Category: Devi Malayalam

ഓം സരസ്വത്യൈ നമഃ
ഓം മഹാഭദ്രായൈ നമഃ
ഓം മഹമായായൈ നമഃ
ഓം വരപ്രദായൈ നമഃ
ഓം പദ്മനിലയായൈ നമഃ
ഓം പദ്മാ ക്ഷ്രൈയ നമഃ
ഓം പദ്മവക്ത്രായൈ നമഃ
ഓം ശിവാനുജായൈ നമഃ
ഓം പുസ്ത കധ്രതേ നമഃ
ഓം ജ്ഞാന സമുദ്രായൈ നമഃ ||10 ||
ഓം രമായൈ നമഃ
ഓം പരായൈ നമഃ
ഓം കാമര രൂപായൈ നമഃ
ഓം മഹാ വിദ്യായൈ നമഃ
ഓം മഹാപാത കനാശിന്യൈ നമഃ
ഓം മഹാശ്രയായൈ നമഃ
ഓം മാലിന്യൈ നമഃ
ഓം മഹാഭോഗായൈ നമഃ
ഓം മഹാഭുജായൈ നമഃ
ഓം മഹാഭാഗ്യായൈ നമഃ || 20 ||
ഓം മഹൊത്സാഹായൈ നമഃ
ഓം ദിവ്യാംഗായൈ നമഃ
ഓം സുരവംദിതായൈ നമഃ
ഓം മഹാകാള്യൈ നമഃ
ഓം മഹാപാശായൈ നമഃ
ഓം മഹാകാരായൈ നമഃ
ഓം മഹാംകുശായൈ നമഃ
ഓം സീതായൈ നമഃ
ഓം വിമലായൈ നമഃ
ഓം വിശ്വായൈ നമഃ || 30 ||
ഓം വിദ്യുന്മാലായൈ നമഃ
ഓം വൈഷ്ണവ്യൈ നമഃ
ഓം ചംദ്രികായ്യൈ നമഃ
ഓം ചംദ്രവദനായൈ നമഃ
ഓം ചംദ്ര ലേഖാവിഭൂഷിതായൈ നമഃ
ഓം സാവിത്ര്യൈ നമഃ
ഓം സുരസായൈ നമഃ
ഓം ദേവ്യൈ നമഃ
ഓം ദിവ്യാലംകാര ഭൂഷിതായൈ നമഃ
ഓം വാഗ്ദേവ്യൈ നമഃ || 40 ||
ഓം വസുധായ്യൈ നമഃ
ഓം തീവ്രായൈ നമഃ
ഓം മഹാഭദ്രായൈ നമഃ
ഓം മഹാ ബലായൈ നമഃ
ഓം ഭോഗദായൈ നമഃ
ഓം ഭാരത്യൈ നമഃ
ഓം ഭാമായൈ നമഃ
ഓം ഗോവിംദായൈ നമഃ
ഓം ഗോമത്യൈ നമഃ
ഓം ശിവായൈ നമഃ
ഓം ജടിലായൈ നമഃ
ഓം വിംധ്യവാസായൈ നമഃ
ഓം വിംധ്യാചല വിരാജിതായൈ നമഃ
ഓം ചംഡി കായൈ നമഃ
ഓം വൈഷ്ണവ്യൈ നമഃ
ഓം ബ്രാഹ്മ്യൈ നമഃ
ഓം ബ്രഹ്മജ്ഞാ നൈകസാധനായൈ നമഃ
ഓം സൗദാമാന്യൈ നമഃ
ഓം സുധാ മൂര്ത്യൈ നമഃ
ഓം സുഭദ്രായൈ നമഃ || 60 ||
ഓം സുര പൂജിതായൈ നമഃ
ഓം സുവാസിന്യൈ നമഃ
ഓം സുനാസായൈ നമഃ
ഓം വിനിദ്രായൈ നമഃ
ഓം പദ്മലോചനായൈ നമഃ
ഓം വിദ്യാ രൂപായൈ നമഃ
ഓം വിശാലാക്ഷ്യൈ നമഃ
ഓം ബ്രഹ്മാജായായൈ നമഃ
ഓം മഹാ ഫലായൈ നമഃ
ഓം ത്രയീമൂര്ത്യൈ നമഃ || 70 ||
ഓം ത്രികാലജ്ഞായേ നമഃ
ഓം ത്രിഗുണായൈ നമഃ
ഓം ശാസ്ത്ര രൂപിണ്യൈ നമഃ
ഓം ശുംഭാ സുരപ്രമദിന്യൈ നമഃ
ഓം ശുഭദായൈ നമഃ
ഓം സര്വാത്മികായൈ നമഃ
ഓം രക്ത ബീജനിഹംത്ര്യൈ നമഃ
ഓം ചാമുംഡായൈ നമഃ
ഓം അംബികായൈ നമഃ
ഓം മാന്ണാകായ പ്രഹരണായൈ നമഃ || 80 ||
ഓം ധൂമ്രലോചനമര്ദനായൈ നമഃ
ഓം സര്വദേ വസ്തുതായൈ നമഃ
ഓം സൗമ്യായൈ നമഃ
ഓം സുരാ സുര നമസ്ക്രതായൈ നമഃ
ഓം കാള രാത്ര്യൈ നമഃ
ഓം കലാധാരായൈ നമഃ
ഓം രൂപസൗഭാഗ്യദായിന്യൈ നമഃ
ഓം വാഗ്ദേവ്യൈ നമഃ
ഓം വരാരോഹായൈ നമഃ
ഓം വാരാഹ്യൈ നമഃ || 90 ||
ഓം വാരി ജാസനായൈ നമഃ
ഓം ചിത്രാംബരായൈ നമഃ
ഓം ചിത്ര ഗംധാ യൈ നമഃ
ഓം ചിത്ര മാല്യ വിഭൂഷിതായൈ നമഃ
ഓം കാംതായൈ നമഃ
ഓം കാമപ്രദായൈ നമഃ
ഓം വംദ്യായൈ നമഃ
ഓം വിദ്യാധര സുപൂജിതായൈ നമഃ
ഓം ശ്വേതാനനായൈ നമഃ
ഓം നീലഭുജായൈ നമഃ || 100 ||
ഓം ചതുര്വര്ഗ ഫലപ്രദായൈ നമഃ
ഓം ചതുരാനന സാമ്രാജ്യൈ നമഃ
ഓം രക്ത മധ്യായൈ നമഃ
ഓം നിരംജനായൈ നമഃ
ഓം ഹംസാസനായൈ നമഃ
ഓം നീലംജംഘായൈ നമഃ
ഓം ശ്രീ പ്രദായൈ നമഃ
ഓം ബ്രഹ്മവിഷ്ണു ശിവാത്മികായൈ നമഃ || 108 ||

രചന: അഗസ്ത്യ ഋശി

യാ കുംദേംദു തുഷാരഹാരധവളാ യാ ശുഭ്രവസ്ത്രാവൃതാ
യാ വീണാവരദംഡമംഡിതകരാ യാ ശ്വേതപദ്മാസനാ |
യാ ബ്രഹ്മാച്യുത ശംകരപ്രഭൃതിഭിര്ദേവൈസ്സദാ പൂജിതാ
സാ മാം പാതു സരസ്വതീ ഭഗവതീ നിശ്ശേഷജാഡ്യാപഹാ || 1 ||

ദോര്ഭിര്യുക്താ ചതുര്ഭിഃ സ്ഫടികമണിനിഭൈ രക്ഷമാലാംദധാനാ
ഹസ്തേനൈകേന പദ്മം സിതമപിച ശുകം പുസ്തകം ചാപരേണ |
ഭാസാ കുംദേംദുശംഖസ്ഫടികമണിനിഭാ ഭാസമാനാസമാനാ
സാ മേ വാഗ്ദേവതേയം നിവസതു വദനേ സര്വദാ സുപ്രസന്നാ || 2 ||

സുരാസുരൈസ്സേവിതപാദപംകജാ കരേ വിരാജത്കമനീയപുസ്തകാ |
വിരിംചിപത്നീ കമലാസനസ്ഥിതാ സരസ്വതീ നൃത്യതു വാചി മേ സദാ || 3 ||

സരസ്വതീ സരസിജകേസരപ്രഭാ തപസ്വിനീ സിതകമലാസനപ്രിയാ |
ഘനസ്തനീ കമലവിലോലലോചനാ മനസ്വിനീ ഭവതു വരപ്രസാദിനീ || 4 ||

സരസ്വതി നമസ്തുഭ്യം വരദേ കാമരൂപിണി |
വിദ്യാരംഭം കരിഷ്യാമി സിദ്ധിര്ഭവതു മേ സദാ || 5 ||

സരസ്വതി നമസ്തുഭ്യം സര്വദേവി നമോ നമഃ |
ശാംതരൂപേ ശശിധരേ സര്വയോഗേ നമോ നമഃ || 6 ||

നിത്യാനംദേ നിരാധാരേ നിഷ്കളായൈ നമോ നമഃ |
വിദ്യാധരേ വിശാലാക്ഷി ശുദ്ധജ്ഞാനേ നമോ നമഃ || 7 ||

ശുദ്ധസ്ഫടികരൂപായൈ സൂക്ഷ്മരൂപേ നമോ നമഃ |
ശബ്ദബ്രഹ്മി ചതുര്ഹസ്തേ സര്വസിദ്ധ്യൈ നമോ നമഃ || 8 ||

മുക്താലംകൃത സര്വാംഗ്യൈ മൂലാധാരേ നമോ നമഃ |
മൂലമംത്രസ്വരൂപായൈ മൂലശക്ത്യൈ നമോ നമഃ || 9 ||

മനോന്മനി മഹാഭോഗേ വാഗീശ്വരി നമോ നമഃ |
വാഗ്മ്യൈ വരദഹസ്തായൈ വരദായൈ നമോ നമഃ || 10 ||

വേദായൈ വേദരൂപായൈ വേദാംതായൈ നമോ നമഃ |
ഗുണദോഷവിവര്ജിന്യൈ ഗുണദീപ്ത്യൈ നമോ നമഃ || 11 ||

സര്വജ്ഞാനേ സദാനംദേ സര്വരൂപേ നമോ നമഃ |
സംപന്നായൈ കുമാര്യൈ ച സര്വജ്ഞേ തേ നമോ നമഃ || 12 ||

യോഗാനാര്യ ഉമാദേവ്യൈ യോഗാനംദേ നമോ നമഃ |
ദിവ്യജ്ഞാന ത്രിനേത്രായൈ ദിവ്യമൂര്ത്യൈ നമോ നമഃ || 13 ||

അര്ധചംദ്രജടാധാരി ചംദ്രബിംബേ നമോ നമഃ |
ചംദ്രാദിത്യജടാധാരി ചംദ്രബിംബേ നമോ നമഃ || 14 ||

അണുരൂപേ മഹാരൂപേ വിശ്വരൂപേ നമോ നമഃ |
അണിമാദ്യഷ്ടസിദ്ധായൈ ആനംദായൈ നമോ നമഃ || 15 ||

ജ്ഞാന വിജ്ഞാന രൂപായൈ ജ്ഞാനമൂര്തേ നമോ നമഃ |
നാനാശാസ്ത്ര സ്വരൂപായൈ നാനാരൂപേ നമോ നമഃ || 16 ||

പദ്മജാ പദ്മവംശാ ച പദ്മരൂപേ നമോ നമഃ |
പരമേഷ്ഠ്യൈ പരാമൂര്ത്യൈ നമസ്തേ പാപനാശിനീ || 17 ||

മഹാദേവ്യൈ മഹാകാള്യൈ മഹാലക്ഷ്മ്യൈ നമോ നമഃ |
ബ്രഹ്മവിഷ്ണുശിവായൈ ച ബ്രഹ്മനാര്യൈ നമോ നമഃ || 18 ||

കമലാകരപുഷ്പാ ച കാമരൂപേ നമോ നമഃ |
കപാലികര്മദീപ്തായൈ കര്മദായൈ നമോ നമഃ || 19 ||

സായം പ്രാതഃ പഠേന്നിത്യം ഷണ്മാസാത്സിദ്ധിരുച്യതേ |
ചോരവ്യാഘ്രഭയം നാസ്തി പഠതാം ശൃണ്വതാമപി || 20 ||

ഇത്ഥം സരസ്വതീ സ്തോത്രമഗസ്ത്യമുനി വാചകമ് |
സര്വസിദ്ധികരം നൠണാം സര്വപാപപ്രണാശനമ് || 21 ||

ആദിലക്ഷ്മി
സുമനസ വംദിത സുംദരി മാധവി, ചംദ്ര സഹൊദരി ഹേമമയേ
മുനിഗണ വംദിത മോക്ഷപ്രദായനി, മംജുല ഭാഷിണി വേദനുതേ |
പംകജവാസിനി ദേവ സുപൂജിത, സദ്ഗുണ വര്ഷിണി ശാംതിയുതേ
ജയ ജയഹേ മധുസൂദന കാമിനി, ആദിലക്ഷ്മി പരിപാലയ മാമ് || 1 ||

ധാന്യലക്ഷ്മി
അയികലി കല്മഷ നാശിനി കാമിനി, വൈദിക രൂപിണി വേദമയേ
ക്ഷീര സമുദ്ഭവ മംഗള രൂപിണി, മംത്രനിവാസിനി മംത്രനുതേ |
മംഗളദായിനി അംബുജവാസിനി, ദേവഗണാശ്രിത പാദയുതേ
ജയ ജയഹേ മധുസൂദന കാമിനി, ധാന്യലക്ഷ്മി പരിപാലയ മാമ് || 2 ||

ധൈര്യലക്ഷ്മി
ജയവരവര്ഷിണി വൈഷ്ണവി ഭാര്ഗവി, മംത്ര സ്വരൂപിണി മംത്രമയേ
സുരഗണ പൂജിത ശീഘ്ര ഫലപ്രദ, ജ്ഞാന വികാസിനി ശാസ്ത്രനുതേ |
ഭവഭയഹാരിണി പാപവിമോചനി, സാധു ജനാശ്രിത പാദയുതേ
ജയ ജയഹേ മധു സൂധന കാമിനി, ധൈര്യലക്ഷ്മീ പരിപാലയ മാമ് || 3 ||

ഗജലക്ഷ്മി
ജയ ജയ ദുര്ഗതി നാശിനി കാമിനി, സര്വഫലപ്രദ ശാസ്ത്രമയേ
രധഗജ തുരഗപദാതി സമാവൃത, പരിജന മംഡിത ലോകനുതേ |
ഹരിഹര ബ്രഹ്മ സുപൂജിത സേവിത, താപ നിവാരിണി പാദയുതേ
ജയ ജയഹേ മധുസൂദന കാമിനി, ഗജലക്ഷ്മീ രൂപേണ പാലയ മാമ് || 4 ||

സംതാനലക്ഷ്മി
അയിഖഗ വാഹിനി മോഹിനി ചക്രിണി, രാഗവിവര്ധിനി ജ്ഞാനമയേ
ഗുണഗണവാരധി ലോകഹിതൈഷിണി, സപ്തസ്വര ഭൂഷിത ഗാനനുതേ |
സകല സുരാസുര ദേവ മുനീശ്വര, മാനവ വംദിത പാദയുതേ
ജയ ജയഹേ മധുസൂദന കാമിനി, സംതാനലക്ഷ്മീ പരിപാലയ മാമ് || 5 ||

വിജയലക്ഷ്മി
ജയ കമലാസിനി സദ്ഗതി ദായിനി, ജ്ഞാനവികാസിനി ഗാനമയേ
അനുദിന മര്ചിത കുംകുമ ധൂസര, ഭൂഷിത വാസിത വാദ്യനുതേ |
കനകധരാസ്തുതി വൈഭവ വംദിത, ശംകരദേശിക മാന്യപദേ
ജയ ജയഹേ മധുസൂദന കാമിനി, വിജയലക്ഷ്മീ പരിപാലയ മാമ് || 6 ||

വിദ്യാലക്ഷ്മി
പ്രണത സുരേശ്വരി ഭാരതി ഭാര്ഗവി, ശോകവിനാശിനി രത്നമയേ
മണിമയ ഭൂഷിത കര്ണവിഭൂഷണ, ശാംതി സമാവൃത ഹാസ്യമുഖേ |
നവനിധി ദായിനി കലിമലഹാരിണി, കാമിത ഫലപ്രദ ഹസ്തയുതേ
ജയ ജയഹേ മധുസൂദന കാമിനി, വിദ്യാലക്ഷ്മീ സദാ പാലയ മാമ് || 7 ||

ധനലക്ഷ്മി
ധിമിധിമി ധിംധിമി ധിംധിമി-ദിംധിമി, ദുംധുഭി നാദ സുപൂര്ണമയേ
ഘുമഘുമ ഘുംഘുമ ഘുംഘുമ ഘുംഘുമ, ശംഖ നിനാദ സുവാദ്യനുതേ |
വേദ പൂരാണേതിഹാസ സുപൂജിത, വൈദിക മാര്ഗ പ്രദര്ശയുതേ
ജയ ജയഹേ മധുസൂദന കാമിനി, ധനലക്ഷ്മി രൂപേണാ പാലയ മാമ് || 8 ||

ഫലശൃതി
ശ്ലോ|| അഷ്ടലക്ഷ്മീ നമസ്തുഭ്യം വരദേ കാമരൂപിണി |
വിഷ്ണുവക്ഷഃ സ്ഥലാ രൂഢേ ഭക്ത മോക്ഷ പ്രദായിനി ||

ശ്ലോ|| ശംഖ ചക്രഗദാഹസ്തേ വിശ്വരൂപിണിതേ ജയഃ |
ജഗന്മാത്രേ ച മോഹിന്യൈ മംഗളം ശുഭ മംഗളമ് ||

രചന: ആദി ശംകരാചാര്യ

വംദേ വംദാരു മംദാരമിംദിരാനംദ കംദലം
അമംദാനംദ സംദോഹ ബംധുരം സിംധുരാനനമ്

അംഗം ഹരേഃ പുലകഭൂഷണമാശ്രയന്തീ
ഭൃംഗാംഗനേവ മുകുളാഭരണം തമാലമ് |
അംഗീകൃതാഖില വിഭൂതിരപാംഗലീലാ
മാംഗല്യദാസ്തു മമ മംഗളദേവതായാഃ || 1 ||

മുഗ്ധാ മുഹുര്വിദധതീ വദനേ മുരാരേഃ
പ്രേമത്രപാപ്രണിഹിതാനി ഗതാഗതാനി |
മാലാദൃശോര്മധുകരീവ മഹോത്പലേ യാ
സാ മേ ശ്രിയം ദിശതു സാഗര സംഭവാ യാഃ || 2 ||

ആമീലിതാക്ഷമധിഗ്യമ മുദാ മുകുംദമ്
ആനംദകംദമനിമേഷമനംഗ തംത്രമ് |
ആകേകരസ്ഥിതകനീനികപക്ഷ്മനേത്രം
ഭൂത്യൈ ഭവന്മമ ഭുജംഗ ശയാംഗനാ യാഃ || 3 ||

ബാഹ്വംതരേ മധുജിതഃ ശ്രിതകൗസ്തുഭേ യാ
ഹാരാവളീവ ഹരിനീലമയീ വിഭാതി |
കാമപ്രദാ ഭഗവതോ‌உപി കടാക്ഷമാലാ
കള്യാണമാവഹതു മേ കമലാലയാ യാഃ || 4 ||

കാലാംബുദാളി ലലിതോരസി കൈടഭാരേഃ
ധാരാധരേ സ്ഫുരതി യാ തടിദംഗനേവ |
മാതുസ്സമസ്തജഗതാം മഹനീയമൂര്തിഃ
ഭദ്രാണി മേ ദിശതു ഭാര്ഗവനംദനാ യാഃ || 5 ||

പ്രാപ്തം പദം പ്രഥമതഃ ഖലു യത്പ്രഭാവാത്
മാംഗല്യഭാജി മധുമാഥിനി മന്മഥേന |
മയ്യാപതേത്തദിഹ മംഥരമീക്ഷണാര്ഥം
മംദാലസം ച മകരാലയ കന്യകാ യാഃ || 6 ||

വിശ്വാമരേംദ്ര പദ വിഭ്രമ ദാനദക്ഷമ്
ആനംദഹേതുരധികം മുരവിദ്വിഷോ‌உപി |
ഈഷന്നിഷീദതു മയി ക്ഷണമീക്ഷണാര്ഥം
ഇംദീവരോദര സഹോദരമിംദിരാ യാഃ || 7 ||

ഇഷ്ടാ വിശിഷ്ടമതയോപി യയാ ദയാര്ദ്ര
ദൃഷ്ട്യാ ത്രിവിഷ്ടപപദം സുലഭം ലഭംതേ |
ദൃഷ്ടിഃ പ്രഹൃഷ്ട കമലോദര ദീപ്തിരിഷ്ടാം
പുഷ്ടിം കൃഷീഷ്ട മമ പുഷ്കര വിഷ്ടരാ യാഃ || 8 ||

ദദ്യാദ്ദയാനു പവനോ ദ്രവിണാംബുധാരാം
അസ്മിന്നകിംചന വിഹംഗ ശിശൗ വിഷണ്ണേ |
ദുഷ്കര്മഘര്മമപനീയ ചിരായ ദൂരം
നാരായണ പ്രണയിനീ നയനാംബുവാഹഃ || 9 ||

ഗീര്ദേവതേതി ഗരുഡധ്വജ സുംദരീതി
ശാകംബരീതി ശശിശേഖര വല്ലഭേതി |
സൃഷ്ടി സ്ഥിതി പ്രളയ കേളിഷു സംസ്ഥിതായൈ
തസ്യൈ നമസ്ത്രിഭുവനൈക ഗുരോസ്തരുണ്യൈ || 10 ||

ശ്രുത്യൈ നമോ‌உസ്തു ശുഭകര്മ ഫലപ്രസൂത്യൈ
രത്യൈ നമോ‌உസ്തു രമണീയ ഗുണാര്ണവായൈ |
ശക്ത്യൈ നമോ‌உസ്തു ശതപത്ര നികേതനായൈ
പുഷ്ട്യൈ നമോ‌உസ്തു പുരുഷോത്തമ വല്ലഭായൈ || 11 ||

നമോ‌உസ്തു നാളീക നിഭാനനായൈ
നമോ‌உസ്തു ദുഗ്ധോദധി ജന്മഭൂമ്യൈ |
നമോ‌உസ്തു സോമാമൃത സോദരായൈ
നമോ‌உസ്തു നാരായണ വല്ലഭായൈ || 12 ||

നമോ‌உസ്തു ഹേമാംബുജ പീഠികായൈ
നമോ‌உസ്തു ഭൂമംഡല നായികായൈ |
നമോ‌உസ്തു ദേവാദി ദയാപരായൈ
നമോ‌உസ്തു ശാര്ങ്ഗായുധ വല്ലഭായൈ || 13 ||

നമോ‌உസ്തു ദേവ്യൈ ഭൃഗുനംദനായൈ
നമോ‌உസ്തു വിഷ്ണോരുരസി സ്ഥിതായൈ |
നമോ‌உസ്തു ലക്ഷ്മ്യൈ കമലാലയായൈ
നമോ‌உസ്തു ദാമോദര വല്ലഭായൈ || 14 ||

നമോ‌உസ്തു കാംത്യൈ കമലേക്ഷണായൈ
നമോ‌உസ്തു ഭൂത്യൈ ഭുവനപ്രസൂത്യൈ |
നമോ‌உസ്തു ദേവാദിഭിരര്ചിതായൈ
നമോ‌உസ്തു നംദാത്മജ വല്ലഭായൈ || 15 ||

സംപത്കരാണി സകലേംദ്രിയ നംദനാനി
സാമ്രാജ്യ ദാനവിഭവാനി സരോരുഹാക്ഷി |
ത്വദ്വംദനാനി ദുരിതാ ഹരണോദ്യതാനി
മാമേവ മാതരനിശം കലയംതു മാന്യേ || 16 ||

യത്കടാക്ഷ സമുപാസനാ വിധിഃ
സേവകസ്യ സകലാര്ഥ സംപദഃ |
സംതനോതി വചനാംഗ മാനസൈഃ
ത്വാം മുരാരിഹൃദയേശ്വരീം ഭജേ || 17 ||

സരസിജനിലയേ സരോജഹസ്തേ
ധവളതമാംശുക ഗംധമാല്യശോഭേ |
ഭഗവതി ഹരിവല്ലഭേ മനോജ്ഞേ
ത്രിഭുവനഭൂതികരീ പ്രസീദമഹ്യമ് || 18 ||

ദിഗ്ഘസ്തിഭിഃ കനക കുംഭമുഖാവസൃഷ്ട
സ്വര്വാഹിനീ വിമലചാരുജലാപ്ലുതാംഗീമ് |
പ്രാതര്നമാമി ജഗതാം ജനനീമശേഷ
ലോകധിനാഥ ഗൃഹിണീമമൃതാബ്ധിപുത്രീമ് || 19 ||

കമലേ കമലാക്ഷ വല്ലഭേ ത്വം
കരുണാപൂര തരംഗിതൈരപാംഗൈഃ |
അവലോകയ മാമകിംചനാനാം
പ്രഥമം പാത്രമകൃതിമം ദയായാഃ || 20 ||

ദേവി പ്രസീദ ജഗദീശ്വരി ലോകമാതഃ
കള്യാണഗാത്രി കമലേക്ഷണ ജീവനാഥേ |
ദാരിദ്ര്യഭീതിഹൃദയം ശരണാഗതം മാം
ആലോകയ പ്രതിദിനം സദയൈരപാംഗൈഃ || 21 ||

സ്തുവംതി യേ സ്തുതിഭിരമീഭിരന്വഹം
ത്രയീമയീം ത്രിഭുവനമാതരം രമാമ് |
ഗുണാധികാ ഗുരുതുര ഭാഗ്യ ഭാഗിനഃ
ഭവംതി തേ ഭുവി ബുധ ഭാവിതാശയാഃ || 22 ||

സുവര്ണധാരാ സ്തോത്രം യച്ഛംകരാചാര്യ നിര്മിതം
ത്രിസംധ്യം യഃ പഠേന്നിത്യം സ കുബേരസമോ ഭവേത് ||

ഇന്ദ്ര ഉവാച –

നമസ്തേ‌உസ്തു മഹാമായേ ശ്രീപീഠേ സുരപൂജിതേ |
ശങ്ഖചക്ര ഗദാഹസ്തേ മഹാലക്ഷ്മി നമോ‌உസ്തു തേ || 1 ||

നമസ്തേ ഗരുഡാരൂഢേ കോലാസുര ഭയങ്കരി |
സര്വപാപഹരേ ദേവി മഹാലക്ഷ്മി നമോ‌உസ്തു തേ || 2 ||

സര്വജ്ഞേ സര്വവരദേ സര്വ ദുഷ്ട ഭയംകരി |
സര്വദുഃഖ ഹരേ ദേവി മഹാലക്ഷ്മി നമോ‌உസ്തു തേ || 3 ||

സിദ്ധി ബുദ്ധി പ്രദേ ദേവി ഭുക്തി മുക്തി പ്രദായിനി |
മന്ത്ര മൂര്തേ സദാ ദേവി മഹാലക്ഷ്മി നമോ‌உസ്തു തേ || 4 ||

ആദ്യന്ത രഹിതേ ദേവി ആദിശക്തി മഹേശ്വരി |
യോഗജ്ഞേ യോഗ സമ്ഭൂതേ മഹാലക്ഷ്മി നമോ‌உസ്തു തേ || 5 ||

സ്ഥൂല സൂക്ഷ്മ മഹാരൗദ്രേ മഹാശക്തി മഹോദരേ |
മഹാ പാപ ഹരേ ദേവി മഹാലക്ഷ്മി നമോ‌உസ്തു തേ || 6 ||

പദ്മാസന സ്ഥിതേ ദേവി പരബ്രഹ്മ സ്വരൂപിണി |
പരമേശി ജഗന്മാതഃ മഹാലക്ഷ്മി നമോ‌உസ്തു തേ || 7 ||

ശ്വേതാമ്ബരധരേ ദേവി നാനാലങ്കാര ഭൂഷിതേ |
ജഗസ്ഥിതേ ജഗന്മാതഃ മഹാലക്ഷ്മി നമോ‌உസ്തു തേ || 8 ||

മഹാലക്ഷ്മഷ്ടകം സ്തോത്രം യഃ പഠേദ് ഭക്തിമാന് നരഃ |
സര്വ സിദ്ധി മവാപ്നോതി രാജ്യം പ്രാപ്നോതി സര്വദാ ||

ഏകകാലേ പഠേന്നിത്യം മഹാപാപ വിനാശനമ് |
ദ്വികാല്ം യഃ പഠേന്നിത്യം ധന ധാന്യ സമന്വിതഃ ||

ത്രികാലം യഃ പഠേന്നിത്യം മഹാശത്രു വിനാശനമ് |
മഹാലക്ഷ്മീ ര്ഭവേന്-നിത്യം പ്രസന്നാ വരദാ ശുഭാ ||

[ഇന്ത്യകൃത ശ്രീ മഹാലക്ഷ്മ്യഷ്ടക സ്തോത്രം സംപൂര്ണമ്]

രചന: വാഗ്ദേവീ

ഗണേശഃ
ഹരിദ്രാഭംചതുര്വാദു ഹാരിദ്രവസനംവിഭുമ് |
പാശാംകുശധരം ദൈവംമോദകംദന്തമേവ ച ||

ദേവീ ശൈലപുത്രീ
വന്ദേ വാഞ്ഛിതലാഭായ ചന്ദ്രാര്ധകൃതശേഖരാം|
വൃഷാരൂഢാം ശൂലധരാം ശൈലപുത്രീ യശസ്വിനീമ് ||

ദേവീ ബ്രഹ്മചാരിണീ
ദധാനാ കരപദ്മാഭ്യാമക്ഷമാലാ കമണ്ഡലൂ |
ദേവീ പ്രസീദതു മയി ബ്രഹ്മചാരിണ്യനുത്തമാ ||

ദേവീ ചന്ദ്രഘണ്ടേതി
പിണ്ഡജപ്രവരാരൂഢാ ചന്ദകോപാസ്ത്രകൈര്യുതാ |
പ്രസാദം തനുതേ മഹ്യം ചന്ദ്രഘണ്ടേതി വിശ്രുതാ ||

ദേവീ കൂഷ്മാംഡാ
സുരാസമ്പൂര്ണകലശം രുധിരാപ്ലുതമേവ ച |
ദധാനാ ഹസ്തപദ്മാഭ്യാം കൂഷ്മാണ്ഡാ ശുഭദാസ്തു മേ ||

ദേവീസ്കന്ദമാതാ
സിംഹാസനഗതാ നിത്യം പദ്മാശ്രിതകരദ്വയാ |
ശുഭദാസ്തു സദാ ദേവീ സ്കന്ദമാതാ യശസ്വിനീ ||

ദേവീകാത്യായണീ
ചന്ദ്രഹാസോജ്ജ്വലകരാ ശാര്ദൂലവരവാഹനാ |
കാത്യായനീ ശുഭം ദദ്യാദേവീ ദാനവഘാതിനീ ||

ദേവീകാലരാത്രി
ഏകവേണീ ജപാകര്ണപൂര നഗ്നാ ഖരാസ്ഥിതാ |
ലമ്ബോഷ്ഠീ കര്ണികാകര്ണീ തൈലാഭ്യക്തശരീരിണീ || വാമപാദോല്ലസല്ലോഹലതാകണ്ടകഭൂഷണാ |
വര്ധനമൂര്ധ്വജാ കൃഷ്ണാ കാലരാത്രിര്ഭയങ്കരീ ||

ദേവീമഹാഗൗരീ
ശ്വേതേ വൃഷേ സമാരൂഢാ ശ്വേതാമ്ബരധരാ ശുചിഃ |
മഹാഗൗരീ ശുഭം ദദ്യാന്മഹാദേവപ്രമോദദാ ||

ദേവീസിദ്ധിദാത്രി
സിദ്ധഗന്ധര്വയക്ഷാദ്യൈരസുരൈരമരൈരപി |
സേവ്യമാനാ സദാ ഭൂയാത് സിദ്ധിദാ സിദ്ധിദായിനീ ||

|| അഥ ശ്രീ ദുര്ഗാ സഹസ്രനാമസ്തോത്രമ് ||

നാരദ ഉവാച –
കുമാര ഗുണഗമ്ഭീര ദേവസേനാപതേ പ്രഭോ |
സര്വാഭീഷ്ടപ്രദം പുംസാം സര്വപാപപ്രണാശനമ് || 1||

ഗുഹ്യാദ്ഗുഹ്യതരം സ്തോത്രം ഭക്തിവര്ധകമഞ്ജസാ |
മങ്ഗലം ഗ്രഹപീഡാദിശാന്തിദം വക്തുമര്ഹസി || 2||

സ്കന്ദ ഉവാച –
ശൃണു നാരദ ദേവര്ഷേ ലോകാനുഗ്രഹകാമ്യയാ |
യത്പൃച്ഛസി പരം പുണ്യം തത്തേ വക്ഷ്യാമി കൗതുകാത് || 3||

മാതാ മേ ലോകജനനീ ഹിമവന്നഗസത്തമാത് |
മേനായാം ബ്രഹ്മവാദിന്യാം പ്രാദുര്ഭൂതാ ഹരപ്രിയാ || 4||

മഹതാ തപസാ‌உ‌உരാധ്യ ശങ്കരം ലോകശങ്കരമ് |
സ്വമേവ വല്ലഭം ഭേജേ കലേവ ഹി കലാനിധിമ് || 5||

നഗാനാമധിരാജസ്തു ഹിമവാന് വിരഹാതുരഃ |
സ്വസുതായാഃ പരിക്ഷീണേ വസിഷ്ഠേന പ്രബോധിതഃ || 6||

ത്രിലോകജനനീ സേയം പ്രസന്നാ ത്വയി പുണ്യതഃ |
പ്രാദുര്ഭൂതാ സുതാത്വേന തദ്വിയോഗം ശുഭം ത്യജ || 7||

ബഹുരൂപാ ച ദുര്ഗേയം ബഹുനാമ്നീ സനാതനീ |
സനാതനസ്യ ജായാ സാ പുത്രീമോഹം ത്യജാധുനാ || 8||

ഇതി പ്രബോധിതഃ ശൈലഃ താം തുഷ്ടാവ പരാം ശിവാമ് |
തദാ പ്രസന്നാ സാ ദുര്ഗാ പിതരം പ്രാഹ നന്ദിനീ || 9||

മത്പ്രസാദാത്പരം സ്തോത്രം ഹൃദയേ പ്രതിഭാസതാമ് |
തേന നാമ്നാം സഹസ്രേണ പൂജയന് കാമമാപ്നുഹി || 10||

ഇത്യുക്ത്വാന്തര്ഹിതായാം തു ഹൃദയേ സ്ഫുരിതം തദാ |
നാമ്നാം സഹസ്രം ദുര്ഗായാഃ പൃച്ഛതേ മേ യദുക്തവാന് || 11||

മങ്ഗലാനാം മങ്ഗലം തദ് ദുര്ഗാനാമ സഹസ്രകമ് |
സര്വാഭീഷ്ടപ്രദാം പുംസാം ബ്രവീമ്യഖിലകാമദമ് || 12||

ദുര്ഗാദേവീ സമാഖ്യാതാ ഹിമവാനൃഷിരുച്യതേ |
ഛന്ദോനുഷ്ടുപ് ജപോ ദേവ്യാഃ പ്രീതയേ ക്രിയതേ സദാ || 13||

അസ്യ ശ്രീദുര്ഗാസ്തോത്രമഹാമന്ത്രസ്യ | ഹിമവാന് ഋഷിഃ | അനുഷ്ടുപ് ഛന്ദഃ |
ദുര്ഗാഭഗവതീ ദേവതാ | ശ്രീദുര്ഗാപ്രസാദസിദ്ധ്യര്ഥേ ജപേ വിനിയോഗഃ | |

ശ്രീഭഗവത്യൈ ദുര്ഗായൈ നമഃ |

ദേവീധ്യാനമ്
ഓം ഹ്രീം കാലാഭ്രാഭാം കടാക്ഷൈരരികുലഭയദാം മൗലിബദ്ധേന്ദുരേഖാം
ശങ്ഖം ചക്രം കൃപാണം ത്രിശിഖമപി കരൈരുദ്വഹന്തീം ത്രിനേത്രാമ് |
സിംഹസ്കന്ധാധിരൂഢാം ത്രിഭുവനമഖിലം തേജസാ പൂരയന്തീം
ധ്യായേദ് ദുര്ഗാം ജയാഖ്യാം ത്രിദശപരിവൃതാം സേവിതാം സിദ്ധികാമൈഃ ||

ശ്രീ ജയദുര്ഗായൈ നമഃ |

ഓം ശിവാഥോമാ രമാ ശക്തിരനന്താ നിഷ്കലാ‌உമലാ |
ശാന്താ മാഹേശ്വരീ നിത്യാ ശാശ്വതാ പരമാ ക്ഷമാ || 1||

അചിന്ത്യാ കേവലാനന്താ ശിവാത്മാ പരമാത്മികാ |
അനാദിരവ്യയാ ശുദ്ധാ സര്വജ്ഞാ സര്വഗാ‌உചലാ || 2||

ഏകാനേകവിഭാഗസ്ഥാ മായാതീതാ സുനിര്മലാ |
മഹാമാഹേശ്വരീ സത്യാ മഹാദേവീ നിരഞ്ജനാ || 3||

കാഷ്ഠാ സര്വാന്തരസ്ഥാ‌உപി ചിച്ഛക്തിശ്ചാത്രിലാലിതാ |
സര്വാ സര്വാത്മികാ വിശ്വാ ജ്യോതീരൂപാക്ഷരാമൃതാ || 4||

ശാന്താ പ്രതിഷ്ഠാ സര്വേശാ നിവൃത്തിരമൃതപ്രദാ |
വ്യോമമൂര്തിര്വ്യോമസംസ്ഥാ വ്യോമധാരാ‌உച്യുതാ‌உതുലാ || 5||

അനാദിനിധനാ‌உമോഘാ കാരണാത്മകലാകുലാ |
ഋതുപ്രഥമജാ‌உനാഭിരമൃതാത്മസമാശ്രയാ || 6||

പ്രാണേശ്വരപ്രിയാ നമ്യാ മഹാമഹിഷഘാതിനീ |
പ്രാണേശ്വരീ പ്രാണരൂപാ പ്രധാനപുരുഷേശ്വരീ || 7||

സര്വശക്തികലാ‌உകാമാ മഹിഷേഷ്ടവിനാശിനീ |
സര്വകാര്യനിയന്ത്രീ ച സര്വഭൂതേശ്വരേശ്വരീ || 8||

അങ്ഗദാദിധരാ ചൈവ തഥാ മുകുടധാരിണീ |
സനാതനീ മഹാനന്ദാ‌உ‌உകാശയോനിസ്തഥേച്യതേ || 9||

ചിത്പ്രകാശസ്വരൂപാ ച മഹായോഗേശ്വരേശ്വരീ |
മഹാമായാ സദുഷ്പാരാ മൂലപ്രകൃതിരീശികാ || 10||

സംസാരയോനിഃ സകലാ സര്വശക്തിസമുദ്ഭവാ |
സംസാരപാരാ ദുര്വാരാ ദുര്നിരീക്ഷാ ദുരാസദാ || 11||

പ്രാണശക്തിശ്ച സേവ്യാ ച യോഗിനീ പരമാകലാ |
മഹാവിഭൂതിര്ദുര്ദര്ശാ മൂലപ്രകൃതിസമ്ഭവാ || 12||

അനാദ്യനന്തവിഭവാ പരാര്ഥാ പുരുഷാരണിഃ |
സര്ഗസ്ഥിത്യന്തകൃച്ചൈവ സുദുര്വാച്യാ ദുരത്യയാ || 13||

ശബ്ദഗമ്യാ ശബ്ദമായാ ശബ്ദാഖ്യാനന്ദവിഗ്രഹാ |
പ്രധാനപുരുഷാതീതാ പ്രധാനപുരുഷാത്മികാ || 14||

പുരാണീ ചിന്മയാ പുംസാമിഷ്ടദാ പുഷ്ടിരൂപിണീ |
പൂതാന്തരസ്ഥാ കൂടസ്ഥാ മഹാപുരുഷസംജ്ഞിതാ || 15||

ജന്മമൃത്യുജരാതീതാ സര്വശക്തിസ്വരൂപിണീ |
വാഞ്ഛാപ്രദാ‌உനവച്ഛിന്നപ്രധാനാനുപ്രവേശിനീ || 16||

ക്ഷേത്രജ്ഞാ‌உചിന്ത്യശക്തിസ്തു പ്രോച്യതേ‌உവ്യക്തലക്ഷണാ |
മലാപവര്ജിതാ‌உ‌உനാദിമായാ ത്രിതയതത്ത്വികാ || 17||

പ്രീതിശ്ച പ്രകൃതിശ്ചൈവ ഗുഹാവാസാ തഥോച്യതേ |
മഹാമായാ നഗോത്പന്നാ താമസീ ച ധ്രുവാ തഥാ || 18||

വ്യക്താ‌உവ്യക്താത്മികാ കൃഷ്ണാ രക്താ ശുക്ലാ ഹ്യകാരണാ |
പ്രോച്യതേ കാര്യജനനീ നിത്യപ്രസവധര്മിണീ || 19||

സര്ഗപ്രലയമുക്താ ച സൃഷ്ടിസ്ഥിത്യന്തധര്മിണീ |
ബ്രഹ്മഗര്ഭാ ചതുര്വിംശസ്വരൂപാ പദ്മവാസിനീ || 20||

അച്യുതാഹ്ലാദികാ വിദ്യുദ്ബ്രഹ്മയോനിര്മഹാലയാ |
മഹാലക്ഷ്മീ സമുദ്ഭാവഭാവിതാത്മാമഹേശ്വരീ || 21||

മഹാവിമാനമധ്യസ്ഥാ മഹാനിദ്രാ സകൗതുകാ |
സര്വാര്ഥധാരിണീ സൂക്ഷ്മാ ഹ്യവിദ്ധാ പരമാര്ഥദാ || 22||

അനന്തരൂപാ‌உനന്താര്ഥാ തഥാ പുരുഷമോഹിനീ |
അനേകാനേകഹസ്താ ച കാലത്രയവിവര്ജിതാ || 23||

ബ്രഹ്മജന്മാ ഹരപ്രീതാ മതിര്ബ്രഹ്മശിവാത്മികാ |
ബ്രഹ്മേശവിഷ്ണുസമ്പൂജ്യാ ബ്രഹ്മാഖ്യാ ബ്രഹ്മസംജ്ഞിതാ || 24||

വ്യക്താ പ്രഥമജാ ബ്രാഹ്മീ മഹാരാത്രീഃ പ്രകീര്തിതാ |
ജ്ഞാനസ്വരൂപാ വൈരാഗ്യരൂപാ ഹ്യൈശ്വര്യരൂപിണീ || 25||

ധര്മാത്മികാ ബ്രഹ്മമൂര്തിഃ പ്രതിശ്രുതപുമര്ഥികാ |
അപാംയോനിഃ സ്വയമ്ഭൂതാ മാനസീ തത്ത്വസമ്ഭവാ || 26||

ഈശ്വരസ്യ പ്രിയാ പ്രോക്താ ശങ്കരാര്ധശരീരിണീ |
ഭവാനീ ചൈവ രുദ്രാണീ മഹാലക്ഷ്മീസ്തഥാ‌உമ്ബികാ || 27||

മഹേശ്വരസമുത്പന്നാ ഭുക്തിമുക്തി പ്രദായിനീ |
സര്വേശ്വരീ സര്വവന്ദ്യാ നിത്യമുക്താ സുമാനസാ || 28||

മഹേന്ദ്രോപേന്ദ്രനമിതാ ശാങ്കരീശാനുവര്തിനീ |
ഈശ്വരാര്ധാസനഗതാ മാഹേശ്വരപതിവ്രതാ || 29||

സംസാരശോഷിണീ ചൈവ പാര്വതീ ഹിമവത്സുതാ |
പരമാനന്ദദാത്രീ ച ഗുണാഗ്ര്യാ യോഗദാ തഥാ || 30||

ജ്ഞാനമൂര്തിശ്ച സാവിത്രീ ലക്ഷ്മീഃ ശ്രീഃ കമലാ തഥാ |
അനന്തഗുണഗമ്ഭീരാ ഹ്യുരോനീലമണിപ്രഭാ || 31||

സരോജനിലയാ ഗങ്ഗാ യോഗിധ്യേയാ‌உസുരാര്ദിനീ |
സരസ്വതീ സര്വവിദ്യാ ജഗജ്ജ്യേഷ്ഠാ സുമങ്ഗലാ || 32||

വാഗ്ദേവീ വരദാ വര്യാ കീര്തിഃ സര്വാര്ഥസാധികാ |
വാഗീശ്വരീ ബ്രഹ്മവിദ്യാ മഹാവിദ്യാ സുശോഭനാ || 33||

ഗ്രാഹ്യവിദ്യാ വേദവിദ്യാ ധര്മവിദ്യാ‌உ‌உത്മഭാവിതാ |
സ്വാഹാ വിശ്വമ്ഭരാ സിദ്ധിഃ സാധ്യാ മേധാ ധൃതിഃ കൃതിഃ || 34||

സുനീതിഃ സംകൃതിശ്ചൈവ കീര്തിതാ നരവാഹിനീ |
പൂജാവിഭാവിനീ സൗമ്യാ ഭോഗ്യഭാഗ് ഭോഗദായിനീ || 35||

ശോഭാവതീ ശാങ്കരീ ച ലോലാ മാലാവിഭൂഷിതാ |
പരമേഷ്ഠിപ്രിയാ ചൈവ ത്രിലോകീസുന്ദരീ മാതാ || 36||

നന്ദാ സന്ധ്യാ കാമധാത്രീ മഹാദേവീ സുസാത്ത്വികാ |
മഹാമഹിഷദര്പഘ്നീ പദ്മമാലാ‌உഘഹാരിണീ || 37||

വിചിത്രമുകുടാ രാമാ കാമദാതാ പ്രകീര്തിതാ |
പിതാമ്ബരധരാ ദിവ്യവിഭൂഷണ വിഭൂഷിതാ || 38||

ദിവ്യാഖ്യാ സോമവദനാ ജഗത്സംസൃഷ്ടിവര്ജിതാ |
നിര്യന്ത്രാ യന്ത്രവാഹസ്ഥാ നന്ദിനീ രുദ്രകാലികാ || 39||

ആദിത്യവര്ണാ കൗമാരീ മയൂരവരവാഹിനീ |
പദ്മാസനഗതാ ഗൗരീ മഹാകാലീ സുരാര്ചിതാ || 40||

അദിതിര്നിയതാ രൗദ്രീ പദ്മഗര്ഭാ വിവാഹനാ |
വിരൂപാക്ഷാ കേശിവാഹാ ഗുഹാപുരനിവാസിനീ || 41||

മഹാഫലാ‌உനവദ്യാങ്ഗീ കാമരൂപാ സരിദ്വരാ |
ഭാസ്വദ്രൂപാ മുക്തിദാത്രീ പ്രണതക്ലേശഭഞ്ജനാ || 42||

കൗശികീ ഗോമിനീ രാത്രിസ്ത്രിദശാരിവിനാശിനീ |
ബഹുരൂപാ സുരൂപാ ച വിരൂപാ രൂപവര്ജിതാ || 43||

ഭക്താര്തിശമനാ ഭവ്യാ ഭവഭാവവിനാശിനീ |
സര്വജ്ഞാനപരീതാങ്ഗീ സര്വാസുരവിമര്ദികാ || 44||

പികസ്വനീ സാമഗീതാ ഭവാങ്കനിലയാ പ്രിയാ |
ദീക്ഷാ വിദ്യാധരീ ദീപ്താ മഹേന്ദ്രാഹിതപാതിനീ || 45||

സര്വദേവമയാ ദക്ഷാ സമുദ്രാന്തരവാസിനീ |
അകലങ്കാ നിരാധാരാ നിത്യസിദ്ധാ നിരാമയാ || 46||

കാമധേനുബൃഹദ്ഗര്ഭാ ധീമതീ മൗനനാശിനീ |
നിഃസങ്കല്പാ നിരാതങ്കാ വിനയാ വിനയപ്രദാ || 47||

ജ്വാലാമാലാ സഹസ്രാഢ്യാ ദേവദേവീ മനോമയാ |
സുഭഗാ സുവിശുദ്ധാ ച വസുദേവസമുദ്ഭവാ || 48||

മഹേന്ദ്രോപേന്ദ്രഭഗിനീ ഭക്തിഗമ്യാ പരാവരാ |
ജ്ഞാനജ്ഞേയാ പരാതീതാ വേദാന്തവിഷയാ മതിഃ || 49||

ദക്ഷിണാ ദാഹികാ ദഹ്യാ സര്വഭൂതഹൃദിസ്ഥിതാ |
യോഗമായാ വിഭാഗജ്ഞാ മഹാമോഹാ ഗരീയസീ || 50||

സന്ധ്യാ സര്വസമുദ്ഭൂതാ ബ്രഹ്മവൃക്ഷാശ്രിയാദിതിഃ |
ബീജാങ്കുരസമുദ്ഭൂതാ മഹാശക്തിര്മഹാമതിഃ || 51||

ഖ്യാതിഃ പ്രജ്ഞാവതീ സംജ്ഞാ മഹാഭോഗീന്ദ്രശായിനീ |
ഹീംകൃതിഃ ശങ്കരീ ശാന്തിര്ഗന്ധര്വഗണസേവിതാ || 52||

വൈശ്വാനരീ മഹാശൂലാ ദേവസേനാ ഭവപ്രിയാ |
മഹാരാത്രീ പരാനന്ദാ ശചീ ദുഃസ്വപ്നനാശിനീ || 53||

ഈഡ്യാ ജയാ ജഗദ്ധാത്രീ ദുര്വിജ്ഞേയാ സുരൂപിണീ |
ഗുഹാമ്ബികാ ഗണോത്പന്നാ മഹാപീഠാ മരുത്സുതാ || 54||

ഹവ്യവാഹാ ഭവാനന്ദാ ജഗദ്യോനിഃ പ്രകീര്തിതാ |
ജഗന്മാതാ ജഗന്മൃത്യുര്ജരാതീതാ ച ബുദ്ധിദാ || 55||

സിദ്ധിദാത്രീ രത്നഗര്ഭാ രത്നഗര്ഭാശ്രയാ പരാ |
ദൈത്യഹന്ത്രീ സ്വേഷ്ടദാത്രീ മങ്ഗലൈകസുവിഗ്രഹാ || 56||

പുരുഷാന്തര്ഗതാ ചൈവ സമാധിസ്ഥാ തപസ്വിനീ |
ദിവിസ്ഥിതാ ത്രിണേത്രാ ച സര്വേന്ദ്രിയമനാധൃതിഃ || 57||

സര്വഭൂതഹൃദിസ്ഥാ ച തഥാ സംസാരതാരിണീ |
വേദ്യാ ബ്രഹ്മവിവേദ്യാ ച മഹാലീലാ പ്രകീര്തിതാ || 58||

ബ്രാഹ്മണിബൃഹതീ ബ്രാഹ്മീ ബ്രഹ്മഭൂതാ‌உഘഹാരിണീ |
ഹിരണ്മയീ മഹാദാത്രീ സംസാരപരിവര്തികാ || 59||

സുമാലിനീ സുരൂപാ ച ഭാസ്വിനീ ധാരിണീ തഥാ |
ഉന്മൂലിനീ സര്വസഭാ സര്വപ്രത്യയസാക്ഷിണീ || 60||

സുസൗമ്യാ ചന്ദ്രവദനാ താണ്ഡവാസക്തമാനസാ |
സത്ത്വശുദ്ധികരീ ശുദ്ധാ മലത്രയവിനാശിനീ || 61||

ജഗത്ത്ത്രയീ ജഗന്മൂര്തിസ്ത്രിമൂര്തിരമൃതാശ്രയാ |
വിമാനസ്ഥാ വിശോകാ ച ശോകനാശിന്യനാഹതാ || 62||

ഹേമകുണ്ഡലിനീ കാലീ പദ്മവാസാ സനാതനീ |
സദാകീര്തിഃ സര്വഭൂതശയാ ദേവീ സതാംപ്രിയാ || 63||

ബ്രഹ്മമൂര്തികലാ ചൈവ കൃത്തികാ കഞ്ജമാലിനീ |
വ്യോമകേശാ ക്രിയാശക്തിരിച്ഛാശക്തിഃ പരാഗതിഃ || 64||

ക്ഷോഭികാ ഖണ്ഡികാഭേദ്യാ ഭേദാഭേദവിവര്ജിതാ |
അഭിന്നാ ഭിന്നസംസ്ഥാനാ വശിനീ വംശധാരിണീ || 65||

ഗുഹ്യശക്തിര്ഗുഹ്യതത്ത്വാ സര്വദാ സര്വതോമുഖീ |
ഭഗിനീ ച നിരാധാരാ നിരാഹാരാ പ്രകീര്തിതാ || 66||

നിരങ്കുശപദോദ്ഭൂതാ ചക്രഹസ്താ വിശോധികാ |
സ്രഗ്വിണീ പദ്മസമ്ഭേദകാരിണീ പരികീര്തിതാ || 67||

പരാവരവിധാനജ്ഞാ മഹാപുരുഷപൂര്വജാ |
പരാവരജ്ഞാ വിദ്യാ ച വിദ്യുജ്ജിഹ്വാ ജിതാശ്രയാ || 68||

വിദ്യാമയീ സഹസ്രാക്ഷീ സഹസ്രവദനാത്മജാ |
സഹസ്രരശ്മിഃസത്വസ്ഥാ മഹേശ്വരപദാശ്രയാ || 69||

ജ്വാലിനീ സന്മയാ വ്യാപ്താ ചിന്മയാ പദ്മഭേദികാ |
മഹാശ്രയാ മഹാമന്ത്രാ മഹാദേവമനോരമാ || 70||

വ്യോമലക്ഷ്മീഃ സിംഹരഥാ ചേകിതാനാ‌உമിതപ്രഭാ |
വിശ്വേശ്വരീ ഭഗവതീ സകലാ കാലഹാരിണീ || 71||

സര്വവേദ്യാ സര്വഭദ്രാ ഗുഹ്യാ ദൂഢാ ഗുഹാരണീ |
പ്രലയാ യോഗധാത്രീ ച ഗങ്ഗാ വിശ്വേശ്വരീ തഥാ || 72||

കാമദാ കനകാ കാന്താ കഞ്ജഗര്ഭപ്രഭാ തഥാ |
പുണ്യദാ കാലകേശാ ച ഭോക്ത്ത്രീ പുഷ്കരിണീ തഥാ || 73||

സുരേശ്വരീ ഭൂതിദാത്രീ ഭൂതിഭൂഷാ പ്രകീര്തിതാ |
പഞ്ചബ്രഹ്മസമുത്പന്നാ പരമാര്ഥാ‌உര്ഥവിഗ്രഹാ || 74||

വര്ണോദയാ ഭാനുമൂര്തിര്വാഗ്വിജ്ഞേയാ മനോജവാ |
മനോഹരാ മഹോരസ്കാ താമസീ വേദരൂപിണീ || 75||

വേദശക്തിര്വേദമാതാ വേദവിദ്യാപ്രകാശിനീ |
യോഗേശ്വരേശ്വരീ മായാ മഹാശക്തിര്മഹാമയീ || 76||

വിശ്വാന്തഃസ്ഥാ വിയന്മൂര്തിര്ഭാര്ഗവീ സുരസുന്ദരീ |
സുരഭിര്നന്ദിനീ വിദ്യാ നന്ദഗോപതനൂദ്ഭവാ || 77||

ഭാരതീ പരമാനന്ദാ പരാവരവിഭേദികാ |
സര്വപ്രഹരണോപേതാ കാമ്യാ കാമേശ്വരേശ്വരീ || 78||

അനന്താനന്ദവിഭവാ ഹൃല്ലേഖാ കനകപ്രഭാ |
കൂഷ്മാണ്ഡാ ധനരത്നാഢ്യാ സുഗന്ധാ ഗന്ധദായിനീ || 79||

ത്രിവിക്രമപദോദ്ഭൂതാ ചതുരാസ്യാ ശിവോദയാ |
സുദുര്ലഭാ ധനാധ്യക്ഷാ ധന്യാ പിങ്ഗലലോചനാ || 80||

ശാന്താ പ്രഭാസ്വരൂപാ ച പങ്കജായതലോചനാ |
ഇന്ദ്രാക്ഷീ ഹൃദയാന്തഃസ്ഥാ ശിവാ മാതാ ച സത്ക്രിയാ || 81||

ഗിരിജാ ച സുഗൂഢാ ച നിത്യപുഷ്ടാ നിരന്തരാ |
ദുര്ഗാ കാത്യായനീ ചണ്ഡീ ചന്ദ്രികാ കാന്തവിഗ്രഹാ || 82||

ഹിരണ്യവര്ണാ ജഗതീ ജഗദ്യന്ത്രപ്രവര്തികാ |
മന്ദരാദ്രിനിവാസാ ച ശാരദാ സ്വര്ണമാലിനീ || 83||

രത്നമാലാ രത്നഗര്ഭാ വ്യുഷ്ടിര്വിശ്വപ്രമാഥിനീ |
പദ്മാനന്ദാ പദ്മനിഭാ നിത്യപുഷ്ടാ കൃതോദ്ഭവാ || 84||

നാരായണീ ദുഷ്ടശിക്ഷാ സൂര്യമാതാ വൃഷപ്രിയാ |
മഹേന്ദ്രഭഗിനീ സത്യാ സത്യഭാഷാ സുകോമലാ || 85||

വാമാ ച പഞ്ചതപസാം വരദാത്രീ പ്രകീര്തിതാ |
വാച്യവര്ണേശ്വരീ വിദ്യാ ദുര്ജയാ ദുരതിക്രമാ || 86||

കാലരാത്രിര്മഹാവേഗാ വീരഭദ്രപ്രിയാ ഹിതാ |
ഭദ്രകാലീ ജഗന്മാതാ ഭക്താനാം ഭദ്രദായിനീ || 87||

കരാലാ പിങ്ഗലാകാരാ കാമഭേത്ത്രീ മഹാമനാഃ |
യശസ്വിനീ യശോദാ ച ഷഡധ്വപരിവര്തികാ || 88||

ശങ്ഖിനീ പദ്മിനീ സംഖ്യാ സാംഖ്യയോഗപ്രവര്തികാ |
ചൈത്രാദിര്വത്സരാരൂഢാ ജഗത്സമ്പൂരണീന്ദ്രജാ || 89||

ശുമ്ഭഘ്നീ ഖേചരാരാധ്യാ കമ്ബുഗ്രീവാ ബലീഡിതാ |
ഖഗാരൂഢാ മഹൈശ്വര്യാ സുപദ്മനിലയാ തഥാ || 90||

വിരക്താ ഗരുഡസ്ഥാ ച ജഗതീഹൃദ്ഗുഹാശ്രയാ |
ശുമ്ഭാദിമഥനാ ഭക്തഹൃദ്ഗഹ്വരനിവാസിനീ || 91||

ജഗത്ത്ത്രയാരണീ സിദ്ധസങ്കല്പാ കാമദാ തഥാ |
സര്വവിജ്ഞാനദാത്രീ ചാനല്പകല്മഷഹാരിണീ || 92||

സകലോപനിഷദ്ഗമ്യാ ദുഷ്ടദുഷ്പ്രേക്ഷ്യസത്തമാ |
സദ്വൃതാ ലോകസംവ്യാപ്താ തുഷ്ടിഃ പുഷ്ടിഃ ക്രിയാവതീ || 93||

വിശ്വാമരേശ്വരീ ചൈവ ഭുക്തിമുക്തിപ്രദായിനീ |
ശിവാധൃതാ ലോഹിതാക്ഷീ സര്പമാലാവിഭൂഷണാ || 94||

നിരാനന്ദാ ത്രിശൂലാസിധനുര്ബാണാദിധാരിണീ |
അശേഷധ്യേയമൂര്തിശ്ച ദേവതാനാം ച ദേവതാ || 95||

വരാമ്ബികാ ഗിരേഃ പുത്രീ നിശുമ്ഭവിനിപാതിനീ |
സുവര്ണാ സ്വര്ണലസിതാ‌உനന്തവര്ണാ സദാധൃതാ || 96||

ശാങ്കരീ ശാന്തഹൃദയാ അഹോരാത്രവിധായികാ |
വിശ്വഗോപ്ത്രീ ഗൂഢരൂപാ ഗുണപൂര്ണാ ച ഗാര്ഗ്യജാ || 97||

ഗൗരീ ശാകമ്ഭരീ സത്യസന്ധാ സന്ധ്യാത്രയീധൃതാ |
സര്വപാപവിനിര്മുക്താ സര്വബന്ധവിവര്ജിതാ || 98||

സാംഖ്യയോഗസമാഖ്യാതാ അപ്രമേയാ മുനീഡിതാ |
വിശുദ്ധസുകുലോദ്ഭൂതാ ബിന്ദുനാദസമാദൃതാ || 99||

ശമ്ഭുവാമാങ്കഗാ ചൈവ ശശിതുല്യനിഭാനനാ |
വനമാലാവിരാജന്തീ അനന്തശയനാദൃതാ || 100||

നരനാരായണോദ്ഭൂതാ നാരസിംഹീ പ്രകീര്തിതാ |
ദൈത്യപ്രമാഥിനീ ശങ്ഖചക്രപദ്മഗദാധരാ || 101||

സങ്കര്ഷണസമുത്പന്നാ അമ്ബികാ സജ്ജനാശ്രയാ |
സുവൃതാ സുന്ദരീ ചൈവ ധര്മകാമാര്ഥദായിനീ || 102||

മോക്ഷദാ ഭക്തിനിലയാ പുരാണപുരുഷാദൃതാ |
മഹാവിഭൂതിദാ‌உ‌உരാധ്യാ സരോജനിലയാ‌உസമാ || 103||

അഷ്ടാദശഭുജാ‌உനാദിര്നീലോത്പലദലാക്ഷിണീ |
സര്വശക്തിസമാരൂഢാ ധര്മാധര്മവിവര്ജിതാ || 104||

വൈരാഗ്യജ്ഞാനനിരതാ നിരാലോകാ നിരിന്ദ്രിയാ |
വിചിത്രഗഹനാധാരാ ശാശ്വതസ്ഥാനവാസിനീ || 105||

ജ്ഞാനേശ്വരീ പീതചേലാ വേദവേദാങ്ഗപാരഗാ |
മനസ്വിനീ മന്യുമാതാ മഹാമന്യുസമുദ്ഭവാ || 106||

അമന്യുരമൃതാസ്വാദാ പുരന്ദരപരിഷ്ടുതാ |
അശോച്യാ ഭിന്നവിഷയാ ഹിരണ്യരജതപ്രിയാ || 107||

ഹിരണ്യജനനീ ഭീമാ ഹേമാഭരണഭൂഷിതാ |
വിഭ്രാജമാനാ ദുര്ജ്ഞേയാ ജ്യോതിഷ്ടോമഫലപ്രദാ || 108||

മഹാനിദ്രാസമുത്പത്തിരനിദ്രാ സത്യദേവതാ |
ദീര്ഘാ കകുദ്മിനീ പിങ്ഗജടാധാരാ മനോജ്ഞധീഃ || 109||

മഹാശ്രയാ രമോത്പന്നാ തമഃപാരേ പ്രതിഷ്ഠിതാ |
ത്രിതത്ത്വമാതാ ത്രിവിധാ സുസൂക്ഷ്മാ പദ്മസംശ്രയാ || 110||

ശാന്ത്യതീതകലാ‌உതീതവികാരാ ശ്വേതചേലികാ |
ചിത്രമായാ ശിവജ്ഞാനസ്വരൂപാ ദൈത്യമാഥിനീ || 111||

കാശ്യപീ കാലസര്പാഭവേണികാ ശാസ്ത്രയോനികാ |
ത്രയീമൂര്തിഃ ക്രിയാമൂര്തിശ്ചതുര്വര്ഗാ ച ദര്ശിനീ || 112||

നാരായണീ നരോത്പന്നാ കൗമുദീ കാന്തിധാരിണീ |
കൗശികീ ലലിതാ ലീലാ പരാവരവിഭാവിനീ || 113||

വരേണ്യാ‌உദ്ഭുതമഹാത്മ്യാ വഡവാ വാമലോചനാ |
സുഭദ്രാ ചേതനാരാധ്യാ ശാന്തിദാ ശാന്തിവര്ധിനീ || 114||

ജയാദിശക്തിജനനീ ശക്തിചക്രപ്രവര്തികാ |
ത്രിശക്തിജനനീ ജന്യാ ഷട്സൂത്രപരിവര്ണിതാ || 115||

സുധൗതകര്മണാ‌உ‌உരാധ്യാ യുഗാന്തദഹനാത്മികാ |
സങ്കര്ഷിണീ ജഗദ്ധാത്രീ കാമയോനിഃ കിരീടിനീ || 116||

ഐന്ദ്രീ ത്രൈലോക്യനമിതാ വൈഷ്ണവീ പരമേശ്വരീ |
പ്രദ്യുമ്നജനനീ ബിമ്ബസമോഷ്ഠീ പദ്മലോചനാ || 117||

മദോത്കടാ ഹംസഗതിഃ പ്രചണ്ഡാ ചണ്ഡവിക്രമാ |
വൃഷാധീശാ പരാത്മാ ച വിന്ധ്യാ പര്വതവാസിനീ || 118||

ഹിമവന്മേരുനിലയാ കൈലാസപുരവാസിനീ |
ചാണൂരഹന്ത്രീ നീതിജ്ഞാ കാമരൂപാ ത്രയീതനുഃ || 119||

വ്രതസ്നാതാ ധര്മശീലാ സിംഹാസനനിവാസിനീ |
വീരഭദ്രാദൃതാ വീരാ മഹാകാലസമുദ്ഭവാ || 120||

വിദ്യാധരാര്ചിതാ സിദ്ധസാധ്യാരാധിതപാദുകാ |
ശ്രദ്ധാത്മികാ പാവനീ ച മോഹിനീ അചലാത്മികാ || 121||

മഹാദ്ഭുതാ വാരിജാക്ഷീ സിംഹവാഹനഗാമിനീ |
മനീഷിണീ സുധാവാണീ വീണാവാദനതത്പരാ || 122||

ശ്വേതവാഹനിഷേവ്യാ ച ലസന്മതിരരുന്ധതീ |
ഹിരണ്യാക്ഷീ തഥാ ചൈവ മഹാനന്ദപ്രദായിനീ || 123||

വസുപ്രഭാ സുമാല്യാപ്തകന്ധരാ പങ്കജാനനാ |
പരാവരാ വരാരോഹാ സഹസ്രനയനാര്ചിതാ || 124||

ശ്രീരൂപാ ശ്രീമതീ ശ്രേഷ്ഠാ ശിവനാമ്നീ ശിവപ്രിയാ |
ശ്രീപ്രദാ ശ്രിതകല്യാണാ ശ്രീധരാര്ധശരീരിണീ || 125||

ശ്രീകലാ‌உനന്തദൃഷ്ടിശ്ച ഹ്യക്ഷുദ്രാരാതിസൂദനീ |
രക്തബീജനിഹന്ത്രീ ച ദൈത്യസങ്ഗവിമര്ദിനീ || 126||

സിംഹാരൂഢാ സിംഹികാസ്യാ ദൈത്യശോണിതപായിനീ |
സുകീര്തിസഹിതാച്ഛിന്നസംശയാ രസവേദിനീ || 127||

ഗുണാഭിരാമാ നാഗാരിവാഹനാ നിര്ജരാര്ചിതാ |
നിത്യോദിതാ സ്വയംജ്യോതിഃ സ്വര്ണകായാ പ്രകീര്തിതാ || 128||

വജ്രദണ്ഡാങ്കിതാ ചൈവ തഥാമൃതസഞ്ജീവിനീ |
വജ്രച്ഛന്നാ ദേവദേവീ വരവജ്രസ്വവിഗ്രഹാ || 129||

മാങ്ഗല്യാ മങ്ഗലാത്മാ ച മാലിനീ മാല്യധാരിണീ |
ഗന്ധര്വീ തരുണീ ചാന്ദ്രീ ഖഡ്ഗായുധധരാ തഥാ || 130||

സൗദാമിനീ പ്രജാനന്ദാ തഥാ പ്രോക്താ ഭൃഗൂദ്ഭവാ |
ഏകാനങ്ഗാ ച ശാസ്ത്രാര്ഥകുശലാ ധര്മചാരിണീ || 131||

ധര്മസര്വസ്വവാഹാ ച ധര്മാധര്മവിനിശ്ചയാ |
ധര്മശക്തിര്ധര്മമയാ ധാര്മികാനാം ശിവപ്രദാ || 132||

വിധര്മാ വിശ്വധര്മജ്ഞാ ധര്മാര്ഥാന്തരവിഗ്രഹാ |
ധര്മവര്ഷ്മാ ധര്മപൂര്വാ ധര്മപാരങ്ഗതാന്തരാ || 133||

ധര്മോപദേഷ്ട്രീ ധര്മാത്മാ ധര്മഗമ്യാ ധരാധരാ |
കപാലിനീ ശാകലിനീ കലാകലിതവിഗ്രഹാ || 134||

സര്വശക്തിവിമുക്താ ച കര്ണികാരധരാ‌உക്ഷരാ|
കംസപ്രാണഹരാ ചൈവ യുഗധര്മധരാ തഥാ || 135||

യുഗപ്രവര്തികാ പ്രോക്താ ത്രിസന്ധ്യാ ധ്യേയവിഗ്രഹാ |
സ്വര്ഗാപവര്ഗദാത്രീ ച തഥാ പ്രത്യക്ഷദേവതാ || 136||

ആദിത്യാ ദിവ്യഗന്ധാ ച ദിവാകരനിഭപ്രഭാ |
പദ്മാസനഗതാ പ്രോക്താ ഖഡ്ഗബാണശരാസനാ || 137||

ശിഷ്ടാ വിശിഷ്ടാ ശിഷ്ടേഷ്ടാ ശിഷ്ടശ്രേഷ്ഠപ്രപൂജിതാ |
ശതരൂപാ ശതാവര്താ വിതതാ രാസമോദിനീ || 138||

സൂര്യേന്ദുനേത്രാ പ്രദ്യുമ്നജനനീ സുഷ്ഠുമായിനീ |
സൂര്യാന്തരസ്ഥിതാ ചൈവ സത്പ്രതിഷ്ഠതവിഗ്രഹാ || 139||

നിവൃത്താ പ്രോച്യതേ ജ്ഞാനപാരഗാ പര്വതാത്മജാ |
കാത്യായനീ ചണ്ഡികാ ച ചണ്ഡീ ഹൈമവതീ തഥാ || 140||

ദാക്ഷായണീ സതീ ചൈവ ഭവാനീ സര്വമങ്ഗലാ |
ധൂമ്രലോചനഹന്ത്രീ ച ചണ്ഡമുണ്ഡവിനാശിനീ || 141||

യോഗനിദ്രാ യോഗഭദ്രാ സമുദ്രതനയാ തഥാ |
ദേവപ്രിയങ്കരീ ശുദ്ധാ ഭക്തഭക്തിപ്രവര്ധിനീ || 142||

ത്രിണേത്രാ ചന്ദ്രമുകുടാ പ്രമഥാര്ചിതപാദുകാ |
അര്ജുനാഭീഷ്ടദാത്രീ ച പാണ്ഡവപ്രിയകാരിണീ || 143||

കുമാരലാലനാസക്താ ഹരബാഹൂപധാനികാ |
വിഘ്നേശജനനീ ഭക്തവിഘ്നസ്തോമപ്രഹാരിണീ || 144||

സുസ്മിതേന്ദുമുഖീ നമ്യാ ജയാപ്രിയസഖീ തഥാ |
അനാദിനിധനാ പ്രേഷ്ഠാ ചിത്രമാല്യാനുലേപനാ || 145||

കോടിചന്ദ്രപ്രതീകാശാ കൂടജാലപ്രമാഥിനീ |
കൃത്യാപ്രഹാരിണീ ചൈവ മാരണോച്ചാടനീ തഥാ || 146||

സുരാസുരപ്രവന്ദ്യാങ്ഘ്രിര്മോഹഘ്നീ ജ്ഞാനദായിനീ |
ഷഡ്വൈരിനിഗ്രഹകരീ വൈരിവിദ്രാവിണീ തഥാ || 147||

ഭൂതസേവ്യാ ഭൂതദാത്രീ ഭൂതപീഡാവിമര്ദികാ |
നാരദസ്തുതചാരിത്രാ വരദേശാ വരപ്രദാ || 148||

വാമദേവസ്തുതാ ചൈവ കാമദാ സോമശേഖരാ |
ദിക്പാലസേവിതാ ഭവ്യാ ഭാമിനീ ഭാവദായിനീ || 149||

സ്ത്രീസൗഭാഗ്യപ്രദാത്രീ ച ഭോഗദാ രോഗനാശിനീ |
വ്യോമഗാ ഭൂമിഗാ ചൈവ മുനിപൂജ്യപദാമ്ബുജാ |
വനദുര്ഗാ ച ദുര്ബോധാ മഹാദുര്ഗാ പ്രകീര്തിതാ || 150||

ഫലശ്രുതിഃ

ഇതീദം കീര്തിദം ഭദ്ര ദുര്ഗാനാമസഹസ്രകമ് |
ത്രിസന്ധ്യം യഃ പഠേന്നിത്യം തസ്യ ലക്ഷ്മീഃ സ്ഥിരാ ഭവേത് || 1||

ഗ്രഹഭൂതപിശാചാദിപീഡാ നശ്യത്യസംശയമ് |
ബാലഗ്രഹാദിപീഡായാഃ ശാന്തിര്ഭവതി കീര്തനാത് || 2||

മാരികാദിമഹാരോഗേ പഠതാം സൗഖ്യദം നൃണാമ് |
വ്യവഹാരേ ച ജയദം ശത്രുബാധാനിവാരകമ് || 3||

ദമ്പത്യോഃ കലഹേ പ്രാപ്തേ മിഥഃ പ്രേമാഭിവര്ധകമ് |
ആയുരാരോഗ്യദം പുംസാം സര്വസമ്പത്പ്രദായകമ് || 4||

വിദ്യാഭിവര്ധകം നിത്യം പഠതാമര്ഥസാധകമ് |
ശുഭദം ശുഭകാര്യേഷു പഠതാം ശൃണുതാമപി || 5||

യഃ പൂജയതി ദുര്ഗാം താം ദുര്ഗാനാമസഹസ്രകൈഃ |
പുഷ്പൈഃ കുങ്കുമസമ്മിശ്രൈഃ സ തു യത്കാങ്ക്ഷതേ ഹൃദി || 6||

തത്സര്വം സമവാപ്നോതി നാസ്തി നാസ്ത്യത്ര സംശയഃ |
യന്മുഖേ ധ്രിയതേ നിത്യം ദുര്ഗാനാമസഹസ്രകമ് || 7||

കിം തസ്യേതരമന്ത്രൗഘൈഃ കാര്യം ധന്യതമസ്യ ഹി |
ദുര്ഗാനാമസഹസ്രസ്യ പുസ്തകം യദ്ഗൃഹേ ഭവേത് || 8||

ന തത്ര ഗ്രഹഭൂതാദിബാധാ സ്യാന്മങ്ഗലാസ്പദേ |
തദ്ഗൃഹം പുണ്യദം ക്ഷേത്രം ദേവീസാന്നിധ്യകാരകമ് || 9||

ഏതസ്യ സ്തോത്രമുഖ്യസ്യ പാഠകഃ ശ്രേഷ്ഠമന്ത്രവിത് |
ദേവതായാഃ പ്രസാദേന സര്വപൂജ്യഃ സുഖീ ഭവേത് || 10||

ഇത്യേതന്നഗരാജേന കീര്തിതം മുനിസത്തമ |
ഗുഹ്യാദ്ഗുഹ്യതരം സ്തോത്രം ത്വയി സ്നേഹാത് പ്രകീര്തിതമ് || 11||

ഭക്തായ ശ്രദ്ധധാനായ കേവലം കീര്ത്യതാമിദമ് |
ഹൃദി ധാരയ നിത്യം ത്വം ദേവ്യനുഗ്രഹസാധകമ് || 12|| ||

ഇതി ശ്രീസ്കാന്ദപുരാണേ സ്കന്ദനാരദസംവാദേ ദുര്ഗാസഹസ്രനാമസ്തോത്രം സമ്പൂര്ണമ് ||

രചന: ആദി ശംകരാചാര്യ

നമഃ ശിവാഭ്യാം നവയൗവനാഭ്യാം
പരസ്പരാശ്ലിഷ്ടവപുര്ധരാഭ്യാമ് |
നഗേംദ്രകന്യാവൃഷകേതനാഭ്യാം
നമോ നമഃ ശംകരപാര്വതീഭ്യാമ് || 1 ||

നമഃ ശിവാഭ്യാം സരസോത്സവാഭ്യാം
നമസ്കൃതാഭീഷ്ടവരപ്രദാഭ്യാമ് |
നാരായണേനാര്ചിതപാദുകാഭ്യാം
നമോ നമഃ ശംകരപാര്വതീഭ്യാമ് || 2 ||

നമഃ ശിവാഭ്യാം വൃഷവാഹനാഭ്യാം
വിരിംചിവിഷ്ണ്വിംദ്രസുപൂജിതാഭ്യാമ് |
വിഭൂതിപാടീരവിലേപനാഭ്യാം
നമോ നമഃ ശംകരപാര്വതീഭ്യാമ് || 3 ||

നമഃ ശിവാഭ്യാം ജഗദീശ്വരാഭ്യാം
ജഗത്പതിഭ്യാം ജയവിഗ്രഹാഭ്യാമ് |
ജംഭാരിമുഖ്യൈരഭിവംദിതാഭ്യാം
നമോ നമഃ ശംകരപാര്വതീഭ്യാമ് || 4 ||

നമഃ ശിവാഭ്യാം പരമൗഷധാഭ്യാം
പംചാക്ഷരീപംജരരംജിതാഭ്യാമ് |
പ്രപംചസൃഷ്ടിസ്ഥിതിസംഹൃതാഭ്യാം
നമോ നമഃ ശംകരപാര്വതീഭ്യാമ് || 5 ||

നമഃ ശിവാഭ്യാമതിസുംദരാഭ്യാം
അത്യംതമാസക്തഹൃദംബുജാഭ്യാമ് |
അശേഷലോകൈകഹിതംകരാഭ്യാം
നമോ നമഃ ശംകരപാര്വതീഭ്യാമ് || 6 ||

നമഃ ശിവാഭ്യാം കലിനാശനാഭ്യാം
കംകാളകല്യാണവപുര്ധരാഭ്യാമ് |
കൈലാസശൈലസ്ഥിതദേവതാഭ്യാം
നമോ നമഃ ശംകരപാര്വതീഭ്യാമ് || 7 ||

നമഃ ശിവാഭ്യാമശുഭാപഹാഭ്യാം
അശേഷലോകൈകവിശേഷിതാഭ്യാമ് |
അകുംഠിതാഭ്യാം സ്മൃതിസംഭൃതാഭ്യാം
നമോ നമഃ ശംകരപാര്വതീഭ്യാമ് || 8 ||

നമഃ ശിവാഭ്യാം രഥവാഹനാഭ്യാം
രവീംദുവൈശ്വാനരലോചനാഭ്യാമ് |
രാകാശശാംകാഭമുഖാംബുജാഭ്യാം
നമോ നമഃ ശംകരപാര്വതീഭ്യാമ് || 9 ||

നമഃ ശിവാഭ്യാം ജടിലംധരാഭ്യാം
ജരാമൃതിഭ്യാം ച വിവര്ജിതാഭ്യാമ് |
ജനാര്ദനാബ്ജോദ്ഭവപൂജിതാഭ്യാം
നമോ നമഃ ശംകരപാര്വതീഭ്യാമ് || 10 ||

നമഃ ശിവാഭ്യാം വിഷമേക്ഷണാഭ്യാം
ബില്വച്ഛദാമല്ലികദാമഭൃദ്ഭ്യാമ് |
ശോഭാവതീശാംതവതീശ്വരാഭ്യാം
നമോ നമഃ ശംകരപാര്വതീഭ്യാമ് || 11 ||

നമഃ ശിവാഭ്യാം പശുപാലകാഭ്യാം
ജഗത്രയീരക്ഷണബദ്ധഹൃദ്ഭ്യാമ് |
സമസ്തദേവാസുരപൂജിതാഭ്യാം
നമോ നമഃ ശംകരപാര്വതീഭ്യാമ് || 12 ||

സ്തോത്രം ത്രിസംധ്യം ശിവപാര്വതീഭ്യാം
ഭക്ത്യാ പഠേദ്ദ്വാദശകം നരോ യഃ |
സ സര്വസൗഭാഗ്യഫലാനി
ഭുംക്തേ ശതായുരാംതേ ശിവലോകമേതി || 13 ||

രചന: ആദി ശംകരാചാര്യ

നിത്യാനന്ദകരീ വരാഭയകരീ സൗംദര്യ രത്നാകരീ
നിര്ധൂതാഖില ഘോര പാവനകരീ പ്രത്യക്ഷ മാഹേശ്വരീ |
പ്രാലേയാചല വംശ പാവനകരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 1 ||

നാനാ രത്ന വിചിത്ര ഭൂഷണകരി ഹേമാമ്ബരാഡമ്ബരീ
മുക്താഹാര വിലമ്ബമാന വിലസത്-വക്ഷോജ കുമ്ഭാന്തരീ |
കാശ്മീരാഗരു വാസിതാ രുചികരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 2 ||

യോഗാനന്ദകരീ രിപുക്ഷയകരീ ധര്മൈക്യ നിഷ്ഠാകരീ
ചംദ്രാര്കാനല ഭാസമാന ലഹരീ ത്രൈലോക്യ രക്ഷാകരീ |
സര്വൈശ്വര്യകരീ തപഃ ഫലകരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 3 ||

കൈലാസാചല കന്ദരാലയകരീ ഗൗരീ-ഹ്യുമാശാങ്കരീ
കൗമാരീ നിഗമാര്ഥ-ഗോചരകരീ-ഹ്യോങ്കാര-ബീജാക്ഷരീ |
മോക്ഷദ്വാര-കവാടപാടനകരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 4 ||

ദൃശ്യാദൃശ്യ-വിഭൂതി-വാഹനകരീ ബ്രഹ്മാണ്ഡ-ഭാണ്ഡോദരീ
ലീലാ-നാടക-സൂത്ര-ഖേലനകരീ വിജ്ഞാന-ദീപാങ്കുരീ |
ശ്രീവിശ്വേശമനഃ-പ്രസാദനകരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 5 ||

ഉര്വീസര്വജയേശ്വരീ ജയകരീ മാതാ കൃപാസാഗരീ
വേണീ-നീലസമാന-കുന്തലധരീ നിത്യാന്ന-ദാനേശ്വരീ |
സാക്ഷാന്മോക്ഷകരീ സദാ ശുഭകരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 6 ||

ആദിക്ഷാന്ത-സമസ്തവര്ണനകരീ ശംഭോസ്ത്രിഭാവാകരീ
കാശ്മീരാ ത്രിപുരേശ്വരീ ത്രിനയനി വിശ്വേശ്വരീ ശര്വരീ |
സ്വര്ഗദ്വാര-കപാട-പാടനകരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 7 ||

ദേവീ സര്വവിചിത്ര-രത്നരുചിതാ ദാക്ഷായിണീ സുന്ദരീ
വാമാ-സ്വാദുപയോധരാ പ്രിയകരീ സൗഭാഗ്യമാഹേശ്വരീ |
ഭക്താഭീഷ്ടകരീ സദാ ശുഭകരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 8 ||

ചന്ദ്രാര്കാനല-കോടികോടി-സദൃശീ ചന്ദ്രാംശു-ബിമ്ബാധരീ
ചന്ദ്രാര്കാഗ്നി-സമാന-കുംഡല-ധരീ ചംദ്രാര്ക-വര്ണേശ്വരീ
മാലാ-പുസ്തക-പാശസാങ്കുശധരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 9 ||

ക്ഷത്രത്രാണകരീ മഹാഭയകരീ മാതാ കൃപാസാഗരീ
സര്വാനന്ദകരീ സദാ ശിവകരീ വിശ്വേശ്വരീ ശ്രീധരീ |
ദക്ഷാക്രന്ദകരീ നിരാമയകരീ കാശീപുരാധീശ്വരീ
ഭിക്ഷാം ദേഹി കൃപാവലമ്ബനകരീ മാതാന്നപൂര്ണേശ്വരീ || 10 ||

അന്നപൂര്ണേ സാദാപൂര്ണേ ശങ്കര-പ്രാണവല്ലഭേ |
ജ്ഞാന-വൈരാഗ്യ-സിദ്ധയര്ഥം ബിക്ബിം ദേഹി ച പാര്വതീ || 11 ||

മാതാ ച പാര്വതീദേവീ പിതാദേവോ മഹേശ്വരഃ |
ബാംധവാ: ശിവഭക്താശ്ച സ്വദേശോ ഭുവനത്രയമ് || 12 ||

സര്വ-മങ്ഗല-മാങ്ഗല്യേ ശിവേ സര്വാര്ഥ-സാധികേ |
ശരണ്യേ ത്ര്യമ്ബകേ ഗൗരി നാരായണി നമോ‌உസ്തു തേ || 13 ||

അയി ഗിരിനന്ദിനി നന്ദിതമേദിനി വിശ്വ-വിനോദിനി നന്ദനുതേ
ഗിരിവര വിന്ധ്യ-ശിരോ‌உധി-നിവാസിനി വിഷ്ണു-വിലാസിനി ജിഷ്ണുനുതേ |
ഭഗവതി ഹേ ശിതികണ്ഠ-കുടുമ്ബിണി ഭൂരികുടുമ്ബിണി ഭൂരികൃതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 1 ||

സുരവര-ഹര്ഷിണി ദുര്ധര-ധര്ഷിണി ദുര്മുഖ-മര്ഷിണി ഹര്ഷരതേ
ത്രിഭുവന-പോഷിണി ശങ്കര-തോഷിണി കല്മഷ-മോഷിണി ഘോഷരതേ |
ദനുജ-നിരോഷിണി ദിതിസുത-രോഷിണി ദുര്മദ-ശോഷിണി സിംധുസുതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 2 ||

അയി ജഗദമ്ബ മദമ്ബ കദമ്ബവന-പ്രിയവാസിനി ഹാസരതേ
ശിഖരി-ശിരോമണി തുങ-ഹിമാലയ-ശൃങ്ഗനിജാലയ-മധ്യഗതേ |
മധുമധുരേ മധു-കൈതഭ-ഗഞ്ജിനി കൈതഭ-ഭഞ്ജിനി രാസരതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 3 ||

അയി ശതഖണ്ഡ-വിഖണ്ഡിത-രുണ്ഡ-വിതുണ്ഡിത-ശുണ്ഡ-ഗജാധിപതേ
രിപു-ഗജ-ഗണ്ഡ-വിദാരണ-ചണ്ഡപരാക്രമ-ശൗണ്ഡ-മൃഗാധിപതേ |
നിജ-ഭുജദംഡ-നിപാടിത-ചണ്ഡ-നിപാടിത-മുണ്ഡ-ഭടാധിപതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 4 ||

അയി രണദുര്മദ-ശത്രു-വധോദിത-ദുര്ധര-നിര്ജര-ശക്തി-ഭൃതേ
ചതുര-വിചാര-ധുരീണ-മഹാശയ-ദൂത-കൃത-പ്രമഥാധിപതേ |
ദുരിത-ദുരീഹ-ദുരാശയ-ദുര്മതി-ദാനവ-ദൂത-കൃതാന്തമതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 5 ||

അയി നിജ ഹുംകൃതിമാത്ര-നിരാകൃത-ധൂമ്രവിലോചന-ധൂമ്രശതേ
സമര-വിശോഷിത-ശോണിതബീജ-സമുദ്ഭവശോണിത-ബീജ-ലതേ |
ശിവ-ശിവ-ശുമ്ഭനിശുംഭ-മഹാഹവ-തര്പിത-ഭൂതപിശാച-പതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 6 ||

ധനുരനുസങ്ഗരണ-ക്ഷണ-സങ്ഗ-പരിസ്ഫുരദങ്ഗ-നടത്കടകേ
കനക-പിശങ്ഗ-പൃഷത്ക-നിഷങ്ഗ-രസദ്ഭട-ശൃങ്ഗ-ഹതാവടുകേ |
കൃത-ചതുരങ്ഗ-ബലക്ഷിതി-രങ്ഗ-ഘടദ്-ബഹുരങ്ഗ-രടദ്-ബടുകേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 7 ||

അയി ശരണാഗത-വൈരിവധൂ-വരവീരവരാഭയ-ദായികരേ
ത്രിഭുവനമസ്തക-ശൂല-വിരോധി-ശിരോധി-കൃതാ‌உമല-ശൂലകരേ |
ദുമി-ദുമി-താമര-ദുന്ദുഭി-നാദ-മഹോ-മുഖരീകൃത-ദിങ്നികരേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 8 ||

സുരലലനാ-തതഥേയി-തഥേയി-തഥാഭിനയോദര-നൃത്യ-രതേ
ഹാസവിലാസ-ഹുലാസ-മയിപ്രണ-താര്തജനേമിത-പ്രേമഭരേ |
ധിമികിട-ധിക്കട-ധിക്കട-ധിമിധ്വനി-ഘോരമൃദങ്ഗ-നിനാദരതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 9 ||

ജയ-ജയ-ജപ്യ-ജയേ-ജയ-ശബ്ദ-പരസ്തുതി-തത്പര-വിശ്വനുതേ
ഝണഝണ-ഝിഞ്ഝിമി-ഝിങ്കൃത-നൂപുര-ശിഞ്ജിത-മോഹിതഭൂതപതേ |
നടിത-നടാര്ധ-നടീനട-നായക-നാടകനാടിത-നാട്യരതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 10 ||

അയി സുമനഃ സുമനഃ സുമനഃ സുമനഃ സുമനോഹര കാന്തിയുതേ
ശ്രിതരജനീരജ-നീരജ-നീരജനീ-രജനീകര-വക്ത്രവൃതേ |
സുനയനവിഭ്രമ-രഭ്ര-മര-ഭ്രമര-ഭ്രമ-രഭ്രമരാധിപതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 11 ||

മഹിത-മഹാഹവ-മല്ലമതല്ലിക-മല്ലിത-രല്ലക-മല്ല-രതേ
വിരചിതവല്ലിക-പല്ലിക-മല്ലിക-ഝില്ലിക-ഭില്ലിക-വര്ഗവൃതേ |
സിത-കൃതഫുല്ല-സമുല്ലസിതാ‌உരുണ-തല്ലജ-പല്ലവ-സല്ലലിതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 12 ||

അവിരള-ഗണ്ഡഗളന്-മദ-മേദുര-മത്ത-മതങ്ഗജരാജ-പതേ
ത്രിഭുവന-ഭൂഷണഭൂത-കളാനിധിരൂപ-പയോനിധിരാജസുതേ |
അയി സുദതീജന-ലാലസ-മാനസ-മോഹന-മന്മധരാജ-സുതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 13 ||

കമലദളാമല-കോമല-കാന്തി-കലാകലിതാ‌உമല-ഭാലതലേ
സകല-വിലാസകളാ-നിലയക്രമ-കേളികലത്-കലഹംസകുലേ |
അലികുല-സംകുല-കുവലയമംഡല-മൗളിമിലദ്-വകുലാലികുലേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 14 ||

കര-മുരളീ-രവ-വീജിത-കൂജിത-ലജ്ജിത-കോകില-മഞ്ജുരുതേ
മിലിത-മിലിന്ദ-മനോഹര-ഗുഞ്ജിത-രഞ്ജിത-ശൈലനികുഞ്ജ-ഗതേ |
നിജഗണഭൂത-മഹാശബരീഗണ-രംഗണ-സംഭൃത-കേളിതതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 15 ||

കടിതട-പീത-ദുകൂല-വിചിത്ര-മയൂഖ-തിരസ്കൃത-ചന്ദ്രരുചേ
പ്രണതസുരാസുര-മൗളിമണിസ്ഫുരദ്-അംശുലസന്-നഖസാംദ്രരുചേ |
ജിത-കനകാചലമൗളി-മദോര്ജിത-നിര്ജരകുഞ്ജര-കുമ്ഭ-കുചേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 16 ||

വിജിത-സഹസ്രകരൈക-സഹസ്രകരൈക-സഹസ്രകരൈകനുതേ
കൃത-സുരതാരക-സങ്ഗര-താരക സങ്ഗര-താരകസൂനു-സുതേ |
സുരഥ-സമാധി-സമാന-സമാധി-സമാധിസമാധി-സുജാത-രതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 17 ||

പദകമലം കരുണാനിലയേ വരിവസ്യതി യോ‌உനുദിനം ന ശിവേ
അയി കമലേ കമലാനിലയേ കമലാനിലയഃ സ കഥം ന ഭവേത് |
തവ പദമേവ പരമ്പദ-മിത്യനുശീലയതോ മമ കിം ന ശിവേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 18 ||

കനകലസത്കല-സിന്ധുജലൈരനുഷിഞ്ജതി തെ ഗുണരങ്ഗഭുവം
ഭജതി സ കിം നു ശചീകുചകുമ്ഭത-തടീപരി-രമ്ഭ-സുഖാനുഭവമ് |
തവ ചരണം ശരണം കരവാണി നതാമരവാണി നിവാശി ശിവം
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 19 ||

തവ വിമലേ‌உന്ദുകലം വദനേന്ദുമലം സകലം നനു കൂലയതേ
കിമു പുരുഹൂത-പുരീംദുമുഖീ-സുമുഖീഭിരസൗ-വിമുഖീ-ക്രിയതേ |
മമ തു മതം ശിവനാമ-ധനേ ഭവതീ-കൃപയാ കിമുത ക്രിയതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 20 ||

അയി മയി ദീനദയാളുതയാ കരുണാപരയാ ഭവിതവ്യമുമേ
അയി ജഗതോ ജനനീ കൃപയാസി യഥാസി തഥാനുമിതാസി രമേ |
യദുചിതമത്ര ഭവത്യുരരീ കുരുതാ-ദുരുതാപമപാ-കുരുതേ
ജയ ജയ ഹേ മഹിഷാസുര-മര്ദിനി രമ്യകപര്ദിനി ശൈലസുതേ || 21 ||