Category: Sri Sri Chandi English

Author: ṛṣi mārkaṇḍeya

caṇḍamuṇḍa vadho nāma saptamodhyāyaḥ ||

dhyānaṃ
dhyāyeṃ ratna pīṭhe śukakala paṭhitaṃ śruṇvatīṃ śyāmalāṅgīṃ|
nyastaikāṅghriṃ saroje śaśi śakala dharāṃ vallakīṃ vāda yantīṃ
kahalārābaddha mālāṃ niyamita vilasaccolikāṃ rakta vastrāṃ|
mātaṅgīṃ śaṅkha pātrāṃ madhura madhumadāṃ citrakodbhāsi bhālāṃ|

ṛṣiruvāca|

āṅñaptāste tatodaityāścaṇḍamuṇḍapurogamāḥ|
caturaṅgabalopetā yayurabhyudyatāyudhāḥ ||1||

dadṛśuste tato devīmīṣaddhāsāṃ vyavasthitām|
siṃhasyopari śailendraśṛṅge mahatikāñcane ||2||

tedṛṣṭvātāṃsamādātumudyamaṃ ñcakrurudyatāḥ
ākṛṣṭacāpāsidharāstathā‌உnye tatsamīpagāḥ ||3||

tataḥ kopaṃ cakāroccairambhikā tānarīnprati|
kopena cāsyā vadanaṃ maṣīvarṇamabhūttadā ||4||

bhrukuṭīkuṭilāttasyā lalāṭaphalakāddrutam|
kāḷī karāḷa vadanā viniṣkrāntāsipāśinī ||5||

vicitrakhaṭvāṅgadharā naramālāvibhūṣaṇā|
dvīpicarmaparīdhānā śuṣkamāṃsātibhairavā ||6||

ativistāravadanā jihvālalanabhīṣaṇā|
nimagnāraktanayanā nādāpūritadiṅmukhā ||6||

sā vegenābhipatitā ghūtayantī mahāsurān|
sainye tatra surārīṇāmabhakṣayata tadbalam ||8||

pārṣṇigrāhāṅkuśagrāhayodhaghaṇṭāsamanvitān|
samādāyaikahastena mukhe cikṣepa vāraṇān ||9||

tathaiva yodhaṃ turagai rathaṃ sārathinā saha|
nikṣipya vaktre daśanaiścarvayatyatibhairavaṃ ||10||

ekaṃ jagrāha keśeṣu grīvāyāmatha cāparaṃ|
pādenākramyacaivānyamurasānyamapothayat ||11||

tairmuktānica śastrāṇi mahāstrāṇi tathāsuraiḥ|
mukhena jagrāha ruṣā daśanairmathitānyapi ||12||

balināṃ tadbalaṃ sarvamasurāṇāṃ durātmanāṃ
mamardābhakṣayaccānyānanyāṃścātāḍayattathā ||13||

asinā nihatāḥ kecitkecitkhaṭvāṅgatāḍitāḥ|
jagmurvināśamasurā dantāgrābhihatāstathā ||14||

kṣaṇena tadbhalaṃ sarva masurāṇāṃ nipātitaṃ|
dṛṣṭvā caṇḍo‌உbhidudrāva tāṃ kāḷīmatibhīṣaṇāṃ ||15||

śaravarṣairmahābhīmairbhīmākṣīṃ tāṃ mahāsuraḥ|
chādayāmāsa cakraiśca muṇḍaḥ kṣiptaiḥ sahasraśaḥ ||16||

tānicakrāṇyanekāni viśamānāni tanmukham|
babhuryathārkabimbāni subahūni ghanodaraṃ ||17||

tato jahāsātiruṣā bhīmaṃ bhairavanādinī|
kāḷī karāḷavadanā durdarśaśanojjvalā ||18||

utthāya ca mahāsiṃhaṃ devī caṇḍamadhāvata|
gṛhītvā cāsya keśeṣu śirastenāsinācchinat ||19||

atha muṇḍo‌உbhyadhāvattāṃ dṛṣṭvā caṇḍaṃ nipātitam|
tamapyapāta yadbhamau sā khaḍgābhihataṃruṣā ||20||

hataśeṣaṃ tataḥ sainyaṃ dṛṣṭvā caṇḍaṃ nipātitam|
muṇḍañca sumahāvīryaṃ diśo bheje bhayāturam ||21||

śiraścaṇḍasya kāḷī ca gṛhītvā muṇḍa meva ca|
prāha pracaṇḍāṭṭahāsamiśramabhyetya caṇḍikām ||22||

mayā tavā tropahṛtau caṇḍamuṇḍau mahāpaśū|
yuddhayaṅñe svayaṃ śumbhaṃ niśumbhaṃ cahaniṣyasi ||23||

ṛṣiruvāca||

tāvānītau tato dṛṣṭvā caṇḍa muṇḍau mahāsurau|
uvāca kāḷīṃ kaḷyāṇī lalitaṃ caṇḍikā vacaḥ ||24||

yasmāccaṇḍaṃ ca muṇḍaṃ ca gṛhītvā tvamupāgatā|
cāmuṇḍeti tato loke khyātā devī bhaviṣyasi ||25||

|| jaya jaya śrī mārkaṇḍeya purāṇe sāvarnike manvantare devi mahatmye caṇḍamuṇḍa vadho nāma saptamodhyāya samāptam ||

āhuti
oṃ klīṃ jayantī sāṅgāyai saśaktikāyai saparivārāyai savāhanāyai kāḷī cāmuṇḍā devyai karpūra bījādhiṣṭhāyai mahāhutiṃ samarpayāmi namaḥ svāhā ||

Author: ṛṣi mārkaṇḍeya

raktabījavadho nāma aṣṭamodhyāya ||

dhyānaṃ
aruṇāṃ karuṇā taraṅgitākṣīṃ dhṛtapāśāṅkuśa puṣpabāṇacāpām |
aṇimādhibhirāvṛtāṃ mayūkhai rahamityeva vibhāvaye bhavānīm ||

ṛṣiruvāca ||1||

caṇḍe ca nihate daitye muṇḍe ca vinipātite |
bahuḷeṣu ca sainyeṣu kṣayiteṣvasureśvaraḥ || 2 ||

tataḥ kopaparādhīnacetāḥ śumbhaḥ pratāpavān |
udyogaṃ sarva sainyānāṃ daityānāmādideśa ha ||3||

adya sarva balairdaityāḥ ṣaḍaśītirudāyudhāḥ |
kambūnāṃ caturaśītirniryāntu svabalairvṛtāḥ ||4||

koṭivīryāṇi pañcāśadasurāṇāṃ kulāni vai |
śataṃ kulāni dhaumrāṇāṃ nirgacchantu mamāṅñayā ||5||

kālakā daurhṛdā maurvāḥ kāḷikeyāstathāsurāḥ |
yuddhāya sajjā niryāntu āṅñayā tvaritā mama ||6||

ityāṅñāpyāsurāpatiḥ śumbho bhairavaśāsanaḥ |
nirjagāma mahāsainyasahastrairbhahubhirvṛtaḥ ||7||

āyāntaṃ caṇḍikā dṛṣṭvā tatsainyamatibhīṣaṇam |
jyāsvanaiḥ pūrayāmāsa dharaṇīgaganāntaram ||8||

tataḥsiṃho mahānādamatīva kṛtavānnṛpa |
ghaṇṭāsvanena tānnādānambikā copabṛṃhayat ||9||

dhanurjyāsiṃhaghaṇṭānāṃ nādāpūritadiṅmukhā |
ninādairbhīṣaṇaiḥ kāḷī jigye vistāritānanā ||10||

taṃ ninādamupaśrutya daitya sainyaiścaturdiśam |
devī siṃhastathā kāḷī saroṣaiḥ parivāritāḥ ||11||

etasminnantare bhūpa vināśāya suradviṣām |
bhavāyāmarasiṃhanāmativīryabalānvitāḥ ||12||

brahmeśaguhaviṣṇūnāṃ tathendrasya ca śaktayaḥ |
śarīrebhyoviniṣkramya tadrūpaiścaṇḍikāṃ yayuḥ ||13||

yasya devasya yadrūpaṃ yathā bhūṣaṇavāhanam |
tadvadeva hi taccaktirasurānyoddhumāyamau ||14||

haṃsayuktavimānāgre sākṣasūtraka maṇḍaluḥ |
āyātā brahmaṇaḥ śaktibrahmāṇī tyabhidhīyate ||15||

maheśvarī vṛṣārūḍhā triśūlavaradhāriṇī |
mahāhivalayā prāptācandrarekhāvibhūṣaṇā ||16||

kaumārī śaktihastā ca mayūravaravāhanā |
yoddhumabhyāyayau daityānambikā guharūpiṇī ||17||

tathaiva vaiṣṇavī śaktirgaruḍopari saṃsthitā |
śaṅkhacakragadhāśāṅkhar khaḍgahastābhyupāyayau ||18||

yaṅñavārāhamatulaṃ rūpaṃ yā bhibhrato hareḥ |
śaktiḥ sāpyāyayau tatra vārāhīṃ bibhratī tanum ||19||

nārasiṃhī nṛsiṃhasya bibhratī sadṛśaṃ vapuḥ |
prāptā tatra saṭākṣepakṣiptanakṣatra saṃhatiḥ ||20||

vajra hastā tathaivaindrī gajarājo paristhitā |
prāptā sahasra nayanā yathā śakrastathaiva sā ||21||

tataḥ parivṛttastābhirīśāno deva śaktibhiḥ |
hanyantāmasurāḥ śīghraṃ mama prītyāha caṇḍikāṃ ||22||

tato devī śarīrāttu viniṣkrāntātibhīṣaṇā |
caṇḍikā śaktiratyugrā śivāśataninādinī ||23||

sā cāha dhūmrajaṭilam īśānamaparājitā |
dūtatvaṃ gaccha bhagavan pārśvaṃ śumbhaniśumbhayoḥ ||24||

brūhi śumbhaṃ niśumbhaṃ ca dānavāvatigarvitau |
ye cānye dānavāstatra yuddhāya samupasthitāḥ ||25||

trailokyamindro labhatāṃ devāḥ santu havirbhujaḥ |
yūyaṃ prayāta pātāḷaṃ yadi jīvitumicchatha ||26||

balāvalepādatha cedbhavanto yuddhakāṅkṣiṇaḥ |
tadā gacchata tṛpyantu macchivāḥ piśitena vaḥ ||27||

yato niyukto dautyena tayā devyā śivaḥ svayam |
śivadūtīti loke‌உsmiṃstataḥ sā khyāti māgatā ||28||

te‌உpi śrutvā vaco devyāḥ śarvākhyātaṃ mahāsurāḥ |
amarṣāpūritā jagmuryatra kātyāyanī sthitā ||29||

tataḥ prathamamevāgre śaraśaktyṛṣṭivṛṣṭibhiḥ |
vavarṣuruddhatāmarṣāḥ stāṃ devīmamarārayaḥ ||30||

sā ca tān prahitān bāṇān ñchūlaśaktiparaśvadhān |
ciccheda līlayādhmātadhanurmuktairmaheṣubhiḥ ||31||

tasyāgratastathā kāḷī śūlapātavidāritān |
khaṭvāṅgapothitāṃścārīnkurvantī vyacarattadā ||32||

kamaṇḍalujalākṣepahatavīryān hataujasaḥ |
brahmāṇī cākarocchatrūnyena yena sma dhāvati ||33||

māheśvarī triśūlena tathā cakreṇa vaiṣṇavī |
daityāṅjaghāna kaumārī tathā śatyāti kopanā ||34||

aindrī kuliśapātena śataśo daityadānavāḥ |
peturvidāritāḥ pṛthvyāṃ rudhiraughapravarṣiṇaḥ ||35||

tuṇḍaprahāravidhvastā daṃṣṭrā grakṣata vakṣasaḥ |
vārāhamūrtyā nyapataṃścakreṇa ca vidāritāḥ ||36||

nakhairvidāritāṃścānyān bhakṣayantī mahāsurān |
nārasiṃhī cacārājau nādā pūrṇadigambarā ||37||

caṇḍāṭṭahāsairasurāḥ śivadūtyabhidūṣitāḥ |
petuḥ pṛthivyāṃ patitāṃstāṃścakhādātha sā tadā ||38||

iti mātṛ gaṇaṃ kruddhaṃ marda yantaṃ mahāsurān |
dṛṣṭvābhyupāyairvividhairneśurdevārisainikāḥ ||39||

palāyanaparāndṛṣṭvā daityānmātṛgaṇārditān |
yoddhumabhyāyayau kruddho raktabījo mahāsuraḥ ||40||

raktabinduryadā bhūmau patatyasya śarīrataḥ |
samutpatati medinyāṃ tatpramāṇo mahāsuraḥ ||41||

yuyudhe sa gadāpāṇirindraśaktyā mahāsuraḥ |
tataścaindrī svavajreṇa raktabījamatāḍayat ||42||

kuliśenāhatasyāśu bahu susrāva śoṇitam |
samuttasthustato yodhāstadrapāstatparākramāḥ ||43||

yāvantaḥ patitāstasya śarīrādraktabindavaḥ |
tāvantaḥ puruṣā jātāḥ stadvīryabalavikramāḥ ||44||

te cāpi yuyudhustatra puruṣā rakta sambhavāḥ |
samaṃ mātṛbhiratyugraśastrapātātibhīṣaṇaṃ ||45||

punaśca vajra pātena kṣata maśya śiro yadā |
vavāha raktaṃ puruṣāstato jātāḥ sahasraśaḥ ||46||

vaiṣṇavī samare cainaṃ cakreṇābhijaghāna ha |
gadayā tāḍayāmāsa aindrī tamasureśvaram ||47||

vaiṣṇavī cakrabhinnasya rudhirasrāva sambhavaiḥ |
sahasraśo jagadvyāptaṃ tatpramāṇairmahāsuraiḥ ||48||

śaktyā jaghāna kaumārī vārāhī ca tathāsinā |
māheśvarī triśūlena raktabījaṃ mahāsuram ||49||

sa cāpi gadayā daityaḥ sarvā evāhanat pṛthak |
mātr̥̄ḥ kopasamāviṣṭo raktabījo mahāsuraḥ ||50||

tasyāhatasya bahudhā śaktiśūlādi bhirbhuviḥ |
papāta yo vai raktaughastenāsañcataśo‌உsurāḥ ||51||

taiścāsurāsṛksambhūtairasuraiḥ sakalaṃ jagat |
vyāptamāsīttato devā bhayamājagmuruttamam ||52||

tān viṣaṇṇā n surān dṛṣṭvā caṇḍikā prāhasatvaram |
uvāca kāḷīṃ cāmuṇḍe vistīrṇaṃ vadanaṃ kuru ||53||

macchastrapātasambhūtān raktabindūn mahāsurān |
raktabindoḥ pratīccha tvaṃ vaktreṇānena veginā ||54||

bhakṣayantī cara raṇo tadutpannānmahāsurān |
evameṣa kṣayaṃ daityaḥ kṣeṇa rakto gamiṣyati ||55||

bhakṣya māṇā stvayā cogrā na cotpatsyanti cāpare |
ityuktvā tāṃ tato devī śūlenābhijaghāna tam ||56||

mukhena kāḷī jagṛhe raktabījasya śoṇitam |
tato‌உsāvājaghānātha gadayā tatra caṇḍikāṃ ||57||

na cāsyā vedanāṃ cakre gadāpāto‌உlpikāmapi |
tasyāhatasya dehāttu bahu susrāva śoṇitam ||58||

yatastatastadvaktreṇa cāmuṇḍā sampratīcchati |
mukhe samudgatā ye‌உsyā raktapātānmahāsurāḥ ||59||

tāṃścakhādātha cāmuṇḍā papau tasya ca śoṇitam ||60||

devī śūlena vajreṇa bāṇairasibhir ṛṣṭibhiḥ |
jaghāna raktabījaṃ taṃ cāmuṇḍā pīta śoṇitam ||61||

sa papāta mahīpṛṣṭhe śastrasaṅghasamāhataḥ |
nīraktaśca mahīpāla raktabījo mahāsuraḥ ||62||

tataste harṣa matulam avāpustridaśā nṛpa |
teṣāṃ mātṛgaṇo jāto nanartāsṛṃṅgamadoddhataḥ ||63||

|| svasti śrī mārkaṇḍeya purāṇe sāvarnike manvantare devi mahatmye raktabījavadhonāma aṣṭamodhyāya samāptam ||

āhuti
oṃ jayantī sāṅgāyai saśaktikāyai saparivārāyai savāhanāyai raktākṣyai aṣṭamātṛ sahitāyai mahāhutiṃ samarpayāmi namaḥ svāhā ||

Author: ṛṣi mārkaṇḍeya

niśumbhavadhonāma navamodhyāyaḥ ||

dhyānaṃ
oṃ bandhūka kāñcananibhaṃ rucirākṣamālāṃ
pāśāṅkuśau ca varadāṃ nijabāhudaṇḍaiḥ |
bibhrāṇamindu śakalābharaṇāṃ trinetrāṃ-
ardhāmbikeśamaniśaṃ vapurāśrayāmi ||

rājouvāca||1||

vicitramidamākhyātaṃ bhagavan bhavatā mama |
devyāścaritamāhātmyaṃ rakta bījavadhāśritam || 2||

bhūyaścecchāmyahaṃ śrotuṃ raktabīje nipātite |
cakāra śumbho yatkarma niśumbhaścātikopanaḥ ||3||

ṛṣiruvāca ||4||

cakāra kopamatulaṃ raktabīje nipātite|
śumbhāsuro niśumbhaśca hateṣvanyeṣu cāhave ||5||

hanyamānaṃ mahāsainyaṃ vilokyāmarṣamudvahan|
abhyadāvanniśumbo‌உtha mukhyayāsura senayā ||6||

tasyāgratastathā pṛṣṭhe pārśvayośca mahāsurāḥ
sandaṣṭauṣṭhapuṭāḥ kruddhā hantuṃ devīmupāyayuḥ ||7||

ājagāma mahāvīryaḥ śumbho‌உpi svabalairvṛtaḥ|
nihantuṃ caṇḍikāṃ kopātkṛtvā yuddaṃ tu mātṛbhiḥ ||8||

tato yuddhamatīvāsīddevyā śumbhaniśumbhayoḥ|
śaravarṣamatīvograṃ meghayoriva varṣatoḥ ||9||

cicchedāstāñcharāṃstābhyāṃ caṇḍikā svaśarotkaraiḥ|
tāḍayāmāsa cāṅgeṣu śastraughairasureśvarau ||10||

niśumbho niśitaṃ khaḍgaṃ carma cādāya suprabham|
atāḍayanmūrdhni siṃhaṃ devyā vāhanamuttamam||11||

tāḍite vāhane devī kṣura preṇāsimuttamam|
śumbhasyāśu ciccheda carma cāpyaṣṭa candrakam ||12||

chinne carmaṇi khaḍge ca śaktiṃ cikṣepa so‌உsuraḥ|
tāmapyasya dvidhā cakre cakreṇābhimukhāgatām||13||

kopādhmāto niśumbho‌உtha śūlaṃ jagrāha dānavaḥ|
āyātaṃ muṣṭhipātena devī taccāpyacūrṇayat||14||

