Category: Shiva Oriya

ରଚନ: ଆଦି ଶଂକରାଚାର୍ୟ

ଓଂ ନମଃ ଶିଵାୟ ଶିଵାୟ ନମଃ ଓଂ
ଓଂ ନମଃ ଶିଵାୟ ଶିଵାୟ ନମଃ ଓଂ

ନାଗେନ୍ଦ୍ରହାରାୟ ତ୍ରିଲୋଚନାୟ
ଭସ୍ମାଙ୍ଗରାଗାୟ ମହେଶ୍ଵରାୟ |
ନିତ୍ୟାୟ ଶୁଦ୍ଧାୟ ଦିଗମ୍ବରାୟ
ତସ୍ମୈ “ନ” କାରାୟ ନମଃ ଶିଵାୟ || 1 ||

ମନ୍ଦାକିନୀ ସଲିଲ ଚନ୍ଦନ ଚର୍ଚିତାୟ
ନନ୍ଦୀଶ୍ଵର ପ୍ରମଥନାଥ ମହେଶ୍ଵରାୟ |
ମନ୍ଦାର ମୁଖ୍ୟ ବହୁପୁଷ୍ପ ସୁପୂଜିତାୟ
ତସ୍ମୈ “ମ” କାରାୟ ନମଃ ଶିଵାୟ || 2 ||

ଶିଵାୟ ଗୌରୀ ଵଦନାବ୍ଜ ବୃନ୍ଦ
ସୂର୍ୟାୟ ଦକ୍ଷାଧ୍ଵର ନାଶକାୟ |
ଶ୍ରୀ ନୀଲକଣ୍ଠାୟ ଵୃଷଭଧ୍ଵଜାୟ
ତସ୍ମୈ “ଶି” କାରାୟ ନମଃ ଶିଵାୟ || 3 ||

ଵଶିଷ୍ଠ କୁମ୍ଭୋଦ୍ଭଵ ଗୌତମାର୍ୟ
ମୁନୀନ୍ଦ୍ର ଦେଵାର୍ଚିତ ଶେଖରାୟ |
ଚନ୍ଦ୍ରାର୍କ ଵୈଶ୍ଵାନର ଲୋଚନାୟ
ତସ୍ମୈ “ଵ” