଣଂ ହଵିଷ୍ମ’ତେ ସୁପ୍ରାଵ୍ୟେ ୟେ’ ‍3 ୟଜ’ମାନାୟ ସୁନ୍ଵତେ ||2||

ଅହଂ ରାଷ୍ଟ୍ରୀ” ସଂଗମ’ନୀ ଵସୂ”ନାଂ ଚିକିତୁଷୀ” ପ୍ରଥମା ୟଜ୍ଞିୟା”ନାମ |
ତାଂ ମା” ଦେଵା ଵ୍ୟ’ଦଧୁଃ ପୁରୁତ୍ରା ଭୂରି’ସ୍ଥାତ୍ରାଂ ଭୂ~ର୍ୟା”ଵେଶୟନ୍ତୀ”ମ ||3||

ମୟା ସୋ ଅନ୍ନ’ମତ୍ତି ୟୋ ଵିପଶ୍ୟ’ତି ୟଃ ପ୍ରାଣି’ତି ୟ ଈଂ” ଶୃଣୋତ୍ୟୁକ୍ତମ |
ଅମନ୍ତଵୋମାଂତ ଉପ’କ୍ଷିୟନ୍ତି ଶ୍ରୁଧି ଶ୍ରୁ’ତଂ ଶ୍ରଦ୍ଧିଵଂ ତେ” ଵଦାମି ||4||

ଅହମେଵ ସ୍ଵୟମିଦଂ ଵଦା’ମି ଜୁଷ୍ଟଂ” ଦେଵେଭି’ରୁତ ମାନୁ’ଷେଭିଃ |
ୟଂ କାମୟେ ତଂ ତ’ମୁଗ୍ରଂ କୃ’ଣୋମି ତଂ ବ୍ରହ୍ମାଣଂ ତମୃଷିଂ ତଂ ସୁ’ମେଧାମ ||5||

ଅହଂ ରୁଦ୍ରାୟ ଧନୁରାତ’ନୋମି ବ୍ରହ୍ମଦ୍ଵିଷେ ଶର’ଵେ ହଂତ ଵା ଉ’ |
ଅହଂ ଜନା”ୟ ସମଦଂ” କୃଣୋମ୍ୟହଂ ଦ୍ୟାଵା”ପୃଥିଵୀ ଆଵି’ଵେଶ ||6||

ଅହଂ ସୁ’ଵେ ପିତର’ମସ୍ୟ ମୂର୍ଧନ ମମ ୟୋନି’ରପ୍ସ୍ଵନ୍ତଃ ସ’ମୁଦ୍ରେ |
ତତୋ ଵିତି’ଷ୍ଠେ ଭୁଵନାନୁ ଵିଶ୍ଵୋତାମୂଂ ଦ୍ୟାଂ ଵର୍ଷ୍ମଣୋପ’ ସ୍ପୃଶାମି ||7||

ଅହମେଵ ଵାତ’ ଇଵ ପ୍ରଵା”ମ୍ୟା-ରଭ’ମାଣା ଭୁଵ’ନାନି ଵିଶ୍ଵା” |
ପରୋ ଦିଵାପର ଏନା ପୃ’ଥିଵ୍ୟୈ-ତାଵ’ତୀ ମହିନା ସଂବ’ଭୂଵ ||8||

ଓଂ ଶାଂତିଃ ଶାଂତିଃ ଶାଂତିଃ’ ||

|| ଇତି ଋଗ୍ଵେଦୋକ୍ତଂ ଦେଵୀସୂକ୍ତଂ ସମାପ୍ତମ ||
||ତତ ସତ ||

ରଚନ: ଋଷି ମାର୍କଂଡେୟ

ଓଂ ନମଶ୍ଚଣ୍ଡିକାୟୈ

ନ୍ୟାସଃ
ଅସ୍ୟ ଶ୍ରୀ ଚଂଡୀ କଵଚସ୍ୟ | ବ୍ରହ୍ମା ଋଷିଃ | ଅନୁଷ୍ଟୁପ ଛଂଦଃ |
ଚାମୁଂଡା ଦେଵତା | ଅଂଗନ୍ୟାସୋକ୍ତ ମାତରୋ ବୀଜମ | ନଵାଵରଣୋ ମଂତ୍ରଶକ୍ତିଃ | ଦିଗ୍ବଂଧ ଦେଵତାଃ ତତ୍ଵମ | ଶ୍ରୀ ଜଗଦଂବା ପ୍ରୀତ୍ୟର୍ଥେ ସପ୍ତଶତୀ ପାଠାଂଗତ୍ଵେନ ଜପେ ଵିନିୟୋଗଃ ||

ଓଂ ନମଶ୍ଚଂଡିକାୟୈ

ମାର୍କଣ୍ଡେୟ ଉଵାଚ |
ଓଂ ୟଦ୍ଗୁହ୍ୟଂ ପରମଂ ଲୋକେ ସର୍ଵରକ୍ଷାକରଂ ନୃଣାମ |
ୟନ୍ନ କସ୍ୟଚିଦାଖ୍ୟାତଂ ତନ୍ମେ ବ୍ରୂହି ପିତାମହ || 1 ||

ବ୍ରହ୍ମୋଵାଚ |
ଅସ୍ତି ଗୁହ୍ୟତମଂ ଵିପ୍ର ସର୍ଵଭୂତୋପକାରକମ |
ଦେଵ୍ୟାସ୍ତୁ କଵଚଂ ପୁଣ୍ୟଂ ତଚ୍ଛୃଣୁଷ୍ଵ ମହାମୁନେ || 2 ||

ପ୍ରଥମଂ ଶୈଲପୁତ୍ରୀ ଚ ଦ୍ଵିତୀୟଂ ବ୍ରହ୍ମଚାରିଣୀ |
ତୃତୀୟଂ ଚନ୍ଦ୍ରଘଣ୍ଟେତି କୂଷ୍ମାଣ୍ଡେତି ଚତୁର୍ଥକମ || 3 ||

ପଞ୍ଚମଂ ସ୍କନ୍ଦମାତେତି ଷଷ୍ଠଂ କାତ୍ୟାୟନୀତି ଚ |
ସପ୍ତମଂ କାଲରାତ୍ରୀତି ମହାଗୌରୀତି ଚାଷ୍ଟମମ || 4 ||

ନଵମଂ ସିଦ୍ଧିଦାତ୍ରୀ ଚ ନଵଦୁର୍ଗାଃ ପ୍ରକୀର୍ତିତାଃ |
ଉକ୍ତାନ୍ୟେତାନି ନାମାନି ବ୍ରହ୍ମଣୈଵ ମହାତ୍ମନା || 5 ||

ଅଗ୍ନିନା ଦହ୍ୟମାନସ୍ତୁ ଶତ୍ରୁମଧ୍ୟେ ଗତୋ ରଣେ |
ଵିଷମେ ଦୁର୍ଗମେ ଚୈଵ ଭୟାର୍ତାଃ ଶରଣଂ ଗତାଃ || 6 ||

ନ ତେଷାଂ ଜାୟତେ କିଞ୍ଚିଦଶୁଭଂ ରଣସଙ୍କଟେ |
ନାପଦଂ ତସ୍ୟ ପଶ୍ୟାମି ଶୋକଦୁଃଖଭୟଂ ନ ହି || 7 ||

ୟୈସ୍ତୁ ଭକ୍ତ୍ୟା ସ୍ମୃତା ନୂନଂ ତେଷାଂ ଵୃଦ୍ଧିଃ ପ୍ରଜାୟତେ |
ୟେ ତ୍ଵାଂ ସ୍ମରନ୍ତି ଦେଵେଶି ରକ୍ଷସେ ତାନ୍ନସଂଶୟଃ || 8 ||

ପ୍ରେତସଂସ୍ଥା ତୁ ଚାମୁଣ୍ଡା ଵାରାହୀ ମହିଷାସନା |
ଐନ୍ଦ୍ରୀ ଗଜସମାରୂଢା ଵୈଷ୍ଣଵୀ ଗରୁଡାସନା || 9 ||

ମାହେଶ୍ଵରୀ ଵୃଷାରୂଢା କୌମାରୀ ଶିଖିଵାହନା |
ଲକ୍ଷ୍ମୀଃ ପଦ୍ମାସନା ଦେଵୀ ପଦ୍ମହସ୍ତା ହରିପ୍ରିୟା || 10 ||

ଶ୍ଵେତରୂପଧରା ଦେଵୀ ଈଶ୍ଵରୀ ଵୃଷଵାହନା |
ବ୍ରାହ୍ମୀ ହଂସସମାରୂଢା ସର୍ଵାଭରଣଭୂଷିତା || 11 ||

ଇତ୍ୟେତା ମାତରଃ ସର୍ଵାଃ ସର୍ଵୟୋଗସମନ୍ଵିତାଃ |
ନାନାଭରଣାଶୋଭାଢ୍ୟା ନାନାରତ୍ନୋପଶୋଭିତାଃ || 12 ||

ଦୃଶ୍ୟନ୍ତେ ରଥମାରୂଢା ଦେଵ୍ୟଃ କ୍ରୋଧସମାକୁଲାଃ |
ଶଙ୍ଖଂ ଚକ୍ରଂ ଗଦାଂ ଶକ୍ତିଂ ହଲଂ ଚ ମୁସଲାୟୁଧମ || 13 ||

ଖେଟକଂ ତୋମରଂ ଚୈଵ ପରଶୁଂ ପାଶମେଵ ଚ |
କୁନ୍ତାୟୁଧଂ ତ୍ରିଶୂଲଂ ଚ ଶାର୍ଙ୍ଗମାୟୁଧମୁତ୍ତମମ || 14 ||

ଦୈତ୍ୟାନାଂ ଦେହନାଶାୟ ଭକ୍ତାନାମଭୟାୟ ଚ |
ଧାରୟନ୍ତ୍ୟାୟୁଧାନୀତ୍ଥଂ ଦେଵାନାଂ ଚ ହିତାୟ ଵୈ || 15 ||

ନମସ୍ତେ‌உସ୍ତୁ ମହାରୌଦ୍ରେ ମହାଘୋରପରାକ୍ରମେ |
ମହାବଲେ ମହୋତ୍ସାହେ ମହାଭୟଵିନାଶିନି || 16 ||

ତ୍ରାହି ମାଂ ଦେଵି ଦୁଷ୍ପ୍ରେକ୍ଷ୍ୟେ ଶତ୍ରୂଣାଂ ଭୟଵର୍ଧିନି |
ପ୍ରାଚ୍ୟାଂ ରକ୍ଷତୁ ମାମୈନ୍ଦ୍ରୀ ଆଗ୍ନେୟ୍ୟାମଗ୍ନିଦେଵତା || 17 ||

ଦକ୍ଷିଣେ‌உଵତୁ ଵାରାହୀ ନୈରୃତ୍ୟାଂ ଖଡ୍ଗଧାରିଣୀ |
ପ୍ରତୀଚ୍ୟାଂ ଵାରୁଣୀ ରକ୍ଷେଦ୍ଵାୟଵ୍ୟାଂ ମୃଗଵାହିନୀ || 18 ||

ଉଦୀଚ୍ୟାଂ ପାତୁ କୌମାରୀ ଐଶାନ୍ୟାଂ ଶୂଲଧାରିଣୀ |
ଊର୍ଧ୍ଵଂ ବ୍ରହ୍ମାଣୀ ମେ ରକ୍ଷେଦଧସ୍ତାଦ୍ଵୈଷ୍ଣଵୀ ତଥା || 19 ||

ଏଵଂ ଦଶ ଦିଶୋ ରକ୍ଷେଚ୍ଚାମୁଣ୍ଡା ଶଵଵାହନା |
ଜୟା ମେ ଚାଗ୍ରତଃ ପାତୁ ଵିଜୟା ପାତୁ ପୃଷ୍ଠତଃ || 20 ||

ଅଜିତା ଵାମପାର୍ଶ୍ଵେ ତୁ ଦକ୍ଷିଣେ ଚାପରାଜିତା |
ଶିଖାମୁଦ୍ୟୋତିନୀ ରକ୍ଷେଦୁମା ମୂର୍ଧ୍ନି ଵ୍ୟଵସ୍ଥିତା || 21 ||

ମାଲାଧରୀ ଲଲାଟେ ଚ ଭ୍ରୁଵୌ ରକ୍ଷେଦ୍ୟଶସ୍ଵିନୀ |
ତ୍ରିନେତ୍ରା ଚ ଭ୍ରୁଵୋର୍ମଧ୍ୟେ ୟମଘଣ୍ଟା ଚ ନାସିକେ || 22 ||

ଶଙ୍ଖିନୀ ଚକ୍ଷୁଷୋର୍ମଧ୍ୟେ ଶ୍ରୋତ୍ରୟୋର୍ଦ୍ଵାରଵାସିନୀ |
କପୋଲୌ କାଲିକା ରକ୍ଷେତ୍କର୍ଣମୂଲେ ତୁ ଶାଙ୍କରୀ || 23 ||

ନାସିକାୟାଂ ସୁଗନ୍ଧା ଚ ଉତ୍ତରୋଷ୍ଠେ ଚ ଚର୍ଚିକା |
ଅଧରେ ଚାମୃତକଲା ଜିହ୍ଵାୟାଂ ଚ ସରସ୍ଵତୀ || 24 ||

ଦନ୍ତାନ ରକ୍ଷତୁ କୌମାରୀ କଣ୍ଠଦେଶେ ତୁ ଚଣ୍ଡିକା |
ଘଣ୍ଟିକାଂ ଚିତ୍ରଘଣ୍ଟା ଚ ମହାମାୟା ଚ ତାଲୁକେ || 25 ||

କାମାକ୍ଷୀ ଚିବୁକଂ ରକ୍ଷେଦ୍ଵାଚଂ ମେ ସର୍ଵମଙ୍ଗଳା |
ଗ୍ରୀଵାୟାଂ ଭଦ୍ରକାଳୀ ଚ ପୃଷ୍ଠଵଂଶେ ଧନୁର୍ଧରୀ || 26 ||

ନୀଲଗ୍ରୀଵା ବହିଃ କଣ୍ଠେ ନଲିକାଂ ନଲକୂବରୀ |
ସ୍କନ୍ଧୟୋଃ ଖଡ୍ଗିନୀ ରକ୍ଷେଦ୍ବାହୂ ମେ ଵଜ୍ରଧାରିଣୀ || 27 ||

ହସ୍ତୟୋର୍ଦଣ୍ଡିନୀ ରକ୍ଷେଦମ୍ବିକା ଚାଙ୍ଗୁଲୀଷୁ ଚ |
ନଖାଞ୍ଛୂଲେଶ୍ଵରୀ ରକ୍ଷେତ୍କୁକ୍ଷୌ ରକ୍ଷେତ୍କୁଲେଶ୍ଵରୀ || 28 ||

ସ୍ତନୌ ରକ୍ଷେନ୍ମହାଦେଵୀ ମନଃଶୋକଵିନାଶିନୀ |
ହୃଦୟେ ଲଲିତା ଦେଵୀ ଉଦରେ ଶୂଲଧାରିଣୀ || 29 ||

ନାଭୌ ଚ କାମିନୀ ରକ୍ଷେଦ୍ଗୁହ୍ୟଂ ଗୁହ୍ୟେଶ୍ଵରୀ ତଥା |
ପୂତନା କାମିକା ମେଢ୍ରଂ ଗୁଦେ ମହିଷଵାହିନୀ || 30 ||

କଟ୍ୟାଂ ଭଗଵତୀ ରକ୍ଷେଜ୍ଜାନୁନୀ ଵିନ୍ଧ୍ୟଵାସିନୀ |
ଜଙ୍ଘେ ମହାବଲା ରକ୍ଷେତ୍ସର୍ଵକାମପ୍ରଦାୟିନୀ || 31 ||

ଗୁଲ୍ଫୟୋର୍ନାରସିଂହୀ ଚ ପାଦପୃଷ୍ଠେ ତୁ ତୈଜସୀ |
ପାଦାଙ୍ଗୁଲୀଷୁ ଶ୍ରୀ ରକ୍ଷେତ୍ପାଦାଧସ୍ତଲଵାସିନୀ || 32 ||

ନଖାନ ଦଂଷ୍ଟ୍ରକରାଲୀ ଚ କେଶାଂଶ୍ଚୈଵୋର୍ଧ୍ଵକେଶିନୀ |
ରୋମକୂପେଷୁ କୌବେରୀ ତ୍ଵଚଂ ଵାଗୀଶ୍ଵରୀ ତଥା || 33 ||

ରକ୍ତମଜ୍ଜାଵସାମାଂସାନ୍ୟସ୍ଥିମେଦାଂସି ପାର୍ଵତୀ |
ଅନ୍ତ୍ରାଣି କାଲରାତ୍ରିଶ୍ଚ ପିତ୍ତଂ ଚ ମୁକୁଟେଶ୍ଵରୀ || 34 ||

ପଦ୍ମାଵତୀ ପଦ୍ମକୋଶେ କଫେ ଚୂଡାମଣିସ୍ତଥା |
ଜ୍ଵାଲାମୁଖୀ ନଖଜ୍ଵାଲାମଭେଦ୍ୟା ସର୍ଵସନ୍ଧିଷୁ || 35 ||

ଶୁକ୍ରଂ ବ୍ରହ୍ମାଣି! ମେ ରକ୍ଷେଚ୍ଛାୟାଂ ଛତ୍ରେଶ୍ଵରୀ ତଥା |
ଅହଙ୍କାରଂ ମନୋ ବୁଦ୍ଧିଂ ରକ୍ଷେନ୍ମେ ଧର୍ମଧାରିଣୀ || 36 ||

ପ୍ରାଣାପାନୌ ତଥା ଵ୍ୟାନମୁଦାନଂ ଚ ସମାନକମ |
ଵଜ୍ରହସ୍ତା ଚ ମେ ରକ୍ଷେତ୍ପ୍ରାଣଂ କଲ୍ୟାଣଶୋଭନା || 37 ||

ରସେ ରୂପେ ଚ ଗନ୍ଧେ ଚ ଶବ୍ଦେ ସ୍ପର୍ଶେ ଚ ୟୋଗିନୀ |
ସତ୍ତ୍ଵଂ ରଜସ୍ତମଶ୍ଚୈଵ ରକ୍ଷେନ୍ନାରାୟଣୀ ସଦା || 38 ||

ଆୟୂ ରକ୍ଷତୁ ଵାରାହୀ ଧର୍ମଂ ରକ୍ଷତୁ ଵୈଷ୍ଣଵୀ |
ୟଶଃ କୀର୍ତିଂ ଚ ଲକ୍ଷ୍ମୀଂ ଚ ଧନଂ ଵିଦ୍ୟାଂ ଚ ଚକ୍ରିଣୀ || 39 ||

ଗୋତ୍ରମିନ୍ଦ୍ରାଣି! ମେ ରକ୍ଷେତ୍ପଶୂନ୍ମେ ରକ୍ଷ ଚଣ୍ଡିକେ |
ପୁତ୍ରାନ ରକ୍ଷେନ୍ମହାଲକ୍ଷ୍ମୀର୍ଭାର୍ୟାଂ ରକ୍ଷତୁ ଭୈରଵୀ || 40 ||

ପନ୍ଥାନଂ ସୁପଥା ରକ୍ଷେନ୍ମାର୍ଗଂ କ୍ଷେମକରୀ ତଥା |
ରାଜଦ୍ଵାରେ ମହାଲକ୍ଷ୍ମୀର୍ଵିଜୟା ସର୍ଵତଃ ସ୍ଥିତା || 41 ||

ରକ୍ଷାହୀନଂ ତୁ ୟତ-ସ୍ଥାନଂ ଵର୍ଜିତଂ କଵଚେନ ତୁ |
ତତ୍ସର୍ଵଂ ରକ୍ଷ ମେ ଦେଵି! ଜୟନ୍ତୀ ପାପନାଶିନୀ || 42 ||

ପଦମେକଂ ନ ଗଚ୍ଛେତ୍ତୁ ୟଦୀଚ୍ଛେଚ୍ଛୁଭମାତ୍ମନଃ |
କଵଚେନାଵୃତୋ ନିତ୍ୟଂ ୟତ୍ର ୟତ୍ରୈଵ ଗଚ୍ଛତି || 43 ||

ତତ୍ର ତତ୍ରାର୍ଥଲାଭଶ୍ଚ ଵିଜୟଃ ସାର୍ଵକାମିକଃ |
ୟଂ ୟଂ ଚିନ୍ତୟତେ କାମଂ ତଂ ତଂ ପ୍ରାପ୍ନୋତି ନିଶ୍ଚିତମ || 44 ||

ପରମୈଶ୍ଵର୍ୟମତୁଲଂ ପ୍ରାପ୍ସ୍ୟତେ ଭୂତଲେ ପୁମାନ |
ନିର୍ଭୟୋ ଜାୟତେ ମର୍ତ୍ୟଃ ସଙ୍ଗ୍ରାମେଷ୍ଵପରାଜିତଃ || 45 ||

ତ୍ରୈଲୋକ୍ୟେ ତୁ ଭଵେତ୍ପୂଜ୍ୟଃ କଵଚେନାଵୃତଃ ପୁମାନ |
ଇଦଂ ତୁ ଦେଵ୍ୟାଃ କଵଚଂ ଦେଵାନାମପି ଦୁର୍ଲଭମ || 46 ||

ୟଃ ପଠେତ୍ପ୍ରୟତୋ ନିତ୍ୟଂ ତ୍ରିସନ୍ଧ୍ୟଂ ଶ୍ରଦ୍ଧୟାନ୍ଵିତଃ |
ଦୈଵୀକଲା ଭଵେତ୍ତସ୍ୟ ତ୍ରୈଲୋକ୍ୟେଷ୍ଵପରାଜିତଃ | 47 ||

ଜୀଵେଦ୍ଵର୍ଷଶତଂ ସାଗ୍ରମପମୃତ୍ୟୁଵିଵର୍ଜିତଃ |
ନଶ୍ୟନ୍ତି ଵ୍ୟାଧୟଃ ସର୍ଵେ ଲୂତାଵିସ୍ଫୋଟକାଦୟଃ || 48 ||

ସ୍ଥାଵରଂ ଜଙ୍ଗମଂ ଚୈଵ କୃତ୍ରିମଂ ଚୈଵ ୟଦ୍ଵିଷମ |
ଅଭିଚାରାଣି ସର୍ଵାଣି ମନ୍ତ୍ରୟନ୍ତ୍ରାଣି ଭୂତଲେ || 49 ||

ଭୂଚରାଃ ଖେଚରାଶ୍ଚୈଵ ଜୁଲଜାଶ୍ଚୋପଦେଶିକାଃ |
ସହଜା କୁଲଜା ମାଲା ଡାକିନୀ ଶାକିନୀ ତଥା || 50 ||

ଅନ୍ତରିକ୍ଷଚରା ଘୋରା ଡାକିନ୍ୟଶ୍ଚ ମହାବଲାଃ |
ଗ୍ରହଭୂତପିଶାଚାଶ୍ଚ ୟକ୍ଷଗନ୍ଧର୍ଵରାକ୍ଷସାଃ || 51 ||

ବ୍ରହ୍ମରାକ୍ଷସଵେତାଲାଃ କୂଷ୍ମାଣ୍ଡା ଭୈରଵାଦୟଃ |
ନଶ୍ୟନ୍ତି ଦର୍ଶନାତ୍ତସ୍ୟ କଵଚେ ହୃଦି ସଂସ୍ଥିତେ || 52 ||

ମାନୋନ୍ନତିର୍ଭଵେଦ୍ରାଜ୍ଞସ୍ତେଜୋଵୃଦ୍ଧିକରଂ ପରମ |
ୟଶସା ଵର୍ଧତେ ସୋ‌உପି କୀର୍ତିମଂଡିତଭୂତଲେ || 53 ||

ଜପେତ୍ସପ୍ତଶତୀଂ ଚଣ୍ଡୀଂ କୃତ୍ଵା ତୁ କଵଚଂ ପୁରା |
ୟାଵଦ୍ଭୂମଣ୍ଡଲଂ ଧତ୍ତେ ସଶୈଲଵନକାନନମ || 54 ||

ତାଵତ୍ତିଷ୍ଠତି ମେଦିନ୍ୟାଂ ସନ୍ତତିଃ ପୁତ୍ରପୌତ୍ରିକୀ |
ଦେହାନ୍ତେ ପରମଂ ସ୍ଥାନଂ ୟତ୍ସୁରୈରପି ଦୁର୍ଲଭମ || 55 ||

ପ୍ରାପ୍ନୋତି ପୁରୁଷୋ ନିତ୍ୟଂ ମହାମାୟାପ୍ରସାଦତଃ |
ଲଭତେ ପରମଂ ରୂପଂ ଶିଵେନ ସହ ମୋଦତେ || 56 ||

|| ଇତି ଵାରାହପୁରାଣେ ହରିହରବ୍ରହ୍ମ ଵିରଚିତଂ ଦେଵ୍ୟାଃ କଵଚଂ ସଂପୂର୍ଣମ ||

ରଚନ: ଋଷି ମାର୍କଂଡେୟ

ଅସ୍ୟଶ୍ରୀ ଅର୍ଗଳା ସ୍ତୋତ୍ର ମଂତ୍ରସ୍ୟ ଵିଷ୍ଣୁଃ ଋଷିଃ| ଅନୁଷ୍ଟୁପ୍ଛଂଦଃ| ଶ୍ରୀ ମହାଲକ୍ଷୀର୍ଦେଵତା| ମଂତ୍ରୋଦିତା ଦେଵ୍ୟୋବୀଜଂ|
ନଵାର୍ଣୋ ମଂତ୍ର ଶକ୍ତିଃ| ଶ୍ରୀ ସପ୍ତଶତୀ ମଂତ୍ରସ୍ତତ୍ଵଂ ଶ୍ରୀ ଜଗଦଂଦା ପ୍ରୀତ୍ୟର୍ଥେ ସପ୍ତଶତୀ ପଠାଂ ଗତ୍ଵେନ ଜପେ ଵିନିୟୋଗଃ||

ଧ୍ୟାନଂ
ଓଂ ବନ୍ଧୂକ କୁସୁମାଭାସାଂ ପଞ୍ଚମୁଣ୍ଡାଧିଵାସିନୀଂ|
ସ୍ଫୁରଚ୍ଚନ୍ଦ୍ରକଲାରତ୍ନ ମୁକୁଟାଂ ମୁଣ୍ଡମାଲିନୀଂ||
ତ୍ରିନେତ୍ରାଂ ରକ୍ତ ଵସନାଂ ପୀନୋନ୍ନତ ଘଟସ୍ତନୀଂ|
ପୁସ୍ତକଂ ଚାକ୍ଷମାଲାଂ ଚ ଵରଂ ଚାଭୟକଂ କ୍ରମାତ||
ଦଧତୀଂ ସଂସ୍ମରେନ୍ନିତ୍ୟମୁତ୍ତରାମ୍ନାୟମାନିତାଂ|

ଅଥଵା
ୟା ଚଣ୍ଡୀ ମଧୁକୈଟଭାଦି ଦୈତ୍ୟଦଳନୀ ୟା ମାହିଷୋନ୍ମୂଲିନୀ
ୟା ଧୂମ୍ରେକ୍ଷନ ଚଣ୍ଡମୁଣ୍ଡମଥନୀ ୟା ରକ୍ତ ବୀଜାଶନୀ|
ଶକ୍ତିଃ ଶୁମ୍ଭନିଶୁମ୍ଭଦୈତ୍ୟଦଳନୀ ୟା ସିଦ୍ଧି ଦାତ୍ରୀ ପରା
ସା ଦେଵୀ ନଵ କୋଟି ମୂର୍ତି ସହିତା ମାଂ ପାତୁ ଵିଶ୍ଵେଶ୍ଵରୀ||

ଓଂ ନମଶ୍ଚଣ୍ଡିକାୟୈ
ମାର୍କଣ୍ଡେୟ ଉଵାଚ

ଓଂ ଜୟତ୍ଵଂ ଦେଵି ଚାମୁଣ୍ଡେ ଜୟ ଭୂତାପହାରିଣି|
ଜୟ ସର୍ଵ ଗତେ ଦେଵି କାଳ ରାତ୍ରି ନମୋ‌உସ୍ତୁତେ ||1||

ମଧୁକୈଠଭଵିଦ୍ରାଵି ଵିଧାତ୍ରୁ ଵରଦେ ନମଃ
ଓଂ ଜୟନ୍ତୀ ମଂଗଳା କାଳୀ ଭଦ୍ରକାଳୀ କପାଲିନୀ ||2||

ଦୁର୍ଗା ଶିଵା କ୍ଷମା ଧାତ୍ରୀ ସ୍ଵାହା ସ୍ଵଧା ନମୋ‌உସ୍ତୁତେ
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||3||

ମହିଷାସୁର ନିର୍ନାଶି ଭକ୍ତାନାଂ ସୁଖଦେ ନମଃ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||4||

ଧୂମ୍ରନେତ୍ର ଵଧେ ଦେଵି ଧର୍ମ କାମାର୍ଥ ଦାୟିନି|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||5||

ରକ୍ତ ବୀଜ ଵଧେ ଦେଵି ଚଣ୍ଡ ମୁଣ୍ଡ ଵିନାଶିନି |
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||6||

ନିଶୁମ୍ଭଶୁମ୍ଭ ନିର୍ନାଶି ତ୍ରୈଲୋକ୍ୟ ଶୁଭଦେ ନମଃ
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||7||

ଵନ୍ଦି ତାଙ୍ଘ୍ରିୟୁଗେ ଦେଵି ସର୍ଵସୌଭାଗ୍ୟ ଦାୟିନି|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||8||

ଅଚିନ୍ତ୍ୟ ରୂପ ଚରିତେ ସର୍ଵ ଶତୃ ଵିନାଶିନି|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||9||

ନତେଭ୍ୟଃ ସର୍ଵଦା ଭକ୍ତ୍ୟା ଚାପର୍ଣେ ଦୁରିତାପହେ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||10||

ସ୍ତୁଵଦ୍ଭ୍ୟୋଭକ୍ତିପୂର୍ଵଂ ତ୍ଵାଂ ଚଣ୍ଡିକେ ଵ୍ୟାଧି ନାଶିନି
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||11||

ଚଣ୍ଡିକେ ସତତଂ ୟୁଦ୍ଧେ ଜୟନ୍ତୀ ପାପନାଶିନି|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||12||

ଦେହି ସୌଭାଗ୍ୟମାରୋଗ୍ୟଂ ଦେହି ଦେଵୀ ପରଂ ସୁଖଂ|
ରୂପଂ ଧେହି ଜୟଂ ଦେହି ୟଶୋ ଧେହି ଦ୍ଵିଷୋ ଜହି ||13||

ଵିଧେହି ଦେଵି କଲ୍ୟାଣଂ ଵିଧେହି ଵିପୁଲାଂ ଶ୍ରିୟଂ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||14||

ଵିଧେହି ଦ୍ଵିଷତାଂ ନାଶଂ ଵିଧେହି ବଲମୁଚ୍ଚକୈଃ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||15||

ସୁରାସୁରଶିରୋ ରତ୍ନ ନିଘୃଷ୍ଟଚରଣେ‌உମ୍ବିକେ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||16||

ଵିଧ୍ୟାଵନ୍ତଂ ୟଶସ୍ଵନ୍ତଂ ଲକ୍ଷ୍ମୀଵନ୍ତଞ୍ଚ ମାଂ କୁରୁ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||17||

ଦେଵି ପ୍ରଚଣ୍ଡ ଦୋର୍ଦଣ୍ଡ ଦୈତ୍ୟ ଦର୍ପ ନିଷୂଦିନି|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||18||

ପ୍ରଚଣ୍ଡ ଦୈତ୍ୟଦର୍ପଘ୍ନେ ଚଣ୍ଡିକେ ପ୍ରଣତାୟମେ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||19||

ଚତୁର୍ଭୁଜେ ଚତୁର୍ଵକ୍ତ୍ର ସଂସ୍ତୁତେ ପରମେଶ୍ଵରି|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||20||

କୃଷ୍ଣେନ ସଂସ୍ତୁତେ ଦେଵି ଶଶ୍ଵଦ୍ଭକ୍ତ୍ୟା ସଦାମ୍ବିକେ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||21||

ହିମାଚଲସୁତାନାଥସଂସ୍ତୁତେ ପରମେଶ୍ଵରି|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||22||

ଇନ୍ଦ୍ରାଣୀ ପତିସଦ୍ଭାଵ ପୂଜିତେ ପରମେଶ୍ଵରି|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||23||

ଦେଵି ଭକ୍ତଜନୋଦ୍ଦାମ ଦତ୍ତାନନ୍ଦୋଦୟେ‌உମ୍ବିକେ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||24||

ଭାର୍ୟାଂ ମନୋରମାଂ ଦେହି ମନୋଵୃତ୍ତାନୁସାରିଣୀଂ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||25||

ତାରିଣୀଂ ଦୁର୍ଗ ସଂସାର ସାଗର ସ୍ୟାଚଲୋଦ୍ବଵେ|
ରୂପଂ ଦେହି ଜୟଂ ଦେହି ୟଶୋ ଦେହି ଦ୍ଵିଷୋ ଜହି ||26||

ଇଦଂସ୍ତୋତ୍ରଂ ପଠିତ୍ଵା ତୁ ମହାସ୍ତୋତ୍ରଂ ପଠେନ୍ନରଃ|
ସପ୍ତଶତୀଂ ସମାରାଧ୍ୟ ଵରମାପ୍ନୋତି ଦୁର୍ଲଭଂ ||27||

|| ଇତି ଶ୍ରୀ ଅର୍ଗଲା ସ୍ତୋତ୍ରଂ ସମାପ୍ତମ ||

ରଚନ: ଋଷି ମାର୍କଂଡେୟ

ଅସ୍ୟ ଶ୍ରୀ କୀଲକ ସ୍ତୋତ୍ର ମହା ମନ୍ତ୍ରସ୍ୟ | ଶିଵ ଋଷିଃ | ଅନୁଷ୍ଟୁପ ଛଂଦଃ | ମହାସରସ୍ଵତୀ ଦେଵତା | ମଂତ୍ରୋଦିତ ଦେଵ୍ୟୋ ବୀଜମ | ନଵାର୍ଣୋ ମଂତ୍ରଶକ୍ତି|ଶ୍ରୀ ସପ୍ତ ଶତୀ ମଂତ୍ର ସ୍ତତ୍ଵଂ ସ୍ରୀ ଜଗଦଂବା ପ୍ରୀତ୍ୟର୍ଥେ ସପ୍ତଶତୀ ପାଠାଂଗତ୍ଵଏନ ଜପେ ଵିନିୟୋଗଃ |

ଓଂ ନମଶ୍ଚଣ୍ଡିକାୟୈ
ମାର୍କଣ୍ଡେୟ ଉଵାଚ

ଓଂ ଵିଶୁଦ୍ଧ ଜ୍ଞାନଦେହାୟ ତ୍ରିଵେଦୀ ଦିଵ୍ୟଚକ୍ଷୁଷେ |
ଶ୍ରେୟଃ ପ୍ରାପ୍ତି ନିମିତ୍ତାୟ ନମଃ ସୋମାର୍ଥ ଧାରିଣେ ||1||

ସର୍ଵମେତ ଦ୍ଵିଜାନୀୟାନ୍ମନ୍ତ୍ରାଣାପି କୀଲକମ |
ସୋ‌உପି କ୍ଷେମମଵାପ୍ନୋତି ସତତଂ ଜାପ୍ୟ ତତ୍ପରଃ ||2||

ସିଦ୍ଧ୍ୟନ୍ତୁଚ୍ଚାଟନାଦୀନି କର୍ମାଣି ସକଲାନ୍ୟପି |
ଏତେନ ସ୍ତୁଵତାଂ ଦେଵୀଂ ସ୍ତୋତ୍ରଵୃଂଦେନ ଭକ୍ତିତଃ ||3||

ନ ମନ୍ତ୍ରୋ ନୌଷଧଂ ତସ୍ୟ ନ କିଞ୍ଚି ଦପି ଵିଧ୍ୟତେ |
ଵିନା ଜାପ୍ୟମ ନ ସିଦ୍ଧ୍ୟେତ୍ତୁ ସର୍ଵ ମୁଚ୍ଚାଟନାଦିକମ ||4||

ସମଗ୍ରାଣ୍ୟପି ସେତ୍ସ୍ୟନ୍ତି ଲୋକଶଜ୍ଞ୍କା ମିମାଂ ହରଃ |
କୃତ୍ଵା ନିମନ୍ତ୍ରୟାମାସ ସର୍ଵ ମେଵ ମିଦଂ ଶୁଭମ ||5||

ସ୍ତୋତ୍ରଂଵୈ ଚଣ୍ଡିକାୟାସ୍ତୁ ତଚ୍ଚ ଗୁହ୍ୟଂ ଚକାର ସଃ |
ସମାପ୍ନୋତି ସପୁଣ୍ୟେନ ତାଂ ୟଥାଵନ୍ନିମନ୍ତ୍ରଣାଂ ||6||

ସୋପି‌உକ୍ଷେମ ମଵାପ୍ନୋତି ସର୍ଵ ମେଵ ନ ସଂଶୟଃ |
କୃଷ୍ଣାୟାଂ ଵା ଚତୁର୍ଦଶ୍ୟାମ ଅଷ୍ଟମ୍ୟାଂ ଵା ସମାହିତଃ ||6||

ଦଦାତି ପ୍ରତିଗୃହ୍ଣାତି ନାନ୍ୟ ଥୈଷା ପ୍ରସୀଦତି |
ଇତ୍ଥଂ ରୂପେଣ କୀଲେନ ମହାଦେଵେନ କୀଲିତମ| ||8||

ୟୋ ନିଷ୍କୀଲାଂ ଵିଧାୟୈନାଂ ଚଣ୍ଡୀଂ ଜପତି ନିତ୍ୟ ଶଃ |
ସ ସିଦ୍ଧଃ ସ ଗଣଃ ସୋ‌உଥ ଗନ୍ଧର୍ଵୋ ଜାୟତେ ଧ୍ରୁଵମ ||9||

ନ ଚୈଵା ପାଟଵଂ ତସ୍ୟ ଭୟଂ କ୍ଵାପି ନ ଜାୟତେ |
ନାପ ମୃତ୍ୟୁ ଵଶଂ ୟାତି ମୃତେଚ ମୋକ୍ଷମାପ୍ନୁୟାତ ||10||

ଜ୍ଞାତ୍ଵାପ୍ରାରଭ୍ୟ କୁର୍ଵୀତ ହ୍ୟକୁର୍ଵାଣୋ ଵିନଶ୍ୟତି |
ତତୋ ଜ୍ଞାତ୍ଵୈଵ ସମ୍ପୂର୍ନମ ଇଦଂ ପ୍ରାରଭ୍ୟତେ ବୁଧୈଃ ||11||

ସୌଭାଗ୍ୟାଦିଚ ୟତ୍କିଞ୍ଚିଦ ଦୃଶ୍ୟତେ ଲଲନାଜନେ |
ତତ୍ସର୍ଵଂ ତତ୍ପ୍ରସାଦେନ ତେନ ଜପ୍ୟମିଦଂ ଶୁଭଂ ||12||

ଶନୈସ୍ତୁ ଜପ୍ୟମାନେ‌உସ୍ମିନ ସ୍ତୋତ୍ରେ ସମ୍ପତ୍ତିରୁଚ୍ଚକୈଃ|
ଭଵତ୍ୟେଵ ସମଗ୍ରାପି ତତଃ ପ୍ରାରଭ୍ୟମେଵତତ ||13||

ଐଶ୍ଵର୍ୟଂ ତତ୍ପ୍ରସାଦେନ ସୌଭାଗ୍ୟାରୋଗ୍ୟମେଵଚଃ |
ଶତ୍ରୁହାନିଃ ପରୋ ମୋକ୍ଷଃ ସ୍ତୂୟତେ ସାନ କିଂ ଜନୈ ||14||

ଚଣ୍ଦିକାଂ ହୃଦୟେନାପି ୟଃ ସ୍ମରେତ ସତତଂ ନରଃ |
ହୃଦ୍ୟଂ କାମମଵାପ୍ନୋତି ହୃଦି ଦେଵୀ ସଦା ଵସେତ ||15||

ଅଗ୍ରତୋ‌உମୁଂ ମହାଦେଵ କୃତଂ କୀଲକଵାରଣମ |
ନିଷ୍କୀଲଞ୍ଚ ତଥା କୃତ୍ଵା ପଠିତଵ୍ୟଂ ସମାହିତୈଃ ||16||

|| ଇତି ଶ୍ରୀ ଭଗଵତୀ କୀଲକ ସ୍ତୋତ୍ରଂ ସମାପ୍ତମ ||

ରଚନ: ଋଷି ମାର୍କଂଡେୟ

|| ଦେଵୀ ମାହାତ୍ମ୍ୟମ ||
|| ଶ୍ରୀଦୁର୍ଗାୟୈ ନମଃ ||
|| ଅଥ ଶ୍ରୀଦୁର୍ଗାସପ୍ତଶତୀ ||
|| ମଧୁକୈଟଭଵଧୋ ନାମ ପ୍ରଥମୋ‌உଧ୍ୟାୟଃ ||

ଅସ୍ୟ ଶ୍ରୀ ପ୍ରଧମ ଚରିତ୍ରସ୍ୟ ବ୍ରହ୍ମା ଋଷିଃ | ମହାକାଳୀ ଦେଵତା | ଗାୟତ୍ରୀ ଛନ୍ଦଃ | ନନ୍ଦା ଶକ୍ତିଃ | ରକ୍ତ ଦନ୍ତିକା ବୀଜମ | ଅଗ୍ନିସ୍ତତ୍ଵମ | ଋଗ୍ଵେଦଃ ସ୍ଵରୂପମ | ଶ୍ରୀ ମହାକାଳୀ ପ୍ରୀତ୍ୟର୍ଧେ ପ୍ରଧମ ଚରିତ୍ର ଜପେ ଵିନିୟୋଗଃ |

ଧ୍ୟାନଂ
ଖଡ୍ଗଂ ଚକ୍ର ଗଦେଷୁଚାପ ପରିଘା ଶୂଲଂ ଭୁଶୁଣ୍ଡୀଂ ଶିରଃ
ଶଂଙ୍ଖଂ ସନ୍ଦଧତୀଂ କରୈସ୍ତ୍ରିନୟନାଂ ସର୍ଵାଂଙ୍ଗଭୂଷାଵୃତାମ |
ୟାଂ ହନ୍ତୁଂ ମଧୁକୈଭୌ ଜଲଜଭୂସ୍ତୁଷ୍ଟାଵ ସୁପ୍ତେ ହରୌ
ନୀଲାଶ୍ମଦ୍ୟୁତି ମାସ୍ୟପାଦଦଶକାଂ ସେଵେ ମହାକାଳିକାଂ||

ଓଂ ନମଶ୍ଚଣ୍ଡିକାୟୈ
ଓଂ ଐଂ ମାର୍କଣ୍ଡେୟ ଉଵାଚ ||1||

ସାଵର୍ଣିଃ ସୂର୍ୟତନୟୋ ୟୋମନୁଃ କଥ୍ୟତେ‌உଷ୍ଟମଃ|
ନିଶାମୟ ତଦୁତ୍ପତ୍ତିଂ ଵିସ୍ତରାଦ୍ଗଦତୋ ମମ ||2||

ମହାମାୟାନୁଭାଵେନ ୟଥା ମନ୍ଵନ୍ତରାଧିପଃ
ସ ବଭୂଵ ମହାଭାଗଃ ସାଵର୍ଣିସ୍ତନୟୋ ରଵେଃ ||3||

ସ୍ଵାରୋଚିଷେ‌உନ୍ତରେ ପୂର୍ଵଂ ଚୈତ୍ରଵଂଶସମୁଦ୍ଭଵଃ|
ସୁରଥୋ ନାମ ରାଜା‌உଭୂତ ସମସ୍ତେ କ୍ଷିତିମଣ୍ଡଲେ ||4||

ତସ୍ୟ ପାଲୟତଃ ସମ୍ୟକ ପ୍ରଜାଃ ପୁତ୍ରାନିଵୌରସାନ|
ବଭୂଵୁଃ ଶତ୍ରଵୋ ଭୂପାଃ କୋଲାଵିଧ୍ଵଂସିନସ୍ତଦା ||5||

ତସ୍ୟ ତୈରଭଵଦ୍ୟୁଦ୍ଧମ ଅତିପ୍ରବଲଦଣ୍ଡିନଃ|
ନ୍ୟୂନୈରପି ସ ତୈର୍ୟୁଦ୍ଧେ କୋଲାଵିଧ୍ଵଂସିଭିର୍ଜିତଃ ||6||

ତତଃ ସ୍ଵପୁରମାୟାତୋ ନିଜଦେଶାଧିପୋ‌உଭଵତ|
ଆକ୍ରାନ୍ତଃ ସ ମହାଭାଗସ୍ତୈସ୍ତଦା ପ୍ରବଲାରିଭିଃ ||7||

ଅମାତ୍ୟୈର୍ବଲିଭିର୍ଦୁଷ୍ଟୈ ର୍ଦୁର୍ବଲସ୍ୟ ଦୁରାତ୍ମଭିଃ|
କୋଶୋ ବଲଂ ଚାପହୃତଂ ତତ୍ରାପି ସ୍ଵପୁରେ ତତଃ ||8||

ତତୋ ମୃଗୟାଵ୍ୟାଜେନ ହୃତସ୍ଵାମ୍ୟଃ ସ ଭୂପତିଃ|
ଏକାକୀ ହୟମାରୁହ୍ୟ ଜଗାମ ଗହନଂ ଵନମ ||9||

ସତତ୍ରାଶ୍ରମମଦ୍ରାକ୍ଷୀ ଦ୍ଦ୍ଵିଜଵର୍ୟସ୍ୟ ମେଧସଃ|
ପ୍ରଶାନ୍ତଶ୍ଵାପଦାକୀର୍ଣ ମୁନିଶିଷ୍ୟୋପଶୋଭିତମ ||10||

ତସ୍ଥୌ କଞ୍ଚିତ୍ସ କାଲଂ ଚ ମୁନିନା ତେନ ସତ୍କୃତଃ|
ଇତଶ୍ଚେତଶ୍ଚ ଵିଚରଂସ୍ତସ୍ମିନ ମୁନିଵରାଶ୍ରମେ ||11||

ସୋ‌உଚିନ୍ତୟତ୍ତଦା ତତ୍ର ମମତ୍ଵାକୃଷ୍ଟଚେତନଃ| ||12||

ମତ୍ପୂର୍ଵୈଃ ପାଲିତଂ ପୂର୍ଵଂ ମୟାହୀନଂ ପୁରଂ ହି ତତ
ମଦ୍ଭୃତ୍ୟୈସ୍ତୈରସଦ୍ଵୃତ୍ତୈଃ ର୍ଧର୍ମତଃ ପାଲ୍ୟତେ ନ ଵା ||13||

ନ ଜାନେ ସ ପ୍ରଧାନୋ ମେ ଶୂର ହସ୍ତୀସଦାମଦଃ
ମମ ଵୈରିଵଶଂ ୟାତଃ କାନ୍ଭୋଗାନୁପଲପ୍ସ୍ୟତେ ||14||

ୟେ ମମାନୁଗତା ନିତ୍ୟଂ ପ୍ରସାଦଧନଭୋଜନୈଃ
ଅନୁଵୃତ୍ତିଂ ଧ୍ରୁଵଂ ତେ‌உଦ୍ୟ କୁର୍ଵନ୍ତ୍ୟନ୍ୟମହୀଭୃତାଂ ||15||

ଅସମ୍ୟଗ୍ଵ୍ୟୟଶୀଲୈସ୍ତୈଃ କୁର୍ଵଦ୍ଭିଃ ସତତଂ ଵ୍ୟୟଂ
ସଂଚିତଃ ସୋ‌உତିଦୁଃଖେନ କ୍ଷୟଂ କୋଶୋ ଗମିଷ୍ୟତି ||16||

ଏତଚ୍ଚାନ୍ୟଚ୍ଚ ସତତଂ ଚିନ୍ତୟାମାସ ପାର୍ଥିଵଃ
ତତ୍ର ଵିପ୍ରାଶ୍ରମାଭ୍ୟାଶେ ଵୈଶ୍ୟମେକଂ ଦଦର୍ଶ ସଃ ||17||

ସ ପୃଷ୍ଟସ୍ତେନ କସ୍ତ୍ଵଂ ଭୋ ହେତୁଶ୍ଚ ଆଗମନେ‌உତ୍ର କଃ
ସଶୋକ ଇଵ କସ୍ମାତ୍ଵଂ ଦୁର୍ମନା ଇଵ ଲକ୍ଷ୍ୟସେ| ||18||

ଇତ୍ୟାକର୍ଣ୍ୟ ଵଚସ୍ତସ୍ୟ ଭୂପତେଃ ପ୍ରଣାୟୋଦିତମ
ପ୍ରତ୍ୟୁଵାଚ ସ ତଂ ଵୈଶ୍ୟଃ ପ୍ରଶ୍ରୟାଵନତୋ ନୃପମ ||19||

ଵୈଶ୍ୟ ଉଵାଚ ||20||

ସମାଧିର୍ନାମ ଵୈଶ୍ୟୋ‌உହମୁତ୍ପନ୍ନୋ ଧନିନାଂ କୁଲେ
ପୁତ୍ରଦାରୈର୍ନିରସ୍ତଶ୍ଚ ଧନଲୋଭାଦ ଅସାଧୁଭିଃ ||21||

ଵିହୀନଶ୍ଚ ଧନୈଦାରୈଃ ପୁତ୍ରୈରାଦାୟ ମେ ଧନମ|
ଵନମଭ୍ୟାଗତୋ ଦୁଃଖୀ ନିରସ୍ତଶ୍ଚାପ୍ତବନ୍ଧୁଭିଃ ||22||

ସୋ‌உହଂ ନ ଵେଦ୍ମି ପୁତ୍ରାଣାଂ କୁଶଲାକୁଶଲାତ୍ମିକାମ|
ପ୍ରଵୃତ୍ତିଂ ସ୍ଵଜନାନାଂ ଚ ଦାରାଣାଂ ଚାତ୍ର ସଂସ୍ଥିତଃ ||23||

କିଂ ନୁ ତେଷାଂ ଗୃହେ କ୍ଷେମମ ଅକ୍ଷେମଂ କିଂନୁ ସାମ୍ପ୍ରତଂ
କଥଂ ତେକିଂନୁସଦ୍ଵୃତ୍ତା ଦୁର୍ଵୃତ୍ତା କିଂନୁମେସୁତାଃ ||24||

ରାଜୋଵାଚ ||25||

ୟୈର୍ନିରସ୍ତୋ ଭଵାଂଲ୍ଲୁବ୍ଧୈଃ ପୁତ୍ରଦାରାଦିଭିର୍ଧନୈଃ ||26||

ତେଷୁ କିଂ ଭଵତଃ ସ୍ନେହ ମନୁବଧ୍ନାତି ମାନସମ ||27||

ଵୈଶ୍ୟ ଉଵାଚ ||28||

ଏଵମେତଦ୍ୟଥା ପ୍ରାହ ଭଵାନସ୍ମଦ୍ଗତଂ ଵଚଃ
କିଂ କରୋମି ନ ବଧ୍ନାତି ମମ ନିଷ୍ଟୁରତାଂ ମନଃ ||29||

ଐଃ ସଂତ୍ୟଜ୍ୟ ପିତୃସ୍ନେହଂ ଧନ ଲୁବ୍ଧୈର୍ନିରାକୃତଃ
ପତିଃସ୍ଵଜନହାର୍ଦଂ ଚ ହାର୍ଦିତେଷ୍ଵେଵ ମେ ମନଃ| ||30||

କିମେତନ୍ନାଭିଜାନାମି ଜାନନ୍ନପି ମହାମତେ
ୟତ୍ପ୍ରେମ ପ୍ରଵଣଂ ଚିତ୍ତଂ ଵିଗୁଣେଷ୍ଵପି ବନ୍ଧୁଷୁ ||31||

ତେଷାଂ କୃତେ ମେ ନିଃଶ୍ଵାସୋ ଦୌର୍ମନସ୍ୟଂ ଚଜାୟତେ ||32||

ଅରୋମି କିଂ ୟନ୍ନ ମନସ୍ତେଷ୍ଵପ୍ରୀତିଷୁ ନିଷ୍ଠୁରମ ||33||

ମାକଣ୍ଡେୟ ଉଵାଚ ||34||

ତତସ୍ତୌ ସହିତୌ ଵିପ୍ର ତଂମୁନିଂ ସମୁପସ୍ଥିତୌ ||35||

ସମାଧିର୍ନାମ ଵୈଶ୍ୟୋ‌உସୌ ସ ଚ ପାର୍ଧିଵ ସତ୍ତମଃ ||36||

କୃତ୍ଵା ତୁ ତୌ ୟଥାନ୍ୟାୟ୍ୟଂ ୟଥାର୍ହଂ ତେନ ସଂଵିଦମ|
ଉପଵିଷ୍ଟୌ କଥାଃ କାଶ୍ଚିତ୍‌ଚ୍ଚକ୍ରତୁର୍ଵୈଶ୍ୟପାର୍ଧିଵୌ ||37||

ରାଜୋ‌ଉଵାଚ ||38||

ଭଗଵଂସ୍ତ୍ଵାମହଂ ପ୍ରଷ୍ଟୁମିଚ୍ଛାମ୍ୟେକଂ ଵଦସ୍ଵତତ ||39||

ଦୁଃଖାୟ ୟନ୍ମେ ମନସଃ ସ୍ଵଚିତ୍ତାୟତ୍ତତାଂ ଵିନା ||40||

ମଆନତୋ‌உପି ୟଥାଜ୍ଞସ୍ୟ କିମେତନ୍ମୁନିସତ୍ତମଃ ||41||

ଅୟଂ ଚ ଇକୃତଃ ପୁତ୍ରୈଃ ଦାରୈର୍ଭୃତ୍ୟୈସ୍ତଥୋଜ୍ଘିତଃ
ସ୍ଵଜନେନ ଚ ସନ୍ତ୍ୟକ୍ତଃ ସ୍ତେଷୁ ହାର୍ଦୀ ତଥାପ୍ୟତି ||42||

ଏଵ ମେଷ ତଥାହଂ ଚ ଦ୍ଵାଵପ୍ତ୍ୟନ୍ତଦୁଃଖିତୌ|
ଦୃଷ୍ଟଦୋଷେ‌உପି ଵିଷୟେ ମମତ୍ଵାକୃଷ୍ଟମାନସୌ ||43||

ତତ୍କେନୈତନ୍ମହାଭାଗ ୟନ୍ମୋହୋ ଜ୍ଞାନିନୋରପି
ମମାସ୍ୟ ଚ ଭଵତ୍ୟେଷା ଵିଵେକାନ୍ଧସ୍ୟ ମୂଢତା ||44||

ଋଷିରୁଵାଚ ||45||

ଜ୍ଞାନ ମସ୍ତି ସମସ୍ତସ୍ୟ ଜନ୍ତୋର୍ଵ୍ଷୟ ଗୋଚରେ|
ଵିଷୟଶ୍ଚ ମହାଭାଗ ୟାନ୍ତି ଚୈଵଂ ପୃଥକ୍ପୃଥକ ||46||

କେଚିଦ୍ଦିଵା ତଥା ରାତ୍ରୌ ପ୍ରାଣିନଃ ସ୍ତୁଲ୍ୟଦୃଷ୍ଟୟଃ ||47||

ଜ୍ଞାନିନୋ ମନୁଜାଃ ସତ୍ୟଂ କିଂ ତୁ ତେ ନ ହି କେଵଲମ|
ୟତୋ ହି ଜ୍ଞାନିନଃ ସର୍ଵେ ପଶୁପକ୍ଷିମୃଗାଦୟଃ ||48||

ଜ୍ଞାନଂ ଚ ତନ୍ମନୁଷ୍ୟାଣାଂ ୟତ୍ତେଷାଂ ମୃଗପକ୍ଷିଣାଂ
ମନୁଷ୍ୟାଣାଂ ଚ ୟତ୍ତେଷାଂ ତୁଲ୍ୟମନ୍ୟତ୍ତଥୋଭୟୋଃ ||49||

ଜ୍ଞାନେ‌உପି ସତି ପଶ୍ୟୈତାନ ପତଗାଞ୍ଛାବଚଞ୍ଚୁଷୁ|
କଣମୋକ୍ଷାଦୃତାନ ମୋହାତ୍ପୀଡ୍ୟମାନାନପି କ୍ଷୁଧା ||50||

ମାନୁଷା ମନୁଜଵ୍ୟାଘ୍ର ସାଭିଲାଷାଃ ସୁତାନ ପ୍ରତି
ଲୋଭାତ ପ୍ରତ୍ୟୁପକାରାୟ ନନ୍ଵେତାନ କିଂ ନ ପଶ୍ୟସି ||51||

ତଥାପି ମମତାଵର୍ତେ ମୋହଗର୍ତେ ନିପାତିତାଃ
ମହାମାୟା ପ୍ରଭାଵେଣ ସଂସାରସ୍ଥିତିକାରିଣା ||52||

ତନ୍ନାତ୍ର ଵିସ୍ମୟଃ କାର୍ୟୋ ୟୋଗନିଦ୍ରା ଜଗତ୍ପତେଃ|
ମହାମାୟା ହରେଶ୍ଚୈଷା ତୟା ସମ୍ମୋହ୍ୟତେ ଜଗତ ||53||

ଜ୍ଙାନିନାମପି ଚେତାଂସି ଦେଵୀ ଭଗଵତୀ ହି ସା
ବଲାଦାକଷ୍ୟମୋହାୟ ମହାମାୟା ପ୍ରୟଚ୍ଛତି ||54||

ତୟା ଵିସୃଜ୍ୟତେ ଵିଶ୍ଵଂ ଜଗଦେତଚ୍ଚରାଚରମ |
ସୈଷା ପ୍ରସନ୍ନା ଵରଦା ନୃଣାଂ ଭଵତି ମୁକ୍ତୟେ ||55||

ସା ଵିଦ୍ୟା ପରମା ମୁକ୍ତେର୍ହେତୁଭୂତା ସନାତନୀ
ସଂସାରବଂଧହେତୁଶ୍ଚ ସୈଵ ସର୍ଵେଶ୍ଵରେଶ୍ଵରୀ ||56||

ରାଜୋଵାଚ ||57||

ଭଗଵନ କାହି ସା ଦେଵୀ ମାମାୟେତି ୟାଂ ଭଵାନ |
ବ୍ରଵୀତି କ୍ଥମୁତ୍ପନ୍ନା ସା କର୍ମାସ୍ୟାଶ୍ଚ କିଂ ଦ୍ଵିଜ ||58||

ୟତ୍ପ୍ରଭାଵା ଚ ସା ଦେଵୀ ୟତ୍ସ୍ଵରୂପା ୟଦୁଦ୍ଭଵା|
ତତ୍ସର୍ଵଂ ଶ୍ରୋତୁମିଚ୍ଛାମି ତ୍ଵତ୍ତୋ ବ୍ରହ୍ମଵିଦାଂ ଵର ||59||

ଋଷିରୁଵାଚ ||60||

ନିତ୍ୟୈଵ ସା ଜଗନ୍ମୂର୍ତିସ୍ତୟା ସର୍ଵମିଦଂ ତତମ ||61||

ତଥାପି ତତ୍ସମୁତ୍ପତ୍ତିର୍ବହୁଧା ଶ୍ରୂୟତାଂ ମମଃ ||62||

ଦେଵାନାଂ କାର୍ୟସିଦ୍ଧ୍ୟର୍ଥମ ଆଵିର୍ଭଵତି ସା ୟଦା|
ଉତ୍ପନ୍ନେତି ତଦା ଲୋକେ ସା ନିତ୍ୟାପ୍ୟଭିଧୀୟତେ ||63||

ୟୋଗନିଦ୍ରାଂ ୟଦା ଵିଷ୍ଣୁର୍ଜଗତ୍ୟେକାର୍ଣଵୀକୃତେ|
ଆସ୍ତୀର୍ୟ ଶେଷମଭଜତ କଲ୍ପାନ୍ତେ ଭଗଵାନ ପ୍ରଭୁଃ ||64||

ତଦା ଦ୍ଵାଵସୁରୌ ଘୋରୌ ଵିଖ୍ୟାତୌ ମଧୁକୈଟଭୌ|
ଵିଷ୍ଣୁକର୍ଣମଲୋଦ୍ଭୂତୌ ହନ୍ତୁଂ ବ୍ରହ୍ମାଣମୁଦ୍ୟତୌ ||65||

ସ ନାଭି କମଲେ ଵିଷ୍ଣୋଃ ସ୍ଥିତୋ ବ୍ରହ୍ମା ପ୍ରଜାପତିଃ
ଦୃଷ୍ଟ୍ଵା ତାଵସୁରୌ ଚୋଗ୍ରୌ ପ୍ରସୁପ୍ତଂ ଚ ଜନାର୍ଦନମ ||66||

ତୁଷ୍ଟାଵ ୟୋଗନିଦ୍ରାଂ ତାମେକାଗ୍ରହୃଦୟଃ ସ୍ଥିତଃ
ଵିବୋଧନାର୍ଧାୟ ହରେର୍ହରିନେତ୍ରକୃତାଲୟାମ ||67||

ଵିଶ୍ଵେଶ୍ଵରୀଂ ଜଗଦ୍ଧାତ୍ରୀଂ ସ୍ଥିତିସଂହାରକାରିଣୀମ|
ନିଦ୍ରାଂ ଭଗଵତୀଂ ଵିଷ୍ଣୋରତୁଲାଂ ତେଜସଃ ପ୍ରଭୁଃ ||68||

ବ୍ରହ୍ମୋଵାଚ ||69||

ତ୍ଵଂ ସ୍ଵାହା ତ୍ଵଂ ସ୍ଵଧା ତ୍ଵଂହି ଵଷଟ୍କାରଃ ସ୍ଵରାତ୍ମିକା|
ସୁଧା ତ୍ଵମକ୍ଷରେ ନିତ୍ୟେ ତ୍ରିଧା ମାତ୍ରାତ୍ମିକା ସ୍ଥିତା ||70||

ଅର୍ଧମାତ୍ରା ସ୍ଥିତା ନିତ୍ୟା ୟାନୁଚ୍ଚାର୍ୟାଵିଶେଷତଃ
ତ୍ଵମେଵ ସା ତ୍ଵଂ ସାଵିତ୍ରୀ ତ୍ଵଂ ଦେଵ ଜନନୀ ପରା ||71||

ତ୍ଵୟୈତଦ୍ଧାର୍ୟତେ ଵିଶ୍ଵଂ ତ୍ଵୟୈତତ ସୃଜ୍ୟତେ ଜଗତ|
ତ୍ଵୟୈତତ ପାଲ୍ୟତେ ଦେଵି ତ୍ଵମତ୍ସ୍ୟନ୍ତେ ଚ ସର୍ଵଦା ||72||

ଵିସୃଷ୍ଟୌ ସୃଷ୍ଟିରୂପାତ୍ଵଂ ସ୍ଥିତି ରୂପା ଚ ପାଲନେ|
ତଥା ସଂହୃତିରୂପାନ୍ତେ ଜଗତୋ‌உସ୍ୟ ଜଗନ୍ମୟେ ||73||

ମହାଵିଦ୍ୟା ମହାମାୟା ମହାମେଧା ମହାସ୍ମୃତିଃ|
ମହାମୋହା ଚ ଭଵତୀ ମହାଦେଵୀ ମହାସୁରୀ ||74||

ପ୍ରକୃତିସ୍ତ୍ଵଂ ଚ ସର୍ଵସ୍ୟ ଗୁଣତ୍ରୟ ଵିଭାଵିନୀ|
କାଳରାତ୍ରିର୍ମହାରାତ୍ରିର୍ମୋହରାତ୍ରିଶ୍ଚ ଦାରୁଣା ||75||

ତ୍ଵଂ ଶ୍ରୀସ୍ତ୍ଵମୀଶ୍ଵରୀ ତ୍ଵଂ ହ୍ରୀସ୍ତ୍ଵଂ ବୁଦ୍ଧିର୍ଭୋଧଲକ୍ଷଣା|
ଲଜ୍ଜାପୁଷ୍ଟିସ୍ତଥା ତୁଷ୍ଟିସ୍ତ୍ଵଂ ଶାନ୍ତିଃ କ୍ଷାନ୍ତି ରେଵ ଚ ||76||

ଖଡ୍ଗିନୀ ଶୂଲିନୀ ଘୋରା ଗଦିନୀ ଚକ୍ରିଣୀ ତଥା|
ଶଂଖିଣୀ ଚାପିନୀ ବାଣାଭୁଶୁଣ୍ଡୀପରିଘାୟୁଧା ||77||

ସୌମ୍ୟା ସୌମ୍ୟତରାଶେଷସୌମ୍ୟେଭ୍ୟସ୍ତ୍ଵତିସୁନ୍ଦରୀ
ପରାପରାଣାଂ ପରମା ତ୍ଵମେଵ ପରମେଶ୍ଵରୀ ||78||

ୟଚ୍ଚ କିଞ୍ଚିତ୍କ୍ଵଚିଦ୍ଵସ୍ତୁ ସଦସଦ୍ଵାଖିଲାତ୍ମିକେ|
ତସ୍ୟ ସର୍ଵସ୍ୟ ୟା ଶକ୍ତିଃ ସା ତ୍ଵଂ କିଂ ସ୍ତୂୟସେମୟା ||79||

ୟୟା ତ୍ଵୟା ଜଗତ ସ୍ରଷ୍ଟା ଜଗତ୍ପାତାତ୍ତି ୟୋ ଜଗତ|
ସୋ‌உପି ନିଦ୍ରାଵଶଂ ନୀତଃ କସ୍ତ୍ଵାଂ ସ୍ତୋତୁମିହେଶ୍ଵରଃ ||80||

ଵିଷ୍ଣୁଃ ଶରୀରଗ୍ରହଣମ ଅହମୀଶାନ ଏଵ ଚ
କାରିତାସ୍ତେ ୟତୋ‌உତସ୍ତ୍ଵାଂ କଃ ସ୍ତୋତୁଂ ଶକ୍ତିମାନ ଭଵେତ ||81||

ସା ତ୍ଵମିତ୍ଥଂ ପ୍ରଭାଵୈଃ ସ୍ଵୈରୁଦାରୈର୍ଦେଵି ସଂସ୍ତୁତା|
ମୋହୟୈତୌ ଦୁରାଧର୍ଷାଵସୁରୌ ମଧୁକୈଟଭୌ ||82||

ପ୍ରବୋଧଂ ଚ ଜଗତ୍ସ୍ଵାମୀ ନୀୟତାମଚ୍ୟୁତା ଲଘୁ ||83||
ବୋଧଶ୍ଚ କ୍ରିୟତାମସ୍ୟ ହନ୍ତୁମେତୌ ମହାସୁରୌ ||83||

ଋଷିରୁଵାଚ ||84||

ଏଵଂ ସ୍ତୁତା ତଦା ଦେଵୀ ତାମସୀ ତତ୍ର ଵେଧସା
ଵିଷ୍ଣୋଃ ପ୍ରଭୋଧନାର୍ଧାୟ ନିହନ୍ତୁଂ ମଧୁକୈଟଭୌ ||85||

ନେତ୍ରାସ୍ୟନାସିକାବାହୁହୃଦୟେଭ୍ୟସ୍ତଥୋରସଃ|
ନିର୍ଗମ୍ୟ ଦର୍ଶନେ ତସ୍ଥୌ ବ୍ରହ୍ମଣୋ ଅଵ୍ୟକ୍ତଜନ୍ମନଃ ||86||

ଉତ୍ତସ୍ଥୌ ଚ ଜଗନ୍ନାଥଃ ସ୍ତୟା ମୁକ୍ତୋ ଜନାର୍ଦନଃ|
ଏକାର୍ଣଵେ ଅହିଶୟନାତ୍ତତଃ ସ ଦଦୃଶେ ଚ ତୌ ||87||

ମଧୁକୈଟଭୌ ଦୁରାତ୍ମାନା ଵତିଵୀର୍ୟପରାକ୍ରମୌ
କ୍ରୋଧରକ୍ତେକ୍ଷଣାଵତ୍ତୁଂ ବ୍ରହ୍ମଣାଂ ଜନିତୋଦ୍ୟମୌ ||88||

ସମୁତ୍ଥାୟ ତତସ୍ତାଭ୍ୟାଂ ୟୁୟୁଧେ ଭଗଵାନ ହରିଃ
ପଞ୍ଚଵର୍ଷସହସ୍ତ୍ରାଣି ବାହୁପ୍ରହରଣୋ ଵିଭୁଃ ||89||

ତାଵପ୍ୟତିବଲୋନ୍ମତ୍ତୌ ମହାମାୟାଵିମୋହିତୌ ||90||

ଉକ୍ତଵନ୍ତୌ ଵରୋ‌உସ୍ମତ୍ତୋ ଵ୍ରିୟତାମିତି କେଶଵମ ||91||

ଶ୍ରୀ ଭଗଵାନୁଵାଚ ||92||

ଭଵେତାମଦ୍ୟ ମେ ତୁଷ୍ଟୌ ମମ ଵଧ୍ୟାଵୁଭାଵପି ||93||

କିମନ୍ୟେନ ଵରେଣାତ୍ର ଏତାଵୃଦ୍ଦି ଵୃତଂ ମମ ||94||

ଋଷିରୁଵାଚ ||95||

ଵଞ୍ଚିତାଭ୍ୟାମିତି ତଦା ସର୍ଵମାପୋମୟଂ ଜଗତ|
ଵିଲୋକ୍ୟ ତାଭ୍ୟାଂ ଗଦିତୋ ଭଗଵାନ କମଲେକ୍ଷଣଃ ||96||

ଆଵାଂ ଜହି ନ ୟତ୍ରୋର୍ଵୀ ସଲିଲେନ ପରିପ୍ଲୁତା| ||97||

ଋଷିରୁଵାଚ ||98||

ତଥେତ୍ୟୁକ୍ତ୍ଵା ଭଗଵତା ଶଂଖଚକ୍ରଗଦାଭୃତା|
କୃତ୍ଵା ଚକ୍ରେଣ ଵୈ ଛିନ୍ନେ ଜଘନେ ଶିରସୀ ତୟୋଃ ||99||

ଏଵମେଷା ସମୁତ୍ପନ୍ନା ବ୍ରହ୍ମଣା ସଂସ୍ତୁତା ସ୍ଵୟମ|
ପ୍ରଭାଵମସ୍ୟା ଦେଵ୍ୟାସ୍ତୁ ଭୂୟଃ ଶୃଣୁ ଵଦାମି ତେ ||100||

|| ଜୟ ଜୟ ଶ୍ରୀ ସ୍ଵସ୍ତି ଶ୍ରୀମାର୍କଣ୍ଡେୟପୁରାଣେ ସାଵର୍ଣିକେ ମନ୍ଵନ୍ତରେ ଦେଵୀମହାତ୍ମ୍ୟେ ମଧୁକୈଟଭଵଧୋ ନାମ ପ୍ରଧମୋ‌உଧ୍ୟାୟଃ ||

ଆହୁତି

ଓଂ ଏଂ ସାଂଗାୟୈ ସାୟୁଧାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଏଂ ବୀଜାଧିଷ୍ଟାୟୈ ମହା କାଳିକାୟୈ ମହା ଅହୁତିଂ ସମର୍ପୟାମି ନମଃ ସ୍ଵାହା ||

ରଚନ: ଋଷି ମାର୍କଂଡେୟ

ମହିଷାସୁର ସୈନ୍ୟଵଧୋ ନାମ ଦ୍ଵିତୀୟୋ‌உଧ୍ୟାୟଃ ||

ଅସ୍ୟ ସପ୍ତ ସତୀମଧ୍ୟମ ଚରିତ୍ରସ୍ୟ ଵିଷ୍ଣୁର ଋଷିଃ | ଉଷ୍ଣିକ ଛଂଦଃ | ଶ୍ରୀମହାଲକ୍ଷ୍ମୀଦେଵତା| ଶାକଂଭରୀ ଶକ୍ତିଃ | ଦୁର୍ଗା ବୀଜମ | ଵାୟୁସ୍ତତ୍ତ୍ଵମ | ୟଜୁର୍ଵେଦଃ ସ୍ଵରୂପମ | ଶ୍ରୀ ମହାଲକ୍ଷ୍ମୀପ୍ରୀତ୍ୟର୍ଥେ ମଧ୍ୟମ ଚରିତ୍ର ଜପେ ଵିନିୟୋଗଃ ||

ଧ୍ୟାନଂ
ଓଂ ଅକ୍ଷସ୍ରକ୍ପରଶୁଂ ଗଦେଷୁକୁଲିଶଂ ପଦ୍ମଂ ଧନୁଃ କୁଣ୍ଡିକାଂ
ଦଣ୍ଡଂ ଶକ୍ତିମସିଂ ଚ ଚର୍ମ ଜଲଜଂ ଘଣ୍ଟାଂ ସୁରାଭାଜନମ |
ଶୂଲଂ ପାଶସୁଦର୍ଶନେ ଚ ଦଧତୀଂ ହସ୍ତୈଃ ପ୍ରଵାଳ ପ୍ରଭାଂ
ସେଵେ ସୈରିଭମର୍ଦିନୀମିହ ମହଲକ୍ଷ୍ମୀଂ ସରୋଜସ୍ଥିତାମ ||

ଋଷିରୁଵାଚ ||1||

ଦେଵାସୁରମଭୂଦ୍ୟୁଦ୍ଧଂ ପୂର୍ଣମବ୍ଦଶତଂ ପୁରା|
ମହିଷେ‌உସୁରାଣାମ ଅଧିପେ ଦେଵାନାଂଚ ପୁରନ୍ଦରେ

ତତ୍ରାସୁରୈର୍ମହାଵୀର୍ୟିର୍ଦେଵସୈନ୍ୟଂ ପରାଜିତଂ|
ଜିତ୍ଵା ଚ ସକଲାନ ଦେଵାନ ଇନ୍ଦ୍ରୋ‌உଭୂନ୍ମହିଷାସୁରଃ ||3||

ତତଃ ପରାଜିତା ଦେଵାଃ ପଦ୍ମୟୋନିଂ ପ୍ରଜାପତିମ|
ପୁରସ୍କୃତ୍ୟଗତାସ୍ତତ୍ର ୟତ୍ରେଶ ଗରୁଡଧ୍ଵଜୌ ||4||

ୟଥାଵୃତ୍ତଂ ତୟୋସ୍ତଦ୍ଵନ ମହିଷାସୁରଚେଷ୍ଟିତମ|
ତ୍ରିଦଶାଃ କଥୟାମାସୁର୍ଦେଵାଭିଭଵଵିସ୍ତରମ ||5||

ସୂର୍ୟେନ୍ଦ୍ରାଗ୍ନ୍ୟନିଲେନ୍ଦୂନାଂ ୟମସ୍ୟ ଵରୁଣସ୍ୟ ଚ
ଅନ୍ୟେଷାଂ ଚାଧିକାରାନ୍ସ ସ୍ଵୟମେଵାଧିତିଷ୍ଟତି ||6||

ସ୍ଵର୍ଗାନ୍ନିରାକୃତାଃ ସର୍ଵେ ତେନ ଦେଵ ଗଣା ଭୁଵିଃ|
ଵିଚରନ୍ତି ୟଥା ମର୍ତ୍ୟା ମହିଷେଣ ଦୁରାତ୍ମନା ||6||

ଏତଦ୍ଵଃ କଥିତଂ ସର୍ଵମ ଅମରାରିଵିଚେଷ୍ଟିତମ|
ଶରଣଂ ଵଃ ପ୍ରପନ୍ନାଃ ସ୍ମୋ ଵଧସ୍ତସ୍ୟ ଵିଚିନ୍ତ୍ୟତାମ ||8||

ଇତ୍ଥଂ ନିଶମ୍ୟ ଦେଵାନାଂ ଵଚାଂସି ମଧୁସୂଧନଃ
ଚକାର କୋପଂ ଶମ୍ଭୁଶ୍ଚ ଭ୍ରୁକୁଟୀକୁଟିଲାନନୌ ||9||

ତତୋ‌உତିକୋପପୂର୍ଣସ୍ୟ ଚକ୍ରିଣୋ ଵଦନାତ୍ତତଃ|
ନିଶ୍ଚକ୍ରାମ ମହତ୍ତେଜୋ ବ୍ରହ୍ମଣଃ ଶଙ୍କରସ୍ୟ ଚ ||10||

ଅନ୍ୟେଷାଂ ଚୈଵ ଦେଵାନାଂ ଶକ୍ରାଦୀନାଂ ଶରୀରତଃ|
ନିର୍ଗତଂ ସୁମହତ୍ତେଜଃ ସ୍ତଚ୍ଚୈକ୍ୟଂ ସମଗଚ୍ଛତ ||11||

ଅତୀଵ ତେଜସଃ କୂଟଂ ଜ୍ଵଲନ୍ତମିଵ ପର୍ଵତମ|
ଦଦୃଶୁସ୍ତେ ସୁରାସ୍ତତ୍ର ଜ୍ଵାଲାଵ୍ୟାପ୍ତଦିଗନ୍ତରମ ||12||

ଅତୁଲଂ ତତ୍ର ତତ୍ତେଜଃ ସର୍ଵଦେଵ ଶରୀରଜମ|
ଏକସ୍ଥଂ ତଦଭୂନ୍ନାରୀ ଵ୍ୟାପ୍ତଲୋକତ୍ରୟଂ ତ୍ଵିଷା ||13||

ୟଦଭୂଚ୍ଛାମ୍ଭଵଂ ତେଜଃ ସ୍ତେନାଜାୟତ ତନ୍ମୁଖମ|
ୟାମ୍ୟେନ ଚାଭଵନ କେଶା ବାହଵୋ ଵିଷ୍ଣୁତେଜସା ||14||

ସୌମ୍ୟେନ ସ୍ତନୟୋର୍ୟୁଗ୍ମଂ ମଧ୍ୟଂ ଚୈଂଦ୍ରେଣ ଚାଭଵତ|
ଵାରୁଣେନ ଚ ଜଂଘୋରୂ ନିତମ୍ବସ୍ତେଜସା ଭୁଵଃ ||15||

ବ୍ରହ୍ମଣସ୍ତେଜସା ପାଦୌ ତଦଙ୍ଗୁଳ୍ୟୋ‌உର୍କ ତେଜସା|
ଵସୂନାଂ ଚ କରାଙ୍ଗୁଳ୍ୟଃ କୌବେରେଣ ଚ ନାସିକା ||16||

ତସ୍ୟାସ୍ତୁ ଦନ୍ତାଃ ସମ୍ଭୂତା ପ୍ରାଜାପତ୍ୟେନ ତେଜସା
ନୟନତ୍ରିତୟଂ ଜଜ୍ଞେ ତଥା ପାଵକତେଜସା ||17||

ଭ୍ରୁଵୌ ଚ ସନ୍ଧ୍ୟୟୋସ୍ତେଜଃ ଶ୍ରଵଣାଵନିଲସ୍ୟ ଚ
ଅନ୍ୟେଷାଂ ଚୈଵ ଦେଵାନାଂ ସମ୍ଭଵସ୍ତେଜସାଂ ଶିଵ ||18||

ତତଃ ସମସ୍ତ ଦେଵାନାଂ ତେଜୋରାଶିସମୁଦ୍ଭଵାମ|
ତାଂ ଵିଲୋକ୍ୟ ମୁଦଂ ପ୍ରାପୁଃ ଅମରା ମହିଷାର୍ଦିତାଃ ||19||

ଶୂଲଂ ଶୂଲାଦ୍ଵିନିଷ୍କୃଷ୍ୟ ଦଦୌ ତସ୍ୟୈ ପିନାକଧୃକ|
ଚକ୍ରଂ ଚ ଦତ୍ତଵାନ କୃଷ୍ଣଃ ସମୁତ୍ପାଟ୍ୟ ସ୍ଵଚକ୍ରତଃ ||20||

ଶଙ୍ଖଂ ଚ ଵରୁଣଃ ଶକ୍ତିଂ ଦଦୌ ତସ୍ୟୈ ହୁତାଶନଃ
ମାରୁତୋ ଦତ୍ତଵାଂଶ୍ଚାପଂ ବାଣପୂର୍ଣେ ତଥେଷୁଧୀ ||21||

ଵଜ୍ରମିନ୍ଦ୍ରଃ ସମୁତ୍ପାଟ୍ୟ କୁଲିଶାଦମରାଧିପଃ|
ଦଦୌ ତସ୍ୟୈ ସହସ୍ରାକ୍ଷୋ ଘଣ୍ଟାମୈରାଵତାଦ୍ଗଜାତ ||22||

କାଲଦଣ୍ଡାଦ୍ୟମୋ ଦଣ୍ଡଂ ପାଶଂ ଚାମ୍ବୁପତିର୍ଦଦୌ|
ପ୍ରଜାପତିଶ୍ଚାକ୍ଷମାଲାଂ ଦଦୌ ବ୍ରହ୍ମା କମଣ୍ଡଲଂ ||23||

ସମସ୍ତରୋମକୂପେଷୁ ନିଜ ରଶ୍ମୀନ ଦିଵାକରଃ
କାଲଶ୍ଚ ଦତ୍ତଵାନ ଖଡ୍ଗଂ ତସ୍ୟାଃ ଶ୍ଚର୍ମ ଚ ନିର୍ମଲମ ||24||

କ୍ଷୀରୋଦଶ୍ଚାମଲଂ ହାରମ ଅଜରେ ଚ ତଥାମ୍ବରେ
ଚୂଡାମଣିଂ ତଥାଦିଵ୍ୟଂ କୁଣ୍ଡଲେ କଟକାନିଚ ||25||

ଅର୍ଧଚନ୍ଦ୍ରଂ ତଧା ଶୁଭ୍ରଂ କେୟୂରାନ ସର୍ଵ ବାହୁଷୁ
ନୂପୁରୌ ଵିମଲୌ ତଦ୍ଵ ଦ୍ଗ୍ରୈଵେୟକମନୁତ୍ତମମ ||26||

ଅଙ୍ଗୁଳୀୟକରତ୍ନାନି ସମସ୍ତାସ୍ଵଙ୍ଗୁଳୀଷୁ ଚ
ଵିଶ୍ଵ କର୍ମା ଦଦୌ ତସ୍ୟୈ ପରଶୁଂ ଚାତି ନିର୍ମଲଂ ||27||

ଅସ୍ତ୍ରାଣ୍ୟନେକରୂପାଣି ତଥା‌உଭେଦ୍ୟଂ ଚ ଦଂଶନମ|
ଅମ୍ଲାନ ପଙ୍କଜାଂ ମାଲାଂ ଶିରସ୍ୟୁ ରସି ଚାପରାମ||28||

ଅଦଦଜ୍ଜଲଧିସ୍ତସ୍ୟୈ ପଙ୍କଜଂ ଚାତିଶୋଭନମ|
ହିମଵାନ ଵାହନଂ ସିଂହଂ ରତ୍ନାନି ଵିଵିଧାନିଚ ||29||

ଦଦାଵଶୂନ୍ୟଂ ସୁରୟା ପାନପାତ୍ରଂ ଦନାଧିପଃ|
ଶେଷଶ୍ଚ ସର୍ଵ ନାଗେଶୋ ମହାମଣି ଵିଭୂଷିତମ ||30||

ନାଗହାରଂ ଦଦୌ ତସ୍ୟୈ ଧତ୍ତେ ୟଃ ପୃଥିଵୀମିମାମ|
ଅନ୍ୟୈରପି ସୁରୈର୍ଦେଵୀ ଭୂଷଣୈଃ ଆୟୁଧୈସ୍ତଥାଃ ||31||

ସମ୍ମାନିତା ନନାଦୋଚ୍ଚୈଃ ସାଟ୍ଟହାସଂ ମୁହୁର୍ମୁହୁ|
ତସ୍ୟାନାଦେନ ଘୋରେଣ କୃତ୍ସ୍ନ ମାପୂରିତଂ ନଭଃ ||32||

ଅମାୟତାତିମହତା ପ୍ରତିଶବ୍ଦୋ ମହାନଭୂତ|
ଚୁକ୍ଷୁଭୁଃ ସକଲାଲୋକାଃ ସମୁଦ୍ରାଶ୍ଚ ଚକମ୍ପିରେ ||33||

ଚଚାଲ ଵସୁଧା ଚେଲୁଃ ସକଲାଶ୍ଚ ମହୀଧରାଃ|
ଜୟେତି ଦେଵାଶ୍ଚ ମୁଦା ତାମୂଚୁଃ ସିଂହଵାହିନୀମ ||34||

ତୁଷ୍ଟୁଵୁର୍ମୁନୟଶ୍ଚୈନାଂ ଭକ୍ତିନମ୍ରାତ୍ମମୂର୍ତୟଃ|
ଦୃଷ୍ଟ୍ଵା ସମସ୍ତଂ ସଂକ୍ଷୁବ୍ଧଂ ତ୍ରୈଲୋକ୍ୟମ ଅମରାରୟଃ ||35||

ସନ୍ନଦ୍ଧାଖିଲସୈନ୍ୟାସ୍ତେ ସମୁତ୍ତସ୍ଥୁରୁଦାୟୁଦାଃ|
ଆଃ କିମେତଦିତି କ୍ରୋଧାଦାଭାଷ୍ୟ ମହିଷାସୁରଃ ||36||

ଅଭ୍ୟଧାଵତ ତଂ ଶବ୍ଦମ ଅଶେଷୈରସୁରୈର୍ଵୃତଃ|
ସ ଦଦର୍ଷ ତତୋ ଦେଵୀଂ ଵ୍ୟାପ୍ତଲୋକତ୍ରୟାଂ ତ୍ଵିଷା ||37||

ପାଦାକ୍ରାନ୍ତ୍ୟା ନତଭୁଵଂ କିରୀଟୋଲ୍ଲିଖିତାମ୍ବରାମ|
କ୍ଷୋଭିତାଶେଷପାତାଳାଂ ଧନୁର୍ଜ୍ୟାନିଃସ୍ଵନେନ ତାମ ||38||

ଦିଶୋ ଭୁଜସହସ୍ରେଣ ସମନ୍ତାଦ୍ଵ୍ୟାପ୍ୟ ସଂସ୍ଥିତାମ|
ତତଃ ପ୍ରଵଵୃତେ ୟୁଦ୍ଧଂ ତୟା ଦେଵ୍ୟା ସୁରଦ୍ଵିଷାଂ ||39||

ଶସ୍ତ୍ରାସ୍ତ୍ରୈର୍ଭହୁଧା ମୁକ୍ତୈରାଦୀପିତଦିଗନ୍ତରମ|
ମହିଷାସୁରସେନାନୀଶ୍ଚିକ୍ଷୁରାଖ୍ୟୋ ମହାସୁରଃ ||40||

ୟୁୟୁଧେ ଚମରଶ୍ଚାନ୍ୟୈଶ୍ଚତୁରଙ୍ଗବଲାନ୍ଵିତଃ|
ରଥାନାମୟୁତୈଃ ଷଡ୍ଭିଃ ରୁଦଗ୍ରାଖ୍ୟୋ ମହାସୁରଃ ||41||

ଅୟୁଧ୍ୟତାୟୁତାନାଂ ଚ ସହସ୍ରେଣ ମହାହନୁଃ|
ପଞ୍ଚାଶଦ୍ଭିଶ୍ଚ ନିୟୁତୈରସିଲୋମା ମହାସୁରଃ ||42||

ଅୟୁତାନାଂ ଶତୈଃ ଷଡ୍ଭିଃର୍ଭାଷ୍କଲୋ ୟୁୟୁଧେ ରଣେ|
ଗଜଵାଜି ସହସ୍ରୌଘୈ ରନେକୈଃ ପରିଵାରିତଃ ||43||

ଵୃତୋ ରଥାନାଂ କୋଟ୍ୟା ଚ ୟୁଦ୍ଧେ ତସ୍ମିନ୍ନୟୁଧ୍ୟତ|
ବିଡାଲାଖ୍ୟୋ‌உୟୁତାନାଂ ଚ ପଞ୍ଚାଶଦ୍ଭିରଥାୟୁତୈଃ ||44||

ୟୁୟୁଧେ ସଂୟୁଗେ ତତ୍ର ରଥାନାଂ ପରିଵାରିତଃ|
ଅନ୍ୟେ ଚ ତତ୍ରାୟୁତଶୋ ରଥନାଗହୟୈର୍ଵୃତାଃ ||45||

ୟୁୟୁଧୁଃ ସଂୟୁଗେ ଦେଵ୍ୟା ସହ ତତ୍ର ମହାସୁରାଃ|
କୋଟିକୋଟିସହସ୍ତ୍ରୈସ୍ତୁ ରଥାନାଂ ଦନ୍ତିନାଂ ତଥା ||46||

ହୟାନାଂ ଚ ଵୃତୋ ୟୁଦ୍ଧେ ତତ୍ରାଭୂନ୍ମହିଷାସୁରଃ|
ତୋମରୈର୍ଭିନ୍ଧିପାଲୈଶ୍ଚ ଶକ୍ତିଭିର୍ମୁସଲୈସ୍ତଥା ||47||

ୟୁୟୁଧୁଃ ସଂୟୁଗେ ଦେଵ୍ୟା ଖଡ୍ଗୈଃ ପରସୁପଟ୍ଟିସୈଃ|
କେଚିଚ୍ଛ ଚିକ୍ଷିପୁଃ ଶକ୍ତୀଃ କେଚିତ ପାଶାଂସ୍ତଥାପରେ ||48||

ଦେଵୀଂ ଖଡ୍ଗପ୍ରହାରୈସ୍ତୁ ତେ ତାଂ ହନ୍ତୁଂ ପ୍ରଚକ୍ରମୁଃ|
ସାପି ଦେଵୀ ତତସ୍ତାନି ଶସ୍ତ୍ରାଣ୍ୟସ୍ତ୍ରାଣି ଚଣ୍ଡିକା ||49||

ଲୀଲ ୟୈଵ ପ୍ରଚିଚ୍ଛେଦ ନିଜଶସ୍ତ୍ରାସ୍ତ୍ରଵର୍ଷିଣୀ|
ଅନାୟସ୍ତାନନା ଦେଵୀ ସ୍ତୂୟମାନା ସୁରର୍ଷିଭିଃ ||50||

ମୁମୋଚାସୁରଦେହେଷୁ ଶସ୍ତ୍ରାଣ୍ୟସ୍ତ୍ରାଣି ଚେଶ୍ଵରୀ|
ସୋ‌உପି କ୍ରୁଦ୍ଧୋ ଧୁତସଟୋ ଦେଵ୍ୟା ଵାହନକେସରୀ ||51||

ଚଚାରାସୁର ସୈନ୍ୟେଷୁ ଵନେଷ୍ଵିଵ ହୁତାଶନଃ|
ନିଃଶ୍ଵାସାନ ମୁମୁଚେୟାଂଶ୍ଚ ୟୁଧ୍ୟମାନାରଣେ‌உମ୍ବିକା||52||

ତ ଏଵ ସଧ୍ୟସମ୍ଭୂତା ଗଣାଃ ଶତସହସ୍ରଶଃ|
ୟୁୟୁଧୁସ୍ତେ ପରଶୁଭିର୍ଭିନ୍ଦିପାଲାସିପଟ୍ଟିଶୈଃ ||53||

ନାଶୟନ୍ତୋ‌உଅସୁରଗଣାନ ଦେଵୀଶକ୍ତ୍ୟୁପବୃଂହିତାଃ|
ଅଵାଦୟନ୍ତା ପଟହାନ ଗଣାଃ ଶଙାଂ ସ୍ତଥାପରେ ||54||

ମୃଦଙ୍ଗାଂଶ୍ଚ ତଥୈଵାନ୍ୟେ ତସ୍ମିନ୍ୟୁଦ୍ଧ ମହୋତ୍ସଵେ|
ତତୋଦେଵୀ ତ୍ରିଶୂଲେନ ଗଦୟା ଶକ୍ତିଵୃଷ୍ଟିଭିଃ||55||

ଖଡ୍ଗାଦିଭିଶ୍ଚ ଶତଶୋ ନିଜଘାନ ମହାସୁରାନ|
ପାତୟାମାସ ଚୈଵାନ୍ୟାନ ଘଣ୍ଟାସ୍ଵନଵିମୋହିତାନ ||56||

ଅସୁରାନ ଭୁଵିପାଶେନ ବଧ୍ଵାଚାନ୍ୟାନକର୍ଷୟତ|
କେଚିଦ ଦ୍ଵିଧାକୃତା ସ୍ତୀକ୍ଷ୍ଣୈଃ ଖଡ୍ଗପାତୈସ୍ତଥାପରେ ||57||

ଵିପୋଥିତା ନିପାତେନ ଗଦୟା ଭୁଵି ଶେରତେ|
ଵେମୁଶ୍ଚ କେଚିଦ୍ରୁଧିରଂ ମୁସଲେନ ଭୃଶଂ ହତାଃ ||58||

କେଚିନ୍ନିପତିତା ଭୂମୌ ଭିନ୍ନାଃ ଶୂଲେନ ଵକ୍ଷସି|
ନିରନ୍ତରାଃ ଶରୌଘେନ କୃତାଃ କେଚିଦ୍ରଣାଜିରେ ||59||

ଶଲ୍ୟାନୁକାରିଣଃ ପ୍ରାଣାନ ମମୁଚୁସ୍ତ୍ରିଦଶାର୍ଦନାଃ|
କେଷାଞ୍ଚିଦ୍ବାହଵଶ୍ଚିନ୍ନାଶ୍ଚିନ୍ନଗ୍ରୀଵାସ୍ତଥାପରେ ||60||

ଶିରାଂସି ପେତୁରନ୍ୟେଷାମ ଅନ୍ୟେ ମଧ୍ୟେ ଵିଦାରିତାଃ|
ଵିଚ୍ଛିନ୍ନଜଜ୍ଘାସ୍ଵପରେ ପେତୁରୁର୍ଵ୍ୟାଂ ମହାସୁରାଃ ||61||

ଏକବାହ୍ଵକ୍ଷିଚରଣାଃ କେଚିଦ୍ଦେଵ୍ୟା ଦ୍ଵିଧାକୃତାଃ|
ଛିନ୍ନେପି ଚାନ୍ୟେ ଶିରସି ପତିତାଃ ପୁନରୁତ୍ଥିତାଃ ||62||

କବନ୍ଧା ୟୁୟୁଧୁର୍ଦେଵ୍ୟା ଗୃହୀତପରମାୟୁଧାଃ|
ନନୃତୁଶ୍ଚାପରେ ତତ୍ର ୟୁଦ୍ଦେ ତୂର୍ୟଲୟାଶ୍ରିତାଃ ||63||

କବନ୍ଧାଶ୍ଚିନ୍ନଶିରସଃ ଖଡ୍ଗଶକ୍ୟ୍ତୃଷ୍ଟିପାଣୟଃ|
ତିଷ୍ଠ ତିଷ୍ଠେତି ଭାଷନ୍ତୋ ଦେଵୀ ମନ୍ୟେ ମହାସୁରାଃ ||64||

ପାତିତୈ ରଥନାଗାଶ୍ଵୈଃ ଆସୁରୈଶ୍ଚ ଵସୁନ୍ଧରା|
ଅଗମ୍ୟା ସାଭଵତ୍ତତ୍ର ୟତ୍ରାଭୂତ ସ ମହାରଣଃ ||65||

ଶୋଣିତୌଘା ମହାନଦ୍ୟସ୍ସଦ୍ୟସ୍ତତ୍ର ଵିସୁସ୍ରୁଵୁଃ|
ମଧ୍ୟେ ଚାସୁରସୈନ୍ୟସ୍ୟ ଵାରଣାସୁରଵାଜିନାମ ||66||

କ୍ଷଣେନ ତନ୍ମହାସୈନ୍ୟମସୁରାଣାଂ ତଥା‌உମ୍ବିକା|
ନିନ୍ୟେ କ୍ଷୟଂ ୟଥା ଵହ୍ନିସ୍ତୃଣଦାରୁ ମହାଚୟମ ||67||

ସଚ ସିଂହୋ ମହାନାଦମୁତ୍ସୃଜନ ଧୁତକେସରଃ|
ଶରୀରେଭ୍ୟୋ‌உମରାରୀଣାମସୂନିଵ ଵିଚିନ୍ଵତି ||68||

ଦେଵ୍ୟା ଗଣୈଶ୍ଚ ତୈସ୍ତତ୍ର କୃତଂ ୟୁଦ୍ଧଂ ତଥାସୁରୈଃ|
ୟଥୈଷାଂ ତୁଷ୍ଟୁଵୁର୍ଦେଵାଃ ପୁଷ୍ପଵୃଷ୍ଟିମୁଚୋ ଦିଵି ||69||

ଜୟ ଜୟ ଶ୍ରୀ ମାର୍କଣ୍ଡେୟ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ୟେ ମହିଷାସୁରସୈନ୍ୟଵଧୋ ନାମ ଦ୍ଵିତୀୟୋ‌உଧ୍ୟାୟଃ||

ଆହୁତି
ଓଂ ହ୍ରୀଂ ସାଂଗାୟୈ ସାୟୁଧାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଅଷ୍ଟାଵିଂଶତି ଵର୍ଣାତ୍ମିକାୟୈ ଲକ୍ଶ୍ମୀ ବୀଜାଦିଷ୍ଟାୟୈ ମହାହୁତିଂ ସମର୍ପୟାମି ନମଃ ସ୍ଵାହା |

ରଚନ: ଋଷି ମାର୍କଂଡେୟ

ମହିଷାସୁରଵଧୋ ନାମ ତୃତୀୟୋ‌உଧ୍ୟାୟଃ ||

ଧ୍ୟାନଂ
ଓଂ ଉଦ୍ୟଦ୍ଭାନୁସହସ୍ରକାଂତିମ ଅରୁଣକ୍ଷୌମାଂ ଶିରୋମାଲିକାଂ
ରକ୍ତାଲିପ୍ତ ପୟୋଧରାଂ ଜପଵଟୀଂ ଵିଦ୍ୟାମଭୀତିଂ ଵରମ |
ହସ୍ତାବ୍ଜୈର୍ଧଧତୀଂ ତ୍ରିନେତ୍ରଵକ୍ତ୍ରାରଵିଂଦଶ୍ରିୟଂ
ଦେଵୀଂ ବଦ୍ଧହିମାଂଶୁରତ୍ନମକୁଟାଂ ଵଂଦେ‌உରଵିଂଦସ୍ଥିତାମ ||

ଋଷିରୁଵାଚ ||1||

ନିହନ୍ୟମାନଂ ତତ୍ସୈନ୍ୟମ ଅଵଲୋକ୍ୟ ମହାସୁରଃ|
ସେନାନୀଶ୍ଚିକ୍ଷୁରଃ କୋପାଦ ଧ୍ୟୟୌ ୟୋଦ୍ଧୁମଥାମ୍ବିକାମ ||2||

ସ ଦେଵୀଂ ଶରଵର୍ଷେଣ ଵଵର୍ଷ ସମରେ‌உସୁରଃ|
ୟଥା ମେରୁଗିରେଃଶୃଙ୍ଗଂ ତୋୟଵର୍ଷେଣ ତୋୟଦଃ ||3||

ତସ୍ୟ ଛିତ୍ଵା ତତୋ ଦେଵୀ ଲୀଲୟୈଵ ଶରୋତ୍କରାନ|
ଜଘାନ ତୁରଗାନ୍ବାଣୈର୍ୟନ୍ତାରଂ ଚୈଵ ଵାଜିନାମ ||4||

ଚିଚ୍ଛେଦ ଚ ଧନୁଃସଧ୍ୟୋ ଧ୍ଵଜଂ ଚାତିସମୁଚ୍ଛୃତମ|
ଵିଵ୍ୟାଧ ଚୈଵ ଗାତ୍ରେଷୁ ଚିନ୍ନଧନ୍ଵାନମାଶୁଗୈଃ ||5||

ସଚ୍ଛିନ୍ନଧନ୍ଵା ଵିରଥୋ ହତାଶ୍ଵୋ ହତସାରଥିଃ|
ଅଭ୍ୟଧାଵତ ତାଂ ଦେଵୀଂ ଖଡ୍ଗଚର୍ମଧରୋ‌உସୁରଃ ||6||

ସିଂହମାହତ୍ୟ ଖଡ୍ଗେନ ତୀକ୍ଷ୍ଣଧାରେଣ ମୂର୍ଧନି|
ଆଜଘାନ ଭୁଜେ ସଵ୍ୟେ ଦେଵୀମ ଅଵ୍ୟତିଵେଗଵାନ ||6||

ତସ୍ୟାଃ ଖଡ୍ଗୋ ଭୁଜଂ ପ୍ରାପ୍ୟ ପଫାଲ ନୃପନଂଦନ|
ତତୋ ଜଗ୍ରାହ ଶୂଲଂ ସ କୋପାଦ ଅରୁଣଲୋଚନଃ ||8||

ଚିକ୍ଷେପ ଚ ତତସ୍ତତ୍ତୁ ଭଦ୍ରକାଳ୍ୟାଂ ମହାସୁରଃ|
ଜାଜ୍ଵଲ୍ୟମାନଂ ତେଜୋଭୀ ରଵିବିଂବମିଵାମ୍ବରାତ ||9||

ଦୃଷ୍ଟ୍ଵା ତଦାପତଚ୍ଛୂଲଂ ଦେଵୀ ଶୂଲମମୁଞ୍ଚତ|
ତଚ୍ଛୂଲଂଶତଧା ତେନ ନୀତଂ ଶୂଲଂ ସ ଚ ମହାସୁରଃ ||10||

ହତେ ତସ୍ମିନ୍ମହାଵୀର୍ୟେ ମହିଷସ୍ୟ ଚମୂପତୌ|
ଆଜଗାମ ଗଜାରୂଡଃ ଶ୍ଚାମରସ୍ତ୍ରିଦଶାର୍ଦନଃ ||11||

ସୋ‌உପି ଶକ୍ତିଂମୁମୋଚାଥ ଦେଵ୍ୟାସ୍ତାମ ଅମ୍ବିକା ଦ୍ରୁତମ|
ହୁଙ୍କାରାଭିହତାଂ ଭୂମୌ ପାତୟାମାସନିଷ୍ପ୍ରଭାମ ||12||

ଭଗ୍ନାଂ ଶକ୍ତିଂ ନିପତିତାଂ ଦୃଷ୍ଟ୍ଵା କ୍ରୋଧସମନ୍ଵିତଃ
ଚିକ୍ଷେପ ଚାମରଃ ଶୂଲଂ ବାଣୈସ୍ତଦପି ସାଚ୍ଛିନତ ||13||

ତତଃ ସିଂହଃସମୁତ୍ପତ୍ୟ ଗଜକୁନ୍ତରେ ମ୍ଭାନ୍ତରେସ୍ଥିତଃ|
ବାହୁୟୁଦ୍ଧେନ ୟୁୟୁଧେ ତେନୋଚ୍ଚୈସ୍ତ୍ରିଦଶାରିଣା ||14||

ୟୁଧ୍ୟମାନୌ ତତସ୍ତୌ ତୁ ତସ୍ମାନ୍ନାଗାନ୍ମହୀଂ ଗତୌ
ୟୁୟୁଧାତେ‌உତିସଂରବ୍ଧୌ ପ୍ରହାରୈ ଅତିଦାରୁଣୈଃ ||15||

ତତୋ ଵେଗାତ ଖମୁତ୍ପତ୍ୟ ନିପତ୍ୟ ଚ ମୃଗାରିଣା|
କରପ୍ରହାରେଣ ଶିରଶ୍ଚାମରସ୍ୟ ପୃଥକ କୃତମ ||16||

ଉଦଗ୍ରଶ୍ଚ ରଣେ ଦେଵ୍ୟା ଶିଲାଵୃକ୍ଷାଦିଭିର୍ହତଃ|
ଦନ୍ତ ମୁଷ୍ଟିତଲୈଶ୍ଚୈଵ କରାଳଶ୍ଚ ନିପାତିତଃ ||17||

ଦେଵୀ କୃଦ୍ଧା ଗଦାପାତୈଃ ଶ୍ଚୂର୍ଣୟାମାସ ଚୋଦ୍ଧତମ|
ଭାଷ୍କଲଂ ଭିନ୍ଦିପାଲେନ ବାଣୈସ୍ତାମ୍ରଂ ତଥାନ୍ଧକମ ||18||

ଉଗ୍ରାସ୍ୟମୁଗ୍ରଵୀର୍ୟଂ ଚ ତଥୈଵ ଚ ମହାହନୁମ
ତ୍ରିନେତ୍ରା ଚ ତ୍ରିଶୂଲେନ ଜଘାନ ପରମେଶ୍ଵରୀ ||19||

ବିଡାଲସ୍ୟାସିନା କାୟାତ ପାତୟାମାସ ଵୈ ଶିରଃ|
ଦୁର୍ଧରଂ ଦୁର୍ମୁଖଂ ଚୋଭୌ ଶରୈର୍ନିନ୍ୟେ ୟମକ୍ଷୟମ ||20||

ଏଵଂ ସଂକ୍ଷୀୟମାଣେ ତୁ ସ୍ଵସୈନ୍ୟେ ମହିଷାସୁରଃ|
ମାହିଷେଣ ସ୍ଵରୂପେଣ ତ୍ରାସୟାମାସତାନ ଗଣାନ ||21||

କାଂଶ୍ଚିତ୍ତୁଣ୍ଡପ୍ରହାରେଣ ଖୁରକ୍ଷେପୈସ୍ତଥାପରାନ|
ଲାଙ୍ଗୂଲତାଡିତାଂଶ୍ଚାନ୍ୟାନ ଶୃଙ୍ଗାଭ୍ୟାଂ ଚ ଵିଦାରିତା ||22||

ଵେଗେନ କାଂଶ୍ଚିଦପରାନ୍ନାଦେନ ଭ୍ରମଣେନ ଚ|
ନିଃ ଶ୍ଵାସପଵନେନାନ୍ୟାନ ପାତୟାମାସ ଭୂତଲେ||23||

ନିପାତ୍ୟ ପ୍ରମଥାନୀକମଭ୍ୟଧାଵତ ସୋ‌உସୁରଃ
ସିଂହଂ ହନ୍ତୁଂ ମହାଦେଵ୍ୟାଃ କୋପଂ ଚକ୍ରେ ତତୋ‌உମ୍ଭିକା ||24||

ସୋ‌உପି କୋପାନ୍ମହାଵୀର୍ୟଃ ଖୁରକ୍ଷୁଣ୍ଣମହୀତଲଃ|
ଶୃଙ୍ଗାଭ୍ୟାଂ ପର୍ଵତାନୁଚ୍ଚାଂଶ୍ଚିକ୍ଷେପ ଚ ନନାଦ ଚ ||25||

ଵେଗ ଭ୍ରମଣ ଵିକ୍ଷୁଣ୍ଣା ମହୀ ତସ୍ୟ ଵ୍ୟଶୀର୍ୟତ|
ଲାଙ୍ଗୂଲେନାହତଶ୍ଚାବ୍ଧିଃ ପ୍ଲାଵୟାମାସ ସର୍ଵତଃ ||26||

ଧୁତଶୃଙ୍ଗ୍ଵିଭିନ୍ନାଶ୍ଚ ଖଣ୍ଡଂ ଖଣ୍ଡଂ ୟୟୁର୍ଘନାଃ|
ଶ୍ଵାସାନିଲାସ୍ତାଃ ଶତଶୋ ନିପେତୁର୍ନଭସୋ‌உଚଲାଃ ||27||

ଇତିକ୍ରୋଧସମାଧ୍ମାତମାପତନ୍ତଂ ମହାସୁରମ|
ଦୃଷ୍ଟ୍ଵା ସା ଚଣ୍ଡିକା କୋପଂ ତଦ୍ଵଧାୟ ତଦା‌உକରୋତ ||28||

ସା କ୍ଷିତ୍ପ୍ଵା ତସ୍ୟ ଵୈପାଶଂ ତଂ ବବନ୍ଧ ମହାସୁରମ|
ତତ୍ୟାଜମାହିଷଂ ରୂପଂ ସୋ‌உପି ବଦ୍ଧୋ ମହାମୃଧେ ||29||

ତତଃ ସିଂହୋ‌உଭଵତ୍ସଧ୍ୟୋ ୟାଵତ୍ତସ୍ୟାମ୍ବିକା ଶିରଃ|
ଛିନତ୍ତି ତାଵତ ପୁରୁଷଃ ଖଡ୍ଗପାଣି ରଦୃଶ୍ୟତ ||30||

ତତ ଏଵାଶୁ ପୁରୁଷଂ ଦେଵୀ ଚିଚ୍ଛେଦ ସାୟକୈଃ|
ତଂ ଖଡ୍ଗଚର୍ମଣା ସାର୍ଧଂ ତତଃ ସୋ‌உ ଭୂନ୍ମହା ଗଜଃ ||31||

କରେଣ ଚ ମହାସିଂହଂ ତଂ ଚକର୍ଷ ଜଗର୍ଜଚ |
କର୍ଷତସ୍ତୁ କରଂ ଦେଵୀ ଖଡ୍ଗେନ ନିରକୃନ୍ତତ ||32||

ତତୋ ମହାସୁରୋ ଭୂୟୋ ମାହିଷଂ ଵପୁରାସ୍ଥିତଃ|
ତଥୈଵ କ୍ଷୋଭୟାମାସ ତ୍ରୈଲୋକ୍ୟଂ ସଚରାଚରମ ||33||

ତତଃ କ୍ରୁଦ୍ଧା ଜଗନ୍ମାତା ଚଣ୍ଡିକା ପାନ ମୁତ୍ତମମ|
ପପୌ ପୁନଃ ପୁନଶ୍ଚୈଵ ଜହାସାରୁଣଲୋଚନା ||34||

ନନର୍ଦ ଚାସୁରଃ ସୋ‌உପି ବଲଵୀର୍ୟମଦୋଦ୍ଧତଃ|
ଵିଷାଣାଭ୍ୟାଂ ଚ ଚିକ୍ଷେପ ଚଣ୍ଡିକାଂ ପ୍ରତିଭୂଧରାନ ||35||

ସା ଚ ତା ନ୍ପ୍ରହିତାଂ ସ୍ତେନ ଚୂର୍ଣୟନ୍ତୀ ଶରୋତ୍କରୈଃ|
ଉଵାଚ ତଂ ମଦୋଦ୍ଧୂତମୁଖରାଗାକୁଲାକ୍ଷରମ ||36||

ଦେଵ୍ୟୁ‌ଉଵାଚ||

ଗର୍ଜ ଗର୍ଜ କ୍ଷଣଂ ମୂଢ ମଧୁ ୟାଵତ୍ପିବାମ୍ୟହମ|
ମୟାତ୍ଵୟି ହତେ‌உତ୍ରୈଵ ଗର୍ଜିଷ୍ୟନ୍ତ୍ୟାଶୁ ଦେଵତାଃ ||37||

ଋଷିରୁଵାଚ||

ଏଵମୁକ୍ତ୍ଵା ସମୁତ୍ପତ୍ୟ ସାରୂଢା ତଂ ମହାସୁରମ|
ପାଦେନା କ୍ରମ୍ୟ କଣ୍ଠେ ଚ ଶୂଲେନୈନ ମତାଡୟତ ||38||

ତତଃ ସୋ‌உପି ପଦାକ୍ରାନ୍ତସ୍ତୟା ନିଜମୁଖାତ୍ତତଃ|
ଅର୍ଧ ନିଷ୍କ୍ରାନ୍ତ ଏଵାସୀଦ୍ଦେଵ୍ୟା ଵୀର୍ୟେଣ ସଂଵୃତଃ ||40||

ଅର୍ଧ ନିଷ୍କ୍ରାନ୍ତ ଏଵାସୌ ୟୁଧ୍ୟମାନୋ ମହାସୁରଃ |
ତୟା ମହାସିନା ଦେଵ୍ୟା ଶିରଶ୍ଛିତ୍ତ୍ଵା ନିପାତିତଃ ||41||

ତତୋ ହାହାକୃତଂ ସର୍ଵଂ ଦୈତ୍ୟସୈନ୍ୟଂ ନନାଶ ତତ|
ପ୍ରହର୍ଷଂ ଚ ପରଂ ଜଗ୍ମୁଃ ସକଲା ଦେଵତାଗଣାଃ ||42||

ତୁଷ୍ଟୁ ଵୁସ୍ତାଂ ସୁରା ଦେଵୀଂ ସହଦିଵ୍ୟୈର୍ମହର୍ଷିଭିଃ|
ଜଗୁର୍ଗୁନ୍ଧର୍ଵପତୟୋ ନନୃତୁଶ୍ଚାପ୍ସରୋଗଣାଃ ||43||

|| ଇତି ଶ୍ରୀ ମାର୍କଣ୍ଡେୟ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ୟେ ମହିଷାସୁରଵଧୋ ନାମ ତୃତୀୟୋ‌உଧ୍ୟାୟଂ ସମାପ୍ତମ ||

ଆହୁତି
ହ୍ରୀଂ ଜୟଂତୀ ସାଂଗାୟୈ ସାୟୁଧାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଶ୍ରୀ ମହାଲକ୍ଷ୍ମ୍ୟୈ ଲକ୍ଷ୍ମୀ ବୀଜାଦିଷ୍ଟାୟୈ ମହାହୁତିଂ ସମର୍ପୟାମି ନମଃ ସ୍ଵାହା ||

ରଚନ: ଋଷି ମାର୍କଂଡେୟ

ଶକ୍ରାଦିସ୍ତୁତିର୍ନାମ ଚତୁର୍ଧୋ‌உଧ୍ୟାୟଃ ||

ଧ୍ୟାନଂ
କାଲାଭ୍ରାଭାଂ କଟାକ୍ଷୈର ଅରି କୁଲ ଭୟଦାଂ ମୌଳି ବଦ୍ଧେଂଦୁ ରେଖାଂ
ଶଂଖ ଚକ୍ର କୃପାଣଂ ତ୍ରିଶିଖ ମପି କରୈର ଉଦ୍ଵହନ୍ତୀଂ ତ୍ରିନତ୍ରାମ |
ସିଂହ ସ୍କଂଦାଧିରୂଢାଂ ତ୍ରିଭୁଵନ ମଖିଲଂ ତେଜସା ପୂରୟଂତୀଂ
ଧ୍ୟାୟେଦ ଦୁର୍ଗାଂ ଜୟାଖ୍ୟାଂ ତ୍ରିଦଶ ପରିଵୃତାଂ ସେଵିତାଂ ସିଦ୍ଧି କାମୈଃ ||

ଋଷିରୁଵାଚ ||1||

ଶକ୍ରାଦୟଃ ସୁରଗଣା ନିହତେ‌உତିଵୀର୍ୟେ
ତସ୍ମିନ୍ଦୁରାତ୍ମନି ସୁରାରିବଲେ ଚ ଦେଵ୍ୟା |
ତାଂ ତୁଷ୍ଟୁଵୁଃ ପ୍ରଣତିନମ୍ରଶିରୋଧରାଂସା
ଵାଗ୍ଭିଃ ପ୍ରହର୍ଷପୁଲକୋଦ୍ଗମଚାରୁଦେହାଃ || 2 ||

ଦେଵ୍ୟା ୟୟା ତତମିଦଂ ଜଗଦାତ୍ମଶକ୍ତ୍ୟା
ନିଃଶେଷଦେଵଗଣଶକ୍ତିସମୂହମୂର୍ତ୍ୟା |
ତାମମ୍ବିକାମଖିଲଦେଵମହର୍ଷିପୂଜ୍ୟାଂ
ଭକ୍ତ୍ୟା ନତାଃ ସ୍ମ ଵିଦଧାତୁଶୁଭାନି ସା ନଃ ||3||

ୟସ୍ୟାଃ ପ୍ରଭାଵମତୁଲଂ ଭଗଵାନନନ୍ତୋ
ବ୍ରହ୍ମା ହରଶ୍ଚ ନହି ଵକ୍ତୁମଲଂ ବଲଂ ଚ |
ସା ଚଣ୍ଡିକା‌உଖିଲ ଜଗତ୍ପରିପାଲନାୟ
ନାଶାୟ ଚାଶୁଭଭୟସ୍ୟ ମତିଂ କରୋତୁ ||4||

ୟା ଶ୍ରୀଃ ସ୍ଵୟଂ ସୁକୃତିନାଂ ଭଵନେଷ୍ଵଲକ୍ଷ୍ମୀଃ
ପାପାତ୍ମନାଂ କୃତଧିୟାଂ ହୃଦୟେଷୁ ବୁଦ୍ଧିଃ |
ଶ୍ରଦ୍ଥା ସତାଂ କୁଲଜନପ୍ରଭଵସ୍ୟ ଲଜ୍ଜା
ତାଂ ତ୍ଵାଂ ନତାଃ ସ୍ମ ପରିପାଲୟ ଦେଵି ଵିଶ୍ଵମ ||5||

କିଂ ଵର୍ଣୟାମ ତଵରୂପ ମଚିନ୍ତ୍ୟମେତତ
କିଞ୍ଚାତିଵୀର୍ୟମସୁରକ୍ଷୟକାରି ଭୂରି |
କିଂ ଚାହଵେଷୁ ଚରିତାନି ତଵାତ୍ଭୁତାନି
ସର୍ଵେଷୁ ଦେଵ୍ୟସୁରଦେଵଗଣାଦିକେଷୁ | ||6||

ହେତୁଃ ସମସ୍ତଜଗତାଂ ତ୍ରିଗୁଣାପି ଦୋଷୈଃ
ନ ଜ୍ଞାୟସେ ହରିହରାଦିଭିରଵ୍ୟପାରା |
ସର୍ଵାଶ୍ରୟାଖିଲମିଦଂ ଜଗଦଂଶଭୂତଂ
ଅଵ୍ୟାକୃତା ହି ପରମା ପ୍ରକୃତିସ୍ତ୍ଵମାଦ୍ୟା ||6||

ୟସ୍ୟାଃ ସମସ୍ତସୁରତା ସମୁଦୀରଣେନ
ତୃପ୍ତିଂ ପ୍ରୟାତି ସକଲେଷୁ ମଖେଷୁ ଦେଵି |
ସ୍ଵାହାସି ଵୈ ପିତୃ ଗଣସ୍ୟ ଚ ତୃପ୍ତି ହେତୁ
ରୁଚ୍ଚାର୍ୟସେ ତ୍ଵମତ ଏଵ ଜନୈଃ ସ୍ଵଧାଚ ||8||

ୟା ମୁକ୍ତିହେତୁରଵିଚିନ୍ତ୍ୟ ମହାଵ୍ରତା ତ୍ଵଂ
ଅଭ୍ୟସ୍ୟସେ ସୁନିୟତେନ୍ଦ୍ରିୟତତ୍ଵସାରୈଃ |
ମୋକ୍ଷାର୍ଥିଭିର୍ମୁନିଭିରସ୍ତସମସ୍ତଦୋଷୈ
ର୍ଵିଦ୍ୟା‌உସି ସା ଭଗଵତୀ ପରମା ହି ଦେଵି ||9||

ଶବ୍ଦାତ୍ମିକା ସୁଵିମଲର୍ଗ୍ୟଜୁଷାଂ ନିଧାନଂ
ମୁଦ୍ଗୀଥରମ୍ୟପଦପାଠଵତାଂ ଚ ସାମ୍ନାମ |
ଦେଵୀ ତ୍ରୟୀ ଭଗଵତୀ ଭଵଭାଵନାୟ
ଵାର୍ତାସି ସର୍ଵ ଜଗତାଂ ପରମାର୍ତିହନ୍ତ୍ରୀ ||10||

ମେଧାସି ଦେଵି ଵିଦିତାଖିଲଶାସ୍ତ୍ରସାରା
ଦୁର୍ଗା‌உସି ଦୁର୍ଗଭଵସାଗରସନୌରସଙ୍ଗା |
ଶ୍ରୀଃ କୈଟ ଭାରିହୃଦୟୈକକୃତାଧିଵାସା
ଗୌରୀ ତ୍ଵମେଵ ଶଶିମୌଳିକୃତ ପ୍ରତିଷ୍ଠା ||11||

ଈଷତ୍ସହାସମମଲଂ ପରିପୂର୍ଣ ଚନ୍ଦ୍ର
ବିମ୍ବାନୁକାରି କନକୋତ୍ତମକାନ୍ତିକାନ୍ତମ |
ଅତ୍ୟଦ୍ଭୁତଂ ପ୍ରହୃତମାତ୍ତରୁଷା ତଥାପି
ଵକ୍ତ୍ରଂ ଵିଲୋକ୍ୟ ସହସା ମହିଷାସୁରେଣ ||12||

ଦୃଷ୍ଟ୍ଵାତୁ ଦେଵି କୁପିତଂ ଭ୍ରୁକୁଟୀକରାଳ
ମୁଦ୍ୟଚ୍ଛଶାଙ୍କସଦୃଶଚ୍ଛଵି ୟନ୍ନ ସଦ୍ୟଃ |
ପ୍ରାଣାନ ମୁମୋଚ ମହିଷସ୍ତଦତୀଵ ଚିତ୍ରଂ
କୈର୍ଜୀଵ୍ୟତେ ହି କୁପିତାନ୍ତକଦର୍ଶନେନ | ||13||

ଦେଵିପ୍ରସୀଦ ପରମା ଭଵତୀ ଭଵାୟ
ସଦ୍ୟୋ ଵିନାଶୟସି କୋପଵତୀ କୁଲାନି |
ଵିଜ୍ଞାତମେତଦଧୁନୈଵ ୟଦସ୍ତମେତତ
ନ୍ନୀତଂ ବଲଂ ସୁଵିପୁଲଂ ମହିଷାସୁରସ୍ୟ ||14||

ତେ ସମ୍ମତା ଜନପଦେଷୁ ଧନାନି ତେଷାଂ
ତେଷାଂ ୟଶାଂସି ନ ଚ ସୀଦତି ଧର୍ମଵର୍ଗଃ |
ଧନ୍ୟାସ୍ତ‌ଏଵ ନିଭୃତାତ୍ମଜଭୃତ୍ୟଦାରା
ୟେଷାଂ ସଦାଭ୍ୟୁଦୟଦା ଭଵତୀ ପ୍ରସନ୍ନା ||15||

ଧର୍ମ୍ୟାଣି ଦେଵି ସକଲାନି ସଦୈଵ କର୍ମାନି
ଣ୍ୟତ୍ୟାଦୃତଃ ପ୍ରତିଦିନଂ ସୁକୃତୀ କରୋତି |
ସ୍ଵର୍ଗଂ ପ୍ରୟାତି ଚ ତତୋ ଭଵତୀ ପ୍ରସାଦା
ଲ୍ଲୋକତ୍ରୟେ‌உପି ଫଲଦା ନନୁ ଦେଵି ତେନ ||16||

ଦୁର୍ଗେ ସ୍ମୃତା ହରସି ଭୀତି ମଶେଶ ଜନ୍ତୋଃ
ସ୍ଵସ୍ଥୈଃ ସ୍ମୃତା ମତିମତୀଵ ଶୁଭାଂ ଦଦାସି |
ଦାରିଦ୍ର୍ୟଦୁଃଖଭୟହାରିଣି କା ତ୍ଵଦନ୍ୟା
ସର୍ଵୋପକାରକରଣାୟ ସଦାର୍ଦ୍ରଚିତ୍ତା ||17||

ଏଭିର୍ହତୈର୍ଜଗଦୁପୈତି ସୁଖଂ ତଥୈତେ
କୁର୍ଵନ୍ତୁ ନାମ ନରକାୟ ଚିରାୟ ପାପମ |
ସଂଗ୍ରାମମୃତ୍ୟୁମଧିଗମ୍ୟ ଦିଵଂପ୍ରୟାନ୍ତୁ
ମତ୍ଵେତି ନୂନମହିତାନ୍ଵିନିହଂସି ଦେଵି ||18||

ଦୃଷ୍ଟ୍ଵୈଵ କିଂ ନ ଭଵତୀ ପ୍ରକରୋତି ଭସ୍ମ
ସର୍ଵାସୁରାନରିଷୁ ୟତ୍ପ୍ରହିଣୋଷି ଶସ୍ତ୍ରମ |
ଲୋକାନ୍ପ୍ରୟାନ୍ତୁ ରିପଵୋ‌உପି ହି ଶସ୍ତ୍ରପୂତା
ଇତ୍ଥଂ ମତିର୍ଭଵତି ତେଷ୍ଵହି ତେ‌உଷୁସାଧ୍ଵୀ ||19||

ଖଡ୍ଗ ପ୍ରଭାନିକରଵିସ୍ଫୁରଣୈସ୍ତଧୋଗ୍ରୈଃ
ଶୂଲାଗ୍ରକାନ୍ତିନିଵହେନ ଦୃଶୋ‌உସୁରାଣାମ |
ୟନ୍ନାଗତା ଵିଲୟମଂଶୁମଦିଂଦୁଖଣ୍ଡ
ୟୋଗ୍ୟାନନଂ ତଵ ଵିଲୋକ ୟତାଂ ତଦେତତ ||20||

ଦୁର୍ଵୃତ୍ତ ଵୃତ୍ତ ଶମନଂ ତଵ ଦେଵି ଶୀଲଂ
ରୂପଂ ତଥୈତଦଵିଚିନ୍ତ୍ୟମତୁଲ୍ୟମନ୍ୟୈଃ |
ଵୀର୍ୟଂ ଚ ହନ୍ତୃ ହୃତଦେଵପରାକ୍ରମାଣାଂ
ଵୈରିଷ୍ଵପି ପ୍ରକଟିତୈଵ ଦୟା ତ୍ଵୟେତ୍ଥମ ||21||

କେନୋପମା ଭଵତୁ ତେ‌உସ୍ୟ ପରାକ୍ରମସ୍ୟ
ରୂପଂ ଚ ଶତୃଭୟ କାର୍ୟତିହାରି କୁତ୍ର |
ଚିତ୍ତେକୃପା ସମରନିଷ୍ଟୁରତା ଚ ଦୃଷ୍ଟା
ତ୍ଵୟ୍ୟେଵ ଦେଵି ଵରଦେ ଭୁଵନତ୍ରୟେ‌உପି ||22||

ତ୍ରୈଲୋକ୍ୟମେତଦଖିଲଂ ରିପୁନାଶନେନ
ତ୍ରାତଂ ତ୍ଵୟା ସମରମୂର୍ଧନି ତେ‌உପି ହତ୍ଵା |
ନୀତା ଦିଵଂ ରିପୁଗଣା ଭୟମପ୍ୟପାସ୍ତଂ
ଅସ୍ମାକମୁନ୍ମଦସୁରାରିଭଵଂ ନମସ୍ତେ ||23||

ଶୂଲେନ ପାହି ନୋ ଦେଵି ପାହି ଖଡ୍ଗେନ ଚାମ୍ଭିକେ |
ଘଣ୍ଟାସ୍ଵନେନ ନଃ ପାହି ଚାପଜ୍ୟାନିସ୍ଵନେନ ଚ ||24||

ପ୍ରାଚ୍ୟାଂ ରକ୍ଷ ପ୍ରତୀଚ୍ୟାଂ ଚ ଚଣ୍ଡିକେ ରକ୍ଷ ଦକ୍ଷିଣେ |
ଭ୍ରାମଣେନାତ୍ମଶୂଲସ୍ୟ ଉତ୍ତରସ୍ୟାଂ ତଥେଶ୍ଵରୀ ||25||

ସୌମ୍ୟାନି ୟାନି ରୂପାଣି ତ୍ରୈଲୋକ୍ୟେ ଵିଚରନ୍ତିତେ |
ୟାନି ଚାତ୍ୟନ୍ତ ଘୋରାଣି ତୈରକ୍ଷାସ୍ମାଂସ୍ତଥାଭୁଵମ ||26||

ଖଡ୍ଗଶୂଲଗଦାଦୀନି ୟାନି ଚାସ୍ତ୍ରାଣି ତେ‌உମ୍ବିକେ |
କରପଲ୍ଲଵସଙ୍ଗୀନି ତୈରସ୍ମାନ୍ରକ୍ଷ ସର୍ଵତଃ ||27||

ଋଷିରୁଵାଚ ||28||

ଏଵଂ ସ୍ତୁତା ସୁରୈର୍ଦିଵ୍ୟୈଃ କୁସୁମୈର୍ନନ୍ଦନୋଦ୍ଭଵୈଃ |
ଅର୍ଚିତା ଜଗତାଂ ଧାତ୍ରୀ ତଥା ଗନ୍ଧାନୁ ଲେପନୈଃ ||29||

ଭକ୍ତ୍ୟା ସମସ୍ତୈସ୍ରି ଶୈର୍ଦିଵ୍ୟୈର୍ଧୂପୈଃ ସୁଧୂପିତା |
ପ୍ରାହ ପ୍ରସାଦସୁମୁଖୀ ସମସ୍ତାନ ପ୍ରଣତାନ ସୁରାନ| ||30||

ଦେଵ୍ୟୁଵାଚ ||31||

ଵ୍ରିୟତାଂ ତ୍ରିଦଶାଃ ସର୍ଵେ ୟଦସ୍ମତ୍ତୋ‌உଭିଵାଞ୍ଛିତମ ||32||

ଦେଵା ଊଚୁ ||33||

ଭଗଵତ୍ୟା କୃତଂ ସର୍ଵଂ ନ କିଞ୍ଚିଦଵଶିଷ୍ୟତେ |
ୟଦୟଂ ନିହତଃ ଶତ୍ରୁ ରସ୍ମାକଂ ମହିଷାସୁରଃ ||34||

ୟଦିଚାପି ଵରୋ ଦେୟ ସ୍ତ୍ଵୟା‌உସ୍ମାକଂ ମହେଶ୍ଵରି |
ସଂସ୍ମୃତା ସଂସ୍ମୃତା ତ୍ଵଂ ନୋ ହିଂ ସେଥାଃପରମାପଦଃ||35||

ୟଶ୍ଚ ମର୍ତ୍ୟଃ ସ୍ତଵୈରେଭିସ୍ତ୍ଵାଂ ସ୍ତୋଷ୍ୟତ୍ୟମଲାନନେ |
ତସ୍ୟ ଵିତ୍ତର୍ଦ୍ଧିଵିଭଵୈର୍ଧନଦାରାଦି ସମ୍ପଦାମ ||36||

ଵୃଦ୍ଦୟେ‌உ ସ୍ମତ୍ପ୍ରସନ୍ନା ତ୍ଵଂ ଭଵେଥାଃ ସର୍ଵଦାମ୍ଭିକେ ||37||

ଋଷିରୁଵାଚ ||38||

ଇତି ପ୍ରସାଦିତା ଦେଵୈର୍ଜଗତୋ‌உର୍ଥେ ତଥାତ୍ମନଃ |
ତଥେତ୍ୟୁକ୍ତ୍ଵା ଭଦ୍ରକାଳୀ ବଭୂଵାନ୍ତର୍ହିତା ନୃପ ||39||

ଇତ୍ୟେତତ୍କଥିତଂ ଭୂପ ସମ୍ଭୂତା ସା ୟଥାପୁରା |
ଦେଵୀ ଦେଵଶରୀରେଭ୍ୟୋ ଜଗତ୍ପ୍ରୟହିତୈଷିଣୀ ||40||

ପୁନଶ୍ଚ ଗୌରୀ ଦେହାତ୍ସା ସମୁଦ୍ଭୂତା ୟଥାଭଵତ |
ଵଧାୟ ଦୁଷ୍ଟ ଦୈତ୍ୟାନାଂ ତଥା ଶୁମ୍ଭନିଶୁମ୍ଭୟୋଃ ||41||

ରକ୍ଷଣାୟ ଚ ଲୋକାନାଂ ଦେଵାନାମୁପକାରିଣୀ |
ତଚ୍ଛୃ ଣୁଷ୍ଵ ମୟାଖ୍ୟାତଂ ୟଥାଵତ୍କଥୟାମିତେ
ହ୍ରୀମ ଓଂ ||42||

|| ଜୟ ଜୟ ଶ୍ରୀ ମାର୍କଣ୍ଡେୟ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ୟେ ଶକ୍ରାଦିସ୍ତୁତିର୍ନାମ ଚତୁର୍ଧୋ‌உଧ୍ୟାୟଃ ସମାପ୍ତମ ||

ଆହୁତି
ହ୍ରୀଂ ଜୟଂତୀ ସାଂଗାୟୈ ସାୟୁଧାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଶ୍ରୀ ମହାଲକ୍ଷ୍ମ୍ୟୈ ଲକ୍ଷ୍ମୀ ବୀଜାଦିଷ୍ଟାୟୈ ମହାହୁତିଂ ସମର୍ପୟାମି ନମଃ ସ୍ଵାହା ||

ରଚନ: ଋଷି ମାର୍କଂଡେୟ

ଦେଵ୍ୟା ଦୂତ ସଂଵାଦୋ ନାମ ପଞ୍ଚମୋ ଧ୍ୟାୟଃ ||

ଅସ୍ୟ ଶ୍ରୀ ଉତ୍ତରଚରିତ୍ରସ୍ୟ ରୁଦ୍ର ଋଷିଃ | ଶ୍ରୀ ମହାସରସ୍ଵତୀ ଦେଵତା | ଅନୁଷ୍ଟୁପ୍ଛନ୍ଧଃ |ଭୀମା ଶକ୍ତିଃ | ଭ୍ରାମରୀ ବୀଜମ | ସୂର୍ୟସ୍ତତ୍ଵମ | ସାମଵେଦଃ | ସ୍ଵରୂପମ | ଶ୍ରୀ ମହାସରସ୍ଵତିପ୍ରୀତ୍ୟର୍ଥେ | ଉତ୍ତରଚରିତ୍ରପାଠେ ଵିନିୟୋଗଃ ||

ଧ୍ୟାନଂ
ଘଣ୍ଟାଶୂଲହଲାନି ଶଂଖ ମୁସଲେ ଚକ୍ରଂ ଧନୁଃ ସାୟକଂ
ହସ୍ତାବ୍ଜୈର୍ଧଦତୀଂ ଘନାନ୍ତଵିଲସଚ୍ଛୀତାଂଶୁତୁଲ୍ୟପ୍ରଭାଂ
ଗୌରୀ ଦେହ ସମୁଦ୍ଭଵାଂ ତ୍ରିଜଗତାମ ଆଧାରଭୂତାଂ ମହା
ପୂର୍ଵାମତ୍ର ସରସ୍ଵତୀ ମନୁଭଜେ ଶୁମ୍ଭାଦିଦୈତ୍ୟାର୍ଦିନୀଂ||

||ଋଷିରୁଵାଚ|| || 1 ||

ପୁରା ଶୁମ୍ଭନିଶୁମ୍ଭାଭ୍ୟାମସୁରାଭ୍ୟାଂ ଶଚୀପତେଃ
ତ୍ରୈଲୋକ୍ୟଂ ୟଜ୍ଞ୍ୟ ଭାଗାଶ୍ଚ ହୃତା ମଦବଲାଶ୍ରୟାତ ||2||

ତାଵେଵ ସୂର୍ୟତାମ ତଦ୍ଵଦଧିକାରଂ ତଥୈନ୍ଦଵଂ
କୌବେରମଥ ୟାମ୍ୟଂ ଚକ୍ରାଂତେ ଵରୁଣସ୍ୟ ଚ
ତାଵେଵ ପଵନର୍ଦ୍ଧି‌உଂ ଚ ଚକ୍ରତୁର୍ଵହ୍ନି କର୍ମଚ
ତତୋ ଦେଵା ଵିନିର୍ଧୂତା ଭ୍ରଷ୍ଟରାଜ୍ୟାଃ ପରାଜିତାଃ ||3||

ହୃତାଧିକାରାସ୍ତ୍ରିଦଶାସ୍ତାଭ୍ୟାଂ ସର୍ଵେ ନିରାକୃତା|
ମହାସୁରାଭ୍ୟାଂ ତାଂ ଦେଵୀଂ ସଂସ୍ମରନ୍ତ୍ୟପରାଜିତାଂ ||4||

ତୟାସ୍ମାକଂ ଵରୋ ଦତ୍ତୋ ୟଧାପତ୍ସୁ ସ୍ମୃତାଖିଲାଃ|
ଭଵତାଂ ନାଶୟିଷ୍ୟାମି ତତ୍କ୍ଷଣାତ୍ପରମାପଦଃ ||5||

ଇତିକୃତ୍ଵା ମତିଂ ଦେଵା ହିମଵନ୍ତଂ ନଗେଶ୍ଵରଂ|
ଜଗ୍ମୁସ୍ତତ୍ର ତତୋ ଦେଵୀଂ ଵିଷ୍ଣୁମାୟାଂ ପ୍ରତୁଷ୍ଟୁଵୁଃ ||6||

ଦେଵା ଊଚୁଃ

ନମୋ ଦେଵ୍ୟୈ ମହାଦେଵ୍ୟୈ ଶିଵାୟୈ ସତତଂ ନମଃ|
ନମଃ ପ୍ରକୃତ୍ୟୈ ଭଦ୍ରାୟୈ ନିୟତାଃ ପ୍ରଣତାଃ ସ୍ମତାଂ ||6||

ରୌଦ୍ରାୟ ନମୋ ନିତ୍ୟାୟୈ ଗୌର୍ୟୈ ଧାତ୍ର୍ୟୈ ନମୋ ନମଃ
ଜ୍ୟୋତ୍ସ୍ନାୟୈ ଚେନ୍ଦୁରୂପିଣ୍ୟୈ ସୁଖାୟୈ ସତତଂ ନମଃ ||8||

କଳ୍ୟାଣ୍ୟୈ ପ୍ରଣତା ଵୃଦ୍ଧ୍ୟୈ ସିଦ୍ଧ୍ୟୈ କୁର୍ମୋ ନମୋ ନମଃ|
ନୈରୃତ୍ୟୈ ଭୂଭୃତାଂ ଲକ୍ଷ୍ମୈ ଶର୍ଵାଣ୍ୟୈ ତେ ନମୋ ନମଃ ||9||

ଦୁର୍ଗାୟୈ ଦୁର୍ଗପାରାୟୈ ସାରାୟୈ ସର୍ଵକାରିଣ୍ୟୈ
ଖ୍ୟାତ୍ୟୈ ତଥୈଵ କୃଷ୍ଣାୟୈ ଧୂମ୍ରାୟୈ ସତତଂ ନମଃ ||10||

ଅତିସୌମ୍ୟତିରୌଦ୍ରାୟୈ ନତାସ୍ତସ୍ୟୈ ନମୋ ନମଃ
ନମୋ ଜଗତ୍ପ୍ରତିଷ୍ଠାୟୈ ଦେଵ୍ୟୈ କୃତ୍ୟୈ ନମୋ ନମଃ ||11||

ୟାଦେଵୀ ସର୍ଵଭୂତେଷୂ ଵିଷ୍ଣୁମାୟେତି ଶବ୍ଧିତା|
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||12

ୟାଦେଵୀ ସର୍ଵଭୂତେଷୂ ଚେତନେତ୍ୟଭିଧୀୟତେ|
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||13||

ୟାଦେଵୀ ସର୍ଵଭୂତେଷୂ ବୁଦ୍ଧିରୂପେଣ ସଂସ୍ଥିତା|
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||14||

ୟାଦେଵୀ ସର୍ଵଭୂତେଷୂ ନିଦ୍ରାରୂପେଣ ସଂସ୍ଥିତା|
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||15||

ୟାଦେଵୀ ସର୍ଵଭୂତେଷୂ କ୍ଷୁଧାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||16||

ୟାଦେଵୀ ସର୍ଵଭୂତେଷୂ ଛାୟାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||17||

ୟାଦେଵୀ ସର୍ଵଭୂତେଷୂ ଶକ୍ତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||18||

ୟାଦେଵୀ ସର୍ଵଭୂତେଷୂ ତୃଷ୍ଣାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||19||

ୟାଦେଵୀ ସର୍ଵଭୂତେଷୂ କ୍ଷାନ୍ତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||20||

ୟାଦେଵୀ ସର୍ଵଭୂତେଷୂ ଜାତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||21||

ୟାଦେଵୀ ସର୍ଵଭୂତେଷୂ ଲଜ୍ଜାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||22||

ୟାଦେଵୀ ସର୍ଵଭୂତେଷୂ ଶାନ୍ତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||23||

ୟାଦେଵୀ ସର୍ଵଭୂତେଷୂ ଶ୍ରଦ୍ଧାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||24||

ୟାଦେଵୀ ସର୍ଵଭୂତେଷୂ କାନ୍ତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||25||

ୟାଦେଵୀ ସର୍ଵଭୂତେଷୂ ଲକ୍ଷ୍ମୀରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||26||

ୟାଦେଵୀ ସର୍ଵଭୂତେଷୂ ଵୃତ୍ତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||27||

ୟାଦେଵୀ ସର୍ଵଭୂତେଷୂ ସ୍ମୃତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||28||

ୟାଦେଵୀ ସର୍ଵଭୂତେଷୂ ଦୟାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||29||

ୟାଦେଵୀ ସର୍ଵଭୂତେଷୂ ତୁଷ୍ଟିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||30||

ୟାଦେଵୀ ସର୍ଵଭୂତେଷୂ ମାତୃରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||31||

ୟାଦେଵୀ ସର୍ଵଭୂତେଷୂ ଭ୍ରାନ୍ତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||32||

ଇନ୍ଦ୍ରିୟାଣାମଧିଷ୍ଠାତ୍ରୀ ଭୂତାନାଂ ଚାଖିଲେଷୁ ୟା|
ଭୂତେଷୁ ସତତଂ ତସ୍ୟୈ ଵ୍ୟାପ୍ତି ଦେଵ୍ୟୈ ନମୋ ନମଃ ||33||

ଚିତିରୂପେଣ ୟା କୃତ୍ସ୍ନମେତ ଦ୍ଵ୍ୟାପ୍ୟ ସ୍ଥିତା ଜଗତ
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ||34||

ସ୍ତୁତାସୁରୈଃ ପୂର୍ଵମଭୀଷ୍ଟ ସଂଶ୍ରୟାତ୍ତଥା
ସୁରେନ୍ଦ୍ରେଣ ଦିନେଷୁସେଵିତା|
କରୋତୁସା ନଃ ଶୁଭହେତୁରୀଶ୍ଵରୀ
ଶୁଭାନି ଭଦ୍ରାଣ୍ୟ ଭିହନ୍ତୁ ଚାପଦଃ ||35||

ୟା ସାମ୍ପ୍ରତଂ ଚୋଦ୍ଧତଦୈତ୍ୟତାପିତୈ
ରସ୍ମାଭିରୀଶାଚସୁରୈର୍ନମଶ୍ୟତେ|
ୟାଚ ସ୍ମତା ତତ୍‍କ୍ଷଣ ମେଵ ହନ୍ତି ନଃ
ସର୍ଵା ପଦୋଭକ୍ତିଵିନମ୍ରମୂର୍ତିଭିଃ ||36||

ଋଷିରୁଵାଚ||

ଏଵଂ ସ୍ତଵାଭି ୟୁକ୍ତାନାଂ ଦେଵାନାଂ ତତ୍ର ପାର୍ଵତୀ|
ସ୍ନାତୁମଭ୍ୟାୟୟୌ ତୋୟେ ଜାହ୍ନଵ୍ୟା ନୃପନନ୍ଦନ ||37||

ସାବ୍ରଵୀତ୍ତାନ ସୁରାନ ସୁଭ୍ରୂର୍ଭଵଦ୍ଭିଃ ସ୍ତୂୟତେ‌உତ୍ର କା
ଶରୀରକୋଶତଶ୍ଚାସ୍ୟାଃ ସମୁଦ୍ଭୂତା‌உ ବ୍ରଵୀଚ୍ଛିଵା ||38||

ସ୍ତୋତ୍ରଂ ମମୈତତ୍କ୍ରିୟତେ ଶୁମ୍ଭଦୈତ୍ୟ ନିରାକୃତୈଃ
ଦେଵୈଃ ସମେତୈଃ ସମରେ ନିଶୁମ୍ଭେନ ପରାଜିତୈଃ ||39||

ଶରୀରକୋଶାଦ୍ୟତ୍ତସ୍ୟାଃ ପାର୍ଵତ୍ୟା ନିଃସୃତାମ୍ବିକା|
କୌଶିକୀତି ସମସ୍ତେଷୁ ତତୋ ଲୋକେଷୁ ଗୀୟତେ ||40||

ତସ୍ୟାଂଵିନିର୍ଗତାୟାଂ ତୁ କୃଷ୍ଣାଭୂତ୍ସାପି ପାର୍ଵତୀ|
କାଳିକେତି ସମାଖ୍ୟାତା ହିମାଚଲକୃତାଶ୍ରୟା ||41||

ତତୋ‌உମ୍ବିକାଂ ପରଂ ରୂପଂ ବିଭ୍ରାଣାଂ ସୁମନୋହରମ |
ଦଦର୍ଶ ଚଣ୍ଦୋ ମୁଣ୍ଦଶ୍ଚ ଭୃତ୍ୟୌ ଶୁମ୍ଭନିଶୁମ୍ଭୟୋଃ ||42||

ତାଭ୍ୟାଂ ଶୁମ୍ଭାୟ ଚାଖ୍ୟାତା ସାତୀଵ ସୁମନୋହରା|
କାପ୍ୟାସ୍ତେ ସ୍ତ୍ରୀ ମହାରାଜ ଭାସ ୟନ୍ତୀ ହିମାଚଲମ ||43||

ନୈଵ ତାଦୃକ କ୍ଵଚିଦ୍ରୂପଂ ଦୃଷ୍ଟଂ କେନଚିଦୁତ୍ତମମ|
ଜ୍ଞାୟତାଂ କାପ୍ୟସୌ ଦେଵୀ ଗୃହ୍ୟତାଂ ଚାସୁରେଶ୍ଵର ||44||

ସ୍ତ୍ରୀ ରତ୍ନ ମତିଚାର୍ଵଂଜ୍ଗୀ ଦ୍ୟୋତୟନ୍ତୀଦିଶସ୍ତ୍ଵିଷା|
ସାତୁତିଷ୍ଟତି ଦୈତ୍ୟେନ୍ଦ୍ର ତାଂ ଭଵାନ ଦ୍ରଷ୍ଟୁ ମର୍ହତି ||45||

ୟାନି ରତ୍ନାନି ମଣୟୋ ଗଜାଶ୍ଵାଦୀନି ଵୈ ପ୍ରଭୋ|
ତ୍ରୈ ଲୋକ୍ୟେତୁ ସମସ୍ତାନି ସାମ୍ପ୍ରତଂ ଭାନ୍ତିତେ ଗୃହେ ||46||

ଐରାଵତଃ ସମାନୀତୋ ଗଜରତ୍ନଂ ପୁନର୍ଦରାତ|
ପାରିଜାତ ତରୁଶ୍ଚାୟଂ ତଥୈଵୋଚ୍ଚୈଃ ଶ୍ରଵା ହୟଃ ||47||

ଵିମାନଂ ହଂସସଂୟୁକ୍ତମେତତ୍ତିଷ୍ଠତି ତେ‌உଙ୍ଗଣେ|
ରତ୍ନଭୂତ ମିହାନୀତଂ ୟଦାସୀଦ୍ଵେଧସୋ‌உଦ୍ଭୁତଂ ||48||

ନିଧିରେଷ ମହା ପଦ୍ମଃ ସମାନୀତୋ ଧନେଶ୍ଵରାତ|
କିଞ୍ଜଲ୍କିନୀଂ ଦଦୌ ଚାବ୍ଧିର୍ମାଲାମମ୍ଲାନପଜ୍କଜାଂ ||49||

ଛତ୍ରଂ ତେଵାରୁଣଂ ଗେହେ କାଞ୍ଚନସ୍ରାଵି ତିଷ୍ଠତି|
ତଥାୟଂ ସ୍ୟନ୍ଦନଵରୋ ୟଃ ପୁରାସୀତ୍ପ୍ରଜାପତେଃ ||50||

ମୃତ୍ୟୋରୁତ୍କ୍ରାନ୍ତିଦା ନାମ ଶକ୍ତିରୀଶ ତ୍ଵୟା ହୃତା|
ପାଶଃ ସଲିଲ ରାଜସ୍ୟ ଭ୍ରାତୁସ୍ତଵ ପରିଗ୍ରହେ ||51||

ନିଶୁମ୍ଭସ୍ୟାବ୍ଧିଜାତାଶ୍ଚ ସମସ୍ତା ରତ୍ନ ଜାତୟଃ|
ଵହ୍ନିଶ୍ଚାପି ଦଦୌ ତୁଭ୍ୟ ମଗ୍ନିଶୌଚେ ଚ ଵାସସୀ ||52||

ଏଵଂ ଦୈତ୍ୟେନ୍ଦ୍ର ରତ୍ନାନି ସମସ୍ତାନ୍ୟାହୃତାନି ତେ
ସ୍ତ୍ର୍ରୀ ରତ୍ନ ମେଷା କଲ୍ୟାଣୀ ତ୍ଵୟା କସ୍ମାନ୍ନ ଗୃହ୍ୟତେ ||53||

ଋଷିରୁଵାଚ|

ନିଶମ୍ୟେତି ଵଚଃ ଶୁମ୍ଭଃ ସ ତଦା ଚଣ୍ଡମୁଣ୍ଡୟୋଃ|
ପ୍ରେଷୟାମାସ ସୁଗ୍ରୀଵଂ ଦୂତଂ ଦେଵ୍ୟା ମହାସୁରଂ ||54||

ଇତି ଚେତି ଚ ଵକ୍ତଵ୍ୟା ସା ଗତ୍ଵା ଵଚନାନ୍ମମ|
ୟଥା ଚାଭ୍ୟେତି ସମ୍ପ୍ରୀତ୍ୟା ତଥା କାର୍ୟଂ ତ୍ଵୟା ଲଘୁ ||55||

ସତତ୍ର ଗତ୍ଵା ୟତ୍ରାସ୍ତେ ଶୈଲୋଦ୍ଦୋଶେ‌உତିଶୋଭନେ|
ସାଦେଵୀ ତାଂ ତତଃ ପ୍ରାହ ଶ୍ଲକ୍ଷ୍ଣଂ ମଧୁରୟା ଗିରା ||56||

ଦୂତ ଉଵାଚ||

ଦେଵି ଦୈତ୍ୟେଶ୍ଵରଃ ଶୁମ୍ଭସ୍ତ୍ରେଲୋକ୍ୟେ ପରମେଶ୍ଵରଃ|
ଦୂତୋ‌உହଂ ପ୍ରେଷି ତସ୍ତେନ ତ୍ଵତ୍ସକାଶମିହାଗତଃ ||57||

ଅଵ୍ୟାହତାଜ୍ଞଃ ସର୍ଵାସୁ ୟଃ ସଦା ଦେଵୟୋନିଷୁ|
ନିର୍ଜିତାଖିଲ ଦୈତ୍ୟାରିଃ ସ ୟଦାହ ଶୃଣୁଷ୍ଵ ତତ ||58||

ମମତ୍ରୈଲୋକ୍ୟ ମଖିଲଂ ମମଦେଵା ଵଶାନୁଗାଃ|
ୟଜ୍ଞଭାଗାନହଂ ସର୍ଵାନୁପାଶ୍ନାମି ପୃଥକ ପୃଥକ ||59||

ତ୍ରୈଲୋକ୍ୟେଵରରତ୍ନାନି ମମ ଵଶ୍ୟାନ୍ୟଶେଷତଃ|
ତଥୈଵ ଗଜରତ୍ନଂ ଚ ହୃତଂ ଦେଵେନ୍ଦ୍ରଵାହନଂ ||60||

କ୍ଷୀରୋଦମଥନୋଦ୍ଭୂତ ମଶ୍ଵରତ୍ନଂ ମମାମରୈଃ|
ଉଚ୍ଚୈଃଶ୍ରଵସସଂଜ୍ଞଂ ତତ୍ପ୍ରଣିପତ୍ୟ ସମର୍ପିତଂ ||61||

ୟାନିଚାନ୍ୟାନି ଦେଵେଷୁ ଗନ୍ଧର୍ଵେଷୂରଗେଷୁ ଚ |
ରତ୍ନଭୂତାନି ଭୂତାନି ତାନି ମୟ୍ୟେଵ ଶୋଭନେ ||62||

ସ୍ତ୍ରୀ ରତ୍ନଭୂତାଂ ତାଂ ଦେଵୀଂ ଲୋକେ ମନ୍ୟା ମହେ ଵୟଂ|
ସା ତ୍ଵମସ୍ମାନୁପାଗଚ୍ଛ ୟତୋ ରତ୍ନଭୁଜୋ ଵୟଂ ||63||

ମାଂଵା ମମାନୁଜଂ ଵାପି ନିଶୁମ୍ଭମୁରୁଵିକ୍ରମମ|
ଭଜତ୍ଵଂ ଚଞ୍ଚଲାପାଜ୍ଗି ରତ୍ନ ଭୂତାସି ଵୈ ୟତଃ ||64||

ପରମୈଶ୍ଵର୍ୟ ମତୁଲଂ ପ୍ରାପ୍ସ୍ୟସେ ମତ୍ପରିଗ୍ରହାତ|
ଏତଦ୍ଭୁଦ୍ଥ୍ୟା ସମାଲୋଚ୍ୟ ମତ୍ପରିଗ୍ରହତାଂ ଵ୍ରଜ ||65||

ଋଷିରୁଵାଚ||

ଇତ୍ୟୁକ୍ତା ସା ତଦା ଦେଵୀ ଗମ୍ଭୀରାନ୍ତଃସ୍ମିତା ଜଗୌ|
ଦୁର୍ଗା ଭଗଵତୀ ଭଦ୍ରା ୟୟେଦଂ ଧାର୍ୟତେ ଜଗତ ||66||

ଦେଵ୍ୟୁଵାଚ||

ସତ୍ୟ ମୁକ୍ତଂ ତ୍ଵୟା ନାତ୍ର ମିଥ୍ୟାକିଞ୍ଚିତ୍ତ୍ଵୟୋଦିତମ|
ତ୍ରୈଲୋକ୍ୟାଧିପତିଃ ଶୁମ୍ଭୋ ନିଶୁମ୍ଭଶ୍ଚାପି ତାଦୃଶଃ ||67||

କିଂ ତ୍ଵତ୍ର ୟତ୍ପ୍ରତିଜ୍ଞାତଂ ମିଥ୍ୟା ତତ୍କ୍ରିୟତେ କଥମ|
ଶ୍ରୂୟତାମଲ୍ପଭୁଦ୍ଧିତ୍ଵାତ ତ୍ପ୍ରତିଜ୍ଞା ୟା କୃତା ପୁରା ||68||

ୟୋମାମ ଜୟତି ସଜ୍ଗ୍ରାମେ ୟୋ ମେ ଦର୍ପଂ ଵ୍ୟପୋହତି|
ୟୋମେ ପ୍ରତିବଲୋ ଲୋକେ ସ ମେ ଭର୍ତା ଭଵିଷ୍ୟତି ||69||

ତଦାଗଚ୍ଛତୁ ଶୁମ୍ଭୋ‌உତ୍ର ନିଶୁମ୍ଭୋ ଵା ମହାସୁରଃ|
ମାଂ ଜିତ୍ଵା କିଂ ଚିରେଣାତ୍ର ପାଣିଂଗୃହ୍ଣାତୁମେଲଘୁ ||70||

ଦୂତ ଉଵାଚ||

ଅଵଲିପ୍ତାସି ମୈଵଂ ତ୍ଵଂ ଦେଵି ବ୍ରୂହି ମମାଗ୍ରତଃ|
ତ୍ରୈଲୋକ୍ୟେକଃ ପୁମାଂସ୍ତିଷ୍ଟେଦ ଅଗ୍ରେ ଶୁମ୍ଭନିଶୁମ୍ଭୟୋଃ ||71||

ଅନ୍ୟେଷାମପି ଦୈତ୍ୟାନାଂ ସର୍ଵେ ଦେଵା ନ ଵୈ ୟୁଧି|
କିଂ ତିଷ୍ଠନ୍ତି ସୁମ୍ମୁଖେ ଦେଵି ପୁନଃ ସ୍ତ୍ରୀ ତ୍ଵମେକିକା ||72||

ଇନ୍ଦ୍ରାଦ୍ୟାଃ ସକଲା ଦେଵାସ୍ତସ୍ଥୁର୍ୟେଷାଂ ନ ସଂୟୁଗେ|
ଶୁମ୍ଭାଦୀନାଂ କଥଂ ତେଷାଂ ସ୍ତ୍ରୀ ପ୍ରୟାସ୍ୟସି ସମ୍ମୁଖମ ||73||

ସାତ୍ଵଂ ଗଚ୍ଛ ମୟୈଵୋକ୍ତା ପାର୍ଶ୍ଵଂ ଶୁମ୍ଭନିଶୁମ୍ଭୟୋଃ|
କେଶାକର୍ଷଣ ନିର୍ଧୂତ ଗୌରଵା ମା ଗମିଷ୍ୟସି||74||

ଦେଵ୍ୟୁଵାଚ|

ଏଵମେତଦ ବଲୀ ଶୁମ୍ଭୋ ନିଶୁମ୍ଭଶ୍ଚାତିଵୀର୍ୟଵାନ|
କିଂ କରୋମି ପ୍ରତିଜ୍ଞା ମେ ୟଦନାଲୋଚିତାପୁରା ||75||

ସତ୍ଵଂ ଗଚ୍ଛ ମୟୋକ୍ତଂ ତେ ୟଦେତତ୍ତ୍ସର୍ଵ ମାଦୃତଃ|
ତଦାଚକ୍ଷ୍ଵା ସୁରେନ୍ଦ୍ରାୟ ସ ଚ ୟୁକ୍ତଂ କରୋତୁ ୟତ ||76||

|| ଇତି ଶ୍ରୀ ମାର୍କଣ୍ଡେୟ ପୁରାଣେ ସାଵର୍ନିକେ ମନ୍ଵନ୍ତରେ ଦେଵି ମହତ୍ମ୍ୟେ ଦେଵ୍ୟା ଦୂତ ସଂଵାଦୋ ନାମ ପଞ୍ଚମୋ ଧ୍ୟାୟଃ ସମାପ୍ତମ ||

ଆହୁତି
କ୍ଲୀଂ ଜୟଂତୀ ସାଂଗାୟୈ ସାୟୁଧାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଧୂମ୍ରାକ୍ଷ୍ୟୈ ଵିଷ୍ଣୁମାୟାଦି ଚତୁର୍ଵିଂଶଦ ଦେଵତାଭ୍ୟୋ ମହାହୁତିଂ ସମର୍ପୟାମି ନମଃ ସ୍ଵାହା ||

ରଚନ: ଋଷି ମାର୍କଂଡେୟ

ଶୁମ୍ଭନିଶୁମ୍ଭସେନାନୀଧୂମ୍ରଲୋଚନଵଧୋ ନାମ ଷଷ୍ଟୋ ଧ୍ୟାୟଃ ||

ଧ୍ୟାନଂ
ନଗାଧୀଶ୍ଵର ଵିଷ୍ତ୍ରାଂ ଫଣି ଫଣୋତ୍ତଂସୋରୁ ରତ୍ନାଵଳୀ
ଭାସ୍ଵଦ ଦେହ ଲତାଂ ନିଭୌ ନେତ୍ରୟୋଦ୍ଭାସିତାମ |
ମାଲା କୁଂଭ କପାଲ ନୀରଜ କରାଂ ଚଂଦ୍ରା ଅର୍ଧ ଚୂଢାଂବରାଂ
ସର୍ଵେଶ୍ଵର ଭୈରଵାଂଗ ନିଲୟାଂ ପଦ୍ମାଵତୀଚିଂତୟେ ||

ଋଷିରୁଵାଚ ||1||

ଇତ୍ୟାକର୍ଣ୍ୟ ଵଚୋ ଦେଵ୍ୟାଃ ସ ଦୂତୋ‌உମର୍ଷପୂରିତଃ |
ସମାଚଷ୍ଟ ସମାଗମ୍ୟ ଦୈତ୍ୟରାଜାୟ ଵିସ୍ତରାତ || 2 ||

ତସ୍ୟ ଦୂତସ୍ୟ ତଦ୍ଵାକ୍ୟମାକର୍ଣ୍ୟାସୁରରାଟ ତତଃ |
ସ କ୍ରୋଧଃ ପ୍ରାହ ଦୈତ୍ୟାନାମଧିପଂ ଧୂମ୍ରଲୋଚନମ ||3||

ହେ ଧୂମ୍ରଲୋଚନାଶୁ ତ୍ଵଂ ସ୍ଵସୈନ୍ୟ ପରିଵାରିତଃ|
ତାମାନୟ ବଲ୍ଲାଦ୍ଦୁଷ୍ଟାଂ କେଶାକର୍ଷଣ ଵିହ୍ଵଲାମ ||4||

ତତ୍ପରିତ୍ରାଣଦଃ କଶ୍ଚିଦ୍ୟଦି ଵୋତ୍ତିଷ୍ଠତେ‌உପରଃ|
ସ ହନ୍ତଵ୍ୟୋ‌உମରୋଵାପି ୟକ୍ଷୋ ଗନ୍ଧର୍ଵ ଏଵ ଵା ||5||

ଋଷିରୁଵାଚ ||6||

ତେନାଜ୍ଞପ୍ତସ୍ତତଃ ଶୀଘ୍ରଂ ସ ଦୈତ୍ୟୋ ଧୂମ୍ରଲୋଚନଃ|
ଵୃତଃ ଷଷ୍ଟ୍ୟା ସହସ୍ରାଣାମ ଅସୁରାଣାଂଦ୍ରୁତଂୟମୌ ||6||

ନ ଦୃଷ୍ଟ୍ଵା ତାଂ ତତୋ ଦେଵୀଂ ତୁହିନାଚଲ ସଂସ୍ଥିତାଂ|
ଜଗାଦୋଚ୍ଚୈଃ ପ୍ରୟାହୀତି ମୂଲଂ ଶୁମ୍ବନିଶୁମ୍ଭୟୋଃ ||8||

ନ ଚେତ୍ପ୍ରୀତ୍ୟାଦ୍ୟ ଭଵତୀ ମଦ୍ଭର୍ତାରମୁପୈଷ୍ୟତି
ତତୋ ବଲାନ୍ନୟାମ୍ୟେଷ କେଶାକର୍ଷଣଵିହ୍ଵଲାମ ||9||

ଦେଵ୍ୟୁଵାଚ ||10||

ଦୈତ୍ୟେଶ୍ଵରେଣ ପ୍ରହିତୋ ବଲଵାନ୍ବଲସଂଵୃତଃ|
ବଲାନ୍ନୟସି ମାମେଵଂ ତତଃ କିଂ ତେ କରୋମ୍ୟହମ ||11||

ଋଷିରୁଵାଚ ||12||

ଇତ୍ୟୁକ୍ତଃ ସୋ‌உଭ୍ୟଧାଵତ୍ତାମ ଅସୁରୋ ଧୂମ୍ରଲୋଚନଃ|
ହୂଙ୍କାରେଣୈଵ ତଂ ଭସ୍ମ ସା ଚକାରାମ୍ବିକା ତଦା ||13||

ଅଥ କ୍ରୁଦ୍ଧଂ ମହାସୈନ୍ୟମ ଅସୁରାଣାଂ ତଥାମ୍ବିକା|
ଵଵର୍ଷ ସାୟୁକୈସ୍ତୀକ୍ଷ୍ଣୈସ୍ତଥା ଶକ୍ତିପରଶ୍ଵଧୈଃ ||14||

ତତୋ ଧୁତସଟଃ କୋପାତ୍କୃତ୍ଵା ନାଦଂ ସୁଭୈରଵମ|
ପପାତାସୁର ସେନାୟାଂ ସିଂହୋ ଦେଵ୍ୟାଃ ସ୍ଵଵାହନଃ ||15||

କାଂଶ୍ଚିତ୍କରପ୍ରହାରେଣ ଦୈତ୍ୟାନାସ୍ୟେନ ଚାପାରାନ|
ଆକ୍ରାନ୍ତ୍ୟା ଚାଧରେଣ୍ୟାନ ଜଘାନ ସ ମହାସୁରାନ ||16||

କେଷାଞ୍ଚିତ୍ପାଟୟାମାସ ନଖୈଃ କୋଷ୍ଠାନି କେସରୀ|
ତଥା ତଲପ୍ରହାରେଣ ଶିରାଂସି କୃତଵାନ ପୃଥକ ||17||

ଵିଚ୍ଛିନ୍ନବାହୁଶିରସଃ କୃତାସ୍ତେନ ତଥାପରେ|
ପପୌଚ ରୁଧିରଂ କୋଷ୍ଠାଦନ୍ୟେଷାଂ ଧୁତକେସରଃ ||18||

କ୍ଷଣେନ ତଦ୍ବଲଂ ସର୍ଵଂ କ୍ଷୟଂ ନୀତଂ ମହାତ୍ମନା|
ତେନ କେସରିଣା ଦେଵ୍ୟା ଵାହନେନାତିକୋପିନା ||19||

ଶ୍ରୁତ୍ଵା ତମସୁରଂ ଦେଵ୍ୟା ନିହତଂ ଧୂମ୍ରଲୋଚନମ|
ବଲଂ ଚ କ୍ଷୟିତଂ କୃତ୍ସ୍ନଂ ଦେଵୀ କେସରିଣା ତତଃ ||20||

ଚୁକୋପ ଦୈତ୍ୟାଧିପତିଃ ଶୁମ୍ଭଃ ପ୍ରସ୍ଫୁରିତାଧରଃ|
ଆଜ୍ଞାପୟାମାସ ଚ ତୌ ଚଣ୍ଡମୁଣ୍ଡୌ ମହାସୁରୌ ||21||

ହେଚଣ୍ଡ ହେ ମୁଣ୍ଡ ବଲୈର୍ବହୁଭିଃ ପରିଵାରିତୌ
ତତ୍ର ଗଚ୍ଛତ ଗତ୍ଵା ଚ ସା ସମାନୀୟତାଂ ଲଘୁ ||22||

କେଶେଷ୍ଵାକୃଷ୍ୟ ବଦ୍ଧ୍ଵା ଵା ୟଦି ଵଃ ସଂଶୟୋ ୟୁଧି|
ତଦାଶେଷା ୟୁଧୈଃ ସର୍ଵୈର ଅସୁରୈର୍ଵିନିହନ୍ୟତାଂ ||23||

ତସ୍ୟାଂ ହତାୟାଂ ଦୁଷ୍ଟାୟାଂ ସିଂହେ ଚ ଵିନିପାତିତେ|
ଶୀଘ୍ରମାଗମ୍ୟତାଂ ବଦ୍ଵା ଗୃହୀତ୍ଵାତାମଥାମ୍ବିକାମ ||24||

|| ସ୍ଵସ୍ତି ଶ୍ରୀ ମାର୍କଣ୍ଡେୟ ପୁରାଣେ ସାଵର୍ନିକେମନ୍ଵନ୍ତରେ ଦେଵି ମହତ୍ମ୍ୟେ ଶୁମ୍ଭନିଶୁମ୍ଭସେନାନୀଧୂମ୍ରଲୋଚନଵଧୋ ନାମ ଷଷ୍ଟୋ ଧ୍ୟାୟଃ ||

ଆହୁତି
ଓଂ କ୍ଲୀଂ ଜୟଂତୀ ସାଂଗାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ମହାହୁତିଂ ସମର୍ପୟାମି ନମଃ ସ୍ଵାହା ||