āviddhyātha gadāṃ so‌உpi cikṣepa caṇḍikāṃ prati|
sāpi devyās triśūlena bhinnā bhasmatvamāgatā||15||

tataḥ paraśuhastaṃ tamāyāntaṃ daityapuṅgavaṃ|
āhatya devī bāṇaughairapātayata bhūtale||16||

tasminni patite bhūmau niśumbhe bhīmavikrame|
bhrātaryatīva saṅkruddhaḥ prayayau hantumambikām||17||

sa rathasthastathātyucchai rgṛhītaparamāyudhaiḥ|
bhujairaṣṭābhiratulai rvyāpyā śeṣaṃ babhau nabhaḥ||18||

tamāyāntaṃ samālokya devī śaṅkhamavādayat|
jyāśabdaṃ cāpi dhanuṣa ścakārātīva duḥsaham||19||

pūrayāmāsa kakubho nijaghaṇṭā svanena ca|
samastadaityasainyānāṃ tejovadhavidhāyinā||20||

tataḥ siṃho mahānādai styājitebhamahāmadaiḥ|
purayāmāsa gaganaṃ gāṃ tathaiva diśo daśa||21||

tataḥ kāḷī samutpatya gaganaṃ kṣmāmatāḍayat|
karābhyāṃ tanninādena prāksvanāste tirohitāḥ||22||

aṭṭāṭṭahāsamaśivaṃ śivadūtī cakāra ha|
vaiḥ śabdairasurāstresuḥ śumbhaḥ kopaṃ paraṃ yayau||23||

durātmaṃ stiṣṭa tiṣṭheti vyāja hārāmbikā yadā|
tadā jayetyabhihitaṃ devairākāśa saṃsthitaiḥ||24||

śumbhenāgatya yā śaktirmuktā jvālātibhīṣaṇā|
āyāntī vahnikūṭābhā sā nirastā maholkayā||25||

siṃhanādena śumbhasya vyāptaṃ lokatrayāntaram|
nirghātaniḥsvano ghoro jitavānavanīpate||26||

śumbhamuktāñcharāndevī śumbhastatprahitāñcharān|
ciccheda svaśarairugraiḥ śataśo‌உtha sahasraśaḥ||27||

tataḥ sā caṇḍikā kruddhā śūlenābhijaghāna tam|
sa tadābhi hato bhūmau mūrchito nipapāta ha||28||

tato niśumbhaḥ samprāpya cetanāmāttakārmukaḥ|
ājaghāna śarairdevīṃ kāḷīṃ kesariṇaṃ tathā||29||

punaśca kṛtvā bāhunāmayutaṃ danujeśvaraḥ|
cakrāyudhena ditijaścādayāmāsa caṇḍikām||30||

tato bhagavatī kruddhā durgādurgārti nāśinī|
ciccheda devī cakrāṇi svaśaraiḥ sāyakāṃśca tān||31||

tato niśumbho vegena gadāmādāya caṇḍikām|
abhyadhāvata vai hantuṃ daitya senāsamāvṛtaḥ||32||

tasyāpatata evāśu gadāṃ ciccheda caṇḍikā|
khaḍgena śitadhāreṇa sa ca śūlaṃ samādade||33||

śūlahastaṃ samāyāntaṃ niśumbhamamarārdanam|
hṛdi vivyādha śūlena vegāviddhena caṇḍikā||34||

khinnasya tasya śūlena hṛdayānniḥsṛto‌உparaḥ|
mahābalo mahāvīryastiṣṭheti puruṣo vadan||35||

tasya niṣkrāmato devī prahasya svanavattataḥ|
śiraściccheda khaḍgena tato‌உsāvapatadbhuvi||36||

tataḥ siṃhaśca khādogra daṃṣṭrākṣuṇṇaśirodharān|
asurāṃ stāṃstathā kāḷī śivadūtī tathāparān||37||

kaumārī śaktinirbhinnāḥ kecinneśurmahāsurāḥ
brahmāṇī mantrapūtena toyenānye nirākṛtāḥ||38||

māheśvarī triśūlena bhinnāḥ petustathāpare|
vārāhītuṇḍaghātena keciccūrṇī kṛtā bhuvi||39||

khaṇḍaṃ khaṇḍaṃ ca cakreṇa vaiṣṇavyā dānavāḥ kṛtāḥ|
vajreṇa caindrī hastāgra vimuktena tathāpare||40||

kecidvineśurasurāḥ kecinnaṣṭāmahāhavāt|
bhakṣitāścāpare kāḷīśivadhūtī mṛgādhipaiḥ||41||

|| svasti śrī mārkaṇḍeya purāṇe sāvarnike manvantare devi mahatmye niśumbhavadhonāma navamodhyāya samāptam ||

āhuti
oṃ klīṃ jayantī sāṅgāyai saśaktikāyai saparivārāyai savāhanāyai mahāhutiṃ samarpayāmi namaḥ svāhā ||

Author: ṛṣi mārkaṇḍeya

śumbhovadho nāma daśamo‌உdhyāyaḥ ||

ṛṣiruvāca||1||

niśumbhaṃ nihataṃ dṛṣṭvā bhrātaramprāṇasammitaṃ|
hanyamānaṃ balaṃ caiva śumbaḥ kṛddho‌உbravīdvacaḥ || 2 ||

balāvalepaduṣṭe tvaṃ mā durge garva māvaha|
anyāsāṃ balamāśritya yuddyase cātimāninī ||3||

devyuvāca ||4||

ekaivāhaṃ jagatyatra dvitīyā kā mamāparā|
paśyaitā duṣṭa mayyeva viśantyo madvibhūtayaḥ ||5||

tataḥ samastāstā devyo brahmāṇī pramukhālayam|
tasyā devyāstanau jagmurekaivāsīttadāmbikā ||6||

devyuvāca ||6||

ahaṃ vibhūtyā bahubhiriha rūpairyadāsthitā|
tatsaṃhṛtaṃ mayaikaiva tiṣṭāmyājau sthiro bhava ||8||

ṛṣiruvāca ||9||

tataḥ pravavṛte yuddhaṃ devyāḥ śumbhasya cobhayoḥ|
paśyatāṃ sarvadevānām asurāṇāṃ ca dāruṇam ||10||

śara varṣaiḥ śitaiḥ śastraistathā cāstraiḥ sudāruṇaiḥ|
tayoryuddamabhūdbhūyaḥ sarvalokabhayaṅñkaram ||11||

divyānyaśtrāṇi śataśo mumuce yānyathāmbikā|
babhaṅña tāni daityendrastatpratīghātakartṛbhiḥ ||12||

muktāni tena cāstrāṇi divyāni parameśvarī|
babhañja līlayaivogra hūjkāroccāraṇādibhiḥ||13||

tataḥ śaraśatairdevīm āccādayata so‌உsuraḥ|
sāpi tatkupitā devī dhanuścichceda ceṣubhiḥ||14||

cinne dhanuṣi daityendrastathā śaktimathādade|
cichceda devī cakreṇa tāmapyasya karesthitām||15||

tataḥ khaḍga mupādāya śata candraṃ ca bhānumat|
abhyadhāvattadā devīṃ daityānāmadhipeśvaraḥ||16||

tasyāpatata evāśu khaḍgaṃ ciccheda caṇḍikā|
dhanurmuktaiḥ śitairbāṇaiścarma cārkakarāmalam||17||

hatāśvaḥ patata evāśu khaḍgaṃ cichceda caṇḍikā|
jagrāha mudgaraṃ ghoram ambikānidhanodyataḥ||18||

cicchedāpatatastasya mudgaraṃ niśitaiḥ śaraiḥ|
tathāpi so‌உbhyadhāvattaṃ muṣṭimudyamyavegavān||19||

sa muṣṭiṃ pātayāmāsa hṛdaye daitya puṅgavaḥ|
devyāstaṃ cāpi sā devī tale no rasya tāḍayat||20||

talaprahārābhihato nipapāta mahītale|
sa daityarājaḥ sahasā punareva tathotthitaḥ ||21||

utpatya ca pragṛhyoccair devīṃ gaganamāsthitaḥ|
tatrāpi sā nirādhārā yuyudhe tena caṇḍikā||22||

niyuddhaṃ khe tadā daitya ścaṇḍikā ca parasparam|
cakratuḥ pradhamaṃ siddha munivismayakārakam||23||

tato niyuddhaṃ suciraṃ kṛtvā tenāmbikā saha|
utpāṭya bhrāmayāmāsa cikṣepa dharaṇītale||24||

sakṣiptodharaṇīṃ prāpya muṣṭimudyamya vegavān|
abhyadhāvata duṣṭātmā caṇḍikānidhanecchayā||25||

tamāyantaṃ tato devī sarvadaityajaneśarvam|
jagatyāṃ pātayāmāsa bhitvā śūlena vakṣasi||26||

sa gatāsuḥ papātorvyāṃ devīśūlāgravikṣataḥ|
cālayan sakalāṃ pṛthvīṃ sābdidvīpāṃ saparvatām ||27||

tataḥ prasanna makhilaṃ hate tasmin durātmani|
jagatsvāsthyamatīvāpa nirmalaṃ cābhavannabhaḥ ||28||

utpātameghāḥ solkā yeprāgāsaṃste śamaṃ yayuḥ|
sarito mārgavāhinyastathāsaṃstatra pātite ||29||

tato deva gaṇāḥ sarve harṣa nirbharamānasāḥ|
babhūvurnihate tasmin gandarvā lalitaṃ jaguḥ||30||

avādayaṃ stathaivānye nanṛtuścāpsarogaṇāḥ|
vavuḥ puṇyāstathā vātāḥ suprabho‌உ bhūddhivākaraḥ||31||

jajvaluścāgnayaḥ śāntāḥ śāntadigjanitasvanāḥ||32||

|| svasti śrī mārkaṇḍeya purāṇe sāvarnikemanvantare devi mahatmye śumbhovadho nāma daśamo dhyāyaḥ samāptam ||

āhuti
oṃ klīṃ jayantī sāṅgāyai saśaktikāyai saparivārāyai savāhanāyai kāmeśvaryai mahāhutiṃ samarpayāmi namaḥ svāhā ||

Author: ṛṣi mārkaṇḍeya

nārāyaṇīstutirnāma ekādaśo‌உdhyāyaḥ ||

dhyānaṃ
oṃ bālārkavidyutim indukirīṭāṃ tuṅgakucāṃ nayanatrayayuktām |
smeramukhīṃ varadāṅkuśapāśabhītikarāṃ prabhaje bhuvaneśīm ||

ṛṣiruvāca||1||

devyā hate tatra mahāsurendre
sendrāḥ surā vahnipurogamāstām|
kātyāyanīṃ tuṣṭuvuriṣṭalābhā-
dvikāsivaktrābja vikāsitāśāḥ || 2 ||

devi prapannārtihare prasīda
prasīda mātarjagato‌உbhilasya|
prasīdaviśveśvari pāhiviśvaṃ
tvamīśvarī devi carācarasya ||3||

ādhāra bhūtā jagatastvamekā
mahīsvarūpeṇa yataḥ sthitāsi
apāṃ svarūpa sthitayā tvayaita
dāpyāyate kṛtsnamalaṅghya vīrye ||4||

tvaṃ vaiṣṇavīśaktiranantavīryā
viśvasya bījaṃ paramāsi māyā|
sammohitaṃ devisamasta metat-
ttvaṃ vai prasannā bhuvi muktihetuḥ ||5||

vidyāḥ samastāstava devi bhedāḥ|
striyaḥ samastāḥ sakalā jagatsu|
tvayaikayā pūritamambayaitat
kāte stutiḥ stavyaparāparoktiḥ ||6||

sarva bhūtā yadā devī bhukti muktipradāyinī|
tvaṃ stutā stutaye kā vā bhavantu paramoktayaḥ ||7||

sarvasya buddhirūpeṇa janasya hṛdi saṃsthite|
svargāpavargade devi nārāyaṇi namo‌உstute ||8||

kalākāṣṭhādirūpeṇa pariṇāma pradāyini|
viśvasyoparatau śakte nārāyaṇi namostute ||9||

sarva maṅgaḷa māṅgaḷye śive sarvārtha sādhike|
śaraṇye trayambake gaurī nārāyaṇi namo‌உstute ||10||

sṛṣṭisthitivināśānāṃ śaktibhūte sanātani|
guṇāśraye guṇamaye nārāyaṇi namo‌உstute ||11||

śaraṇāgata dīnārta paritrāṇaparāyaṇe|
sarvasyārtihare devi nārāyaṇi namo‌உstute ||12||

haṃsayukta vimānasthe brahmāṇī rūpadhāriṇī|
kauśāmbhaḥ kṣarike devi nārāyaṇi namo‌உstute ||13||

triśūlacandrāhidhare mahāvṛṣabhavāhini|
māheśvarī svarūpeṇa nārāyaṇi namo‌உstute ||14||

mayūra kukkuṭavṛte mahāśaktidhare‌உnaghe|
kaumārīrūpasaṃsthāne nārāyaṇi namostute||15||

śaṅkhacakragadāśārṅgagṛhītaparamāyudhe|
prasīda vaiṣṇavīrūpenārāyaṇi namo‌உstute||16||

gṛhītogramahācakre daṃṣtroddhṛtavasundhare|
varāharūpiṇi śive nārāyaṇi namostute||17||

nṛsiṃharūpeṇogreṇa hantuṃ daityān kṛtodyame|
trailokyatrāṇasahite nārāyaṇi namo‌உstute||18||

kirīṭini mahāvajre sahasranayanojjvale|
vṛtraprāṇahāre caindri nārāyaṇi namo‌உstute ||19||

śivadūtīsvarūpeṇa hatadaitya mahābale|
ghorarūpe mahārāve nārāyaṇi namo‌உstute||20||

daṃṣtrākarāḷa vadane śiromālāvibhūṣaṇe|
cāmuṇḍe muṇḍamathane nārāyaṇi namo‌உstute||21||

lakṣmī lajje mahāvidhye śraddhe puṣṭi svadhe dhruve|
mahārātri mahāmāye nārāyaṇi namo‌உstute||22||

medhe sarasvati vare bhūti bābhravi tāmasi|
niyate tvaṃ prasīdeśe nārāyaṇi namo‌உstute||23||

sarvasvarūpe sarveśe sarvaśaktisamanvite|
bhayebhyastrāhi no devi durge devi namo‌உstute ||24||

etatte vadanaṃ saumyaṃ locanatrayabhūṣitam|
pātu naḥ sarvabhūtebhyaḥ kātyāyini namo‌உstute ||25||

jvālākarāḷamatyugramaśeṣāsurasūdanam|
triśūlaṃ pātu no bhītirbhadrakāli namo‌உstute||26||

hinasti daityatejāṃsi svanenāpūrya yā jagat|
sā ghaṇṭā pātu no devi pāpebhyo naḥ sutāniva||27||

asurāsṛgvasāpaṅkacarcitaste karojvalaḥ|
śubhāya khaḍgo bhavatu caṇḍike tvāṃ natā vayam||28||

rogānaśeṣānapahaṃsi tuṣṭā
ruṣṭā tu kāmā sakalānabhīṣṭān
tvāmāśritānāṃ na vipannarāṇāṃ|
tvāmāśritā śrayatāṃ prayānti||29||

etatkṛtaṃ yatkadanaṃ tvayādya
darmadviṣāṃ devi mahāsurāṇām|
rūpairanekairbhahudhātmamūrtiṃ
kṛtvāmbhike tatprakaroti kānyā||30||

vidyāsu śāstreṣu viveka dīpe
ṣvādyeṣu vākyeṣu ca kā tvadanyā
mamatvagarte‌உti mahāndhakāre
vibhrāmayatyetadatīva viśvam||31||

rakṣāṃsi yatro graviṣāśca nāgā
yatrārayo dasyubalāni yatra|
davānalo yatra tathābdhimadhye
tatra sthitā tvaṃ paripāsi viśvam||32||

viśveśvari tvaṃ paripāsi viśvaṃ
viśvātmikā dhārayasīti viśvam|
viśveśavandhyā bhavatī bhavanti
viśvāśrayā yetvayi bhaktinamrāḥ||33||

devi prasīda paripālaya no‌உri
bhīternityaṃ yathāsuravadādadhunaiva sadyaḥ|
pāpāni sarva jagatāṃ praśamaṃ nayāśu
utpātapākajanitāṃśca mahopasargān||34||

praṇatānāṃ prasīda tvaṃ devi viśvārti hāriṇi|
trailokyavāsināmīḍye lokānāṃ varadā bhava||35||

devyuvāca||36||

varadāhaṃ suragaṇā paraṃ yanmanaseccatha|
taṃ vṛṇudhvaṃ prayacchāmi jagatāmupakārakam ||37||

devā ūcuḥ||38||

sarvabādhā praśamanaṃ trailokyasyākhileśvari|
evameva tvayākārya masmadvairi vināśanam||39||

devyuvāca||40||

vaivasvate‌உntare prāpte aṣṭāviṃśatime yuge|
śumbho niśumbhaścaivānyāvutpatsyete mahāsurau ||41||

nandagopagṛhe jātā yaśodāgarbha sambhavā|
tatastaunāśayiṣyāmi vindhyācalanivāsinī||42||

punarapyatiraudreṇa rūpeṇa pṛthivītale|
avatīrya haviṣyāmi vaipracittāṃstu dānavān ||43||

bhakṣya yantyāśca tānugrān vaipracittān mahāsurān|
raktadantā bhaviṣyanti dāḍimīkusumopamāḥ||44||

tato māṃ devatāḥ svarge martyaloke ca mānavāḥ|
stuvanto vyāhariṣyanti satataṃ raktadantikām||45||

bhūyaśca śatavārṣikyām anāvṛṣṭyāmanambhasi|
munibhiḥ saṃstutā bhūmau sambhaviṣyāmyayonijā ||46||

tataḥ śatena netrāṇāṃ nirīkṣiṣyāmyahaṃ munīn
kīrtiyiṣyanti manujāḥ śatākṣīmiti māṃ tataḥ||47||

tato‌உ hamakhilaṃ lokamātmadehasamudbhavaiḥ|
bhariṣyāmi surāḥ śākairāvṛṣṭeḥ prāṇa dhārakaiḥ||48||

śākambharīti vikhyātiṃ tadā yāsyāmyahaṃ bhuvi|
tatraiva ca vadhiṣyāmi durgamākhyaṃ mahāsuram||49||

durgādevīti vikhyātaṃ tanme nāma bhaviṣyati|
punaścāhaṃ yadābhīmaṃ rūpaṃ kṛtvā himācale||50||

rakṣāṃsi kṣayayiṣyāmi munīnāṃ trāṇa kāraṇāt|
tadā māṃ munayaḥ sarve stoṣyantyāna mramūrtayaḥ||51||

bhīmādevīti vikhyātaṃ tanme nāma bhaviṣyati|
yadāruṇākhyastrailokye mahābādhāṃ kariṣyati||52||

tadāhaṃ bhrāmaraṃ rūpaṃ kṛtvāsajkhyeyaṣaṭpadam|
trailokyasya hitārthāya vadhiṣyāmi mahāsuram||53||

bhrāmarītica māṃ lokā stadāstoṣyanti sarvataḥ|
itthaṃ yadā yadā bādhā dānavotthā bhaviṣyati||54||

tadā tadāvatīryāhaṃ kariṣyāmyarisaṅkṣayam ||55||

|| svasti śrī mārkaṇḍeya purāṇe sāvarnike manvantare devi mahatmye nārāyaṇīstutirnāma ekādaśo‌உdhyāyaḥ samāptam ||

āhuti
oṃ klīṃ jayantī sāṅgāyai saśaktikāyai saparivārāyai savāhanāyai lakṣmībījādhiṣtāyai garuḍavāhanyai nārayaṇī devyai-mahāhutiṃ samarpayāmi namaḥ svāhā ||

Author: ṛṣi mārkaṇḍeya

phalaśrutirnāma dvādaśo‌உdhyāyaḥ ||

dhyānaṃ
vidhyuddhāma samaprabhāṃ mṛgapati skandha sthitāṃ bhīṣaṇāṃ|
kanyābhiḥ karavāla kheṭa vilasaddastābhi rāsevitāṃ
hastaiścakra gadhāsi kheṭa viśikhāṃ guṇaṃ tarjanīṃ
vibhrāṇa manalātmikāṃ śiśidharāṃ durgāṃ trinetrāṃ bhaje

devyuvāca||1||

ebhiḥ stavaiśca mā nityaṃ stoṣyate yaḥ samāhitaḥ|
tasyāhaṃ sakalāṃ bādhāṃ nāśayiṣyāmya saṃśayam ||2||

madhukaiṭabhanāśaṃ ca mahiṣāsuraghātanam|
kīrtiyiṣyanti ye ta dvadvadhaṃ śumbhaniśumbhayoḥ ||3||

aṣṭamyāṃ ca caturdhaśyāṃ navamyāṃ caikacetasaḥ|
śroṣyanti caiva ye bhaktyā mama māhātmyamuttamam ||4||

na teṣāṃ duṣkṛtaṃ kiñcid duṣkṛtotthā na cāpadaḥ|
bhaviṣyati na dāridryaṃ na cai veṣṭaviyojanam ||5||

śatrubhyo na bhayaṃ tasya dasyuto vā na rājataḥ|
na śastrānalato yaughāt kadācit sambhaviṣyati ||6||

tasmānmamaitanmāhatmyaṃ paṭhitavyaṃ samāhitaiḥ|
śrotavyaṃ ca sadā bhaktyā paraṃ svastyayanaṃ hi tat ||7||

upa sargāna śeṣāṃstu mahāmārī samudbhavān|
tathā trividha mutpātaṃ māhātmyaṃ śamayenmama ||8||

yatraita tpaṭhyate samyaṅnityamāyatane mama|
sadā na tadvimokṣyāmi sānnidhyaṃ tatra mesthitam ||9||

bali pradāne pūjāyāmagni kārye mahotsave|
sarvaṃ mamaitanmāhātmyam uccāryaṃ śrāvyamevaca ||10||

jānatājānatā vāpi bali pūjāṃ tathā kṛtām|
pratīkṣiṣyāmyahaṃ prītyā vahni homaṃ tathā kṛtam ||11||

śaratkāle mahāpūjā kriyate yāca vārṣikī|
tasyāṃ mamaitanmāhātmyaṃ śrutvā bhaktisamanvitaḥ ||12||

sarvabādhāvinirmukto dhanadhānyasamanvitaḥ|
manuṣyo matprasādena bhaviṣyati na saṃśayaḥ||13||

śrutvā mamaitanmāhātmyaṃ tathā cotpattayaḥ śubhāḥ|
parākramaṃ ca yuddheṣu jāyate nirbhayaḥ pumān||14||

ripavaḥ saṅkṣayaṃ yānti kaḷyāṇāṃ copapadhyate|
nandate ca kulaṃ puṃsāṃ mahātmyaṃ mamaśṛṇvatām||15||

śāntikarmāṇi sarvatra tathā duḥsvapnadarśane|
grahapīḍāsu cogrāsu mahātmyaṃ śṛṇuyānmama||16||

upasargāḥ śamaṃ yānti grahapīḍāśca dāruṇāḥ
duḥsvapnaṃ ca nṛbhirdṛṣṭaṃ susvapnamupajāyate||17||

bālagrahābhibhūtānaṃ bālānāṃ śāntikārakam|
saṅghātabhede ca nṛṇāṃ maitrīkaraṇamuttamam||18||

durvṛttānāmaśeṣāṇāṃ balahānikaraṃ param|
rakṣobhūtapiśācānāṃ paṭhanādeva nāśanam||19||

sarvaṃ mamaitanmāhātmyaṃ mama sannidhikārakam|
paśupuṣpārghyadhūpaiśca gandhadīpaistathottamaiḥ||20||

viprāṇāṃ bhojanairhomaiḥ prokṣaṇīyairaharniśam|
anyaiśca vividhairbhogaiḥ pradānairvatsareṇa yā||21||

prītirme kriyate sāsmin sakṛduccarite śrute|
śrutaṃ harati pāpāni tathārogyaṃ prayacchati ||22||

rakṣāṃ karoti bhūtebhyo janmanāṃ kīrtinaṃ mama|
yuddeṣu caritaṃ yanme duṣṭa daitya nibarhaṇam||23||

tasmiñchṛte vairikṛtaṃ bhayaṃ puṃsāṃ na jāyate|
yuṣmābhiḥ stutayo yāśca yāśca brahmarṣibhiḥ kṛtāḥ||24||

brahmaṇā ca kṛtāstāstu prayacchantu śubhāṃ matim|
araṇye prāntare vāpi dāvāgni parivāritaḥ||25||

dasyubhirvā vṛtaḥ śūnye gṛhīto vāpi śatṛbhiḥ|
siṃhavyāghrānuyāto vā vanevā vana hastibhiḥ||26||

rāṅñā kruddena cāṅñapto vadhyo banda gato‌உpivā|
āghūrṇito vā vātena sthitaḥ pote mahārṇave||27||

patatsu cāpi śastreṣu saṅgrāme bhṛśadāruṇe|
sarvābādhāśu ghorāsu vedanābhyardito‌உpivā||28||

smaran mamaitaccaritaṃ naro mucyeta saṅkaṭāt|
mama prabhāvātsiṃhādyā dasyavo vairiṇa stathā||29||

dūrādeva palāyante smarataścaritaṃ mama||30||

ṛṣiruvāca||31||

ityuktvā sā bhagavatī caṇḍikā caṇḍavikramā|
paśyatāṃ sarva devānāṃ tatraivāntaradhīyata||32||

te‌உpi devā nirātaṅkāḥ svādhikārānyathā purā|
yaṅñabhāgabhujaḥ sarve cakrurvi nihatārayaḥ||33||

daityāśca devyā nihate śumbhe devaripau yudhi
jagadvidhvaṃsake tasmin mahogre‌உtula vikrame||34||

niśumbhe ca mahāvīrye śeṣāḥ pātāḷamāyayuḥ||35||

evaṃ bhagavatī devī sā nityāpi punaḥ punaḥ|
sambhūya kurute bhūpa jagataḥ paripālanam||36||

tayaitanmohyate viśvaṃ saiva viśvaṃ prasūyate|
sāyācitā ca viṅñānaṃ tuṣṭā ṛddhiṃ prayacchati||37||

vyāptaṃ tayaitatsakalaṃ brahmāṇḍaṃ manujeśvara|
mahādevyā mahākāḷī mahāmārī svarūpayā||38||

saiva kāle mahāmārī saiva sṛṣtirbhavatyajā|
sthitiṃ karoti bhūtānāṃ saiva kāle sanātanī||39||

bhavakāle nṛṇāṃ saiva lakṣmīrvṛddhipradā gṛhe|
saivābhāve tathā lakṣmī rvināśāyopajāyate||40||

stutā sampūjitā puṣpairgandhadhūpādibhistathā|
dadāti vittaṃ putrāṃśca matiṃ dharme gatiṃ śubhāṃ||41||

|| iti śrī mārkaṇḍeya purāṇe sāvarnike manvantare devī mahatmye phalaśrutirnāma dvādaśo‌உdhyāya samāptam ||

āhuti
oṃ klīṃ jayantī sāṅgāyai saśaktikāyai saparivārāyai savāhanāyai varapradhāyai vaiṣṇavī devyai ahāhutiṃ samarpayāmi namaḥ svāhā ||

Author: ṛṣi mārkaṇḍeya

surathavaiśyayorvarapradānaṃ nāma trayodaśo‌உdhyāyaḥ ||

dhyānaṃ
oṃ bālārka maṇḍalābhāsāṃ caturbāhuṃ trilocanām |
pāśāṅkuśa varābhītīrdhārayantīṃ śivāṃ bhaje ||

ṛṣiruvāca || 1 ||

etatte kathitaṃ bhūpa devīmāhātmyamuttamam |
evamprabhāvā sā devī yayedaṃ dhāryate jagat ||2||

vidyā tathaiva kriyate bhagavadviṣṇumāyayā |
tayā tvameṣa vaiśyaśca tathaivānye vivekinaḥ ||3||

tayā tvameṣa vaiśyaśca tathaivānye vivekinaḥ|
mohyante mohitāścaiva mohameṣyanti cāpare ||4||

tāmupaihi mahārāja śaraṇaṃ parameśvarīṃ|
ārādhitā saiva nṛṇāṃ bhogasvargāpavargadā ||5||

mārkaṇḍeya uvāca ||6||

iti tasya vacaḥ śṛtvā surathaḥ sa narādhipaḥ|
praṇipatya mahābhāgaṃ tamṛṣiṃ saṃśitavratam ||7||

nirviṇṇotimamatvena rājyāpahareṇana ca|
jagāma sadyastapase saca vaiśyo mahāmune ||8||

sandarśanārthamambhāyā na’006ch;pulina māsthitaḥ|
sa ca vaiśyastapastepe devī sūktaṃ paraṃ japan ||9||

tau tasmin puline devyāḥ kṛtvā mūrtiṃ mahīmayīm|
arhaṇāṃ cakratustasyāḥ puṣpadhūpāgnitarpaṇaiḥ ||10||

nirāhārau yatāhārau tanmanaskau samāhitau|
dadatustau baliñcaiva nijagātrāsṛgukṣitam ||11||

evaṃ samārādhayatostribhirvarṣairyatātmanoḥ|
parituṣṭā jagaddhātrī pratyakṣaṃ prāha caṇḍikā ||12||

devyuvācā||13||

yatprārthyate tvayā bhūpa tvayā ca kulanandana|
mattastatprāpyatāṃ sarvaṃ parituṣṭā dadāmite||14||

mārkaṇḍeya uvāca||15||

tato vavre nṛpo rājyamavibhraṃśyanyajanmani|
atraivaca ca nijam rājyaṃ hataśatrubalaṃ balāt||16||

so‌உpi vaiśyastato ṅñānaṃ vavre nirviṇṇamānasaḥ|
mametyahamiti prāṅñaḥ sajgavicyuti kārakam ||17||

devyuvāca||18||

svalpairahobhir nṛpate svaṃ rājyaṃ prāpsyate bhavān|
hatvā ripūnaskhalitaṃ tava tatra bhaviṣyati||19||

mṛtaśca bhūyaḥ samprāpya janma devādvivasvataḥ|
sāvarṇiko manurnāma bhavānbhuvi bhaviṣyati||20||

vaiśya varya tvayā yaśca varo‌உsmatto‌உbhivāñcitaḥ|
taṃ prayacchāmi saṃsiddhyai tava ṅñānaṃ bhaviṣyati||21||

mārkaṇḍeya uvāca

iti datvā tayordevī yathākhilaṣitaṃ varaṃ|
bhabhūvāntarhitā sadyo bhaktyā tābhyāmabhiṣṭutā||22||

evaṃ devyā varaṃ labdhvā surathaḥ kṣatriyarṣabhaḥ|
sūryājjanma samāsādya sāvarṇirbhavitā manuḥ||23||

iti datvā tayordevī yathabhilaṣitaṃ varam|
babhūvāntarhitā sadhyo bhaktyā tābhyāmabhiṣṭutā||24||

evaṃ devyā varaṃ labdhvā surathaḥ kṣatriyarṣabhaḥ|
sūryājjanma samāsādya sāvarṇirbhavitā manuḥ||25||

|klīm oṃ|

|| jaya jaya śrī mārkaṇḍeyapurāṇe sāvarṇike manvantare devīmahatyme surathavaiśya yorvara pradānaṃ nāma trayodaśodhyāyasamāptam ||

||śrī sapta śatī devīmahatmyam samāptam ||
| oṃ tat sat |

āhuti
oṃ klīṃ jayantī sāṅgāyai saśaktikāyai saparivārāyai savāhanāyai śrī mahātripurasundaryai mahāhutiṃ samarpayāmi namaḥ svāhā ||

oṃ khaḍginī śūlinī ghorā gadinī cakriṇī tathā
śaṅkhiṇī cāpinī bāṇā bhuśuṇḍīparighāyudhā | hṛdayāya namaḥ |

oṃ śūlena pāhino devi pāhi khaḍgena cāmbike|
ghaṇṭāsvanena naḥ pāhi cāpajyānisvanena ca śiraśesvāhā |

oṃ prācyāṃ rakṣa pratīcyāṃ ca caṇḍike dakṣarakṣiṇe
bhrāmare nātma śulasya uttarasyāṃ tatheśvari | śikhāyai vaṣaṭ |

oṃ som̐yāni yānirūpāṇi trailokye vicarantite
yāni cātyanta ghorāṇi tai rakṣāsmāṃ stathā bhuvaṃ kavacāya hum |

oṃ khaḍga śūla gadā dīni yāni cāstāṇi tembike
karapallavasaṅgīni tairasmā nrakṣa sarvataḥ netratrayāya vaṣaṭ |

oṃ sarvasvarūpe sarveśe sarva śakti samanvite
bhayebhyastrāhino devi durge devi namostute | karatala karapṛṣṭābhyāṃ namaḥ |
oṃ bhūrbhuva ssuvaḥ iti digvimikaḥ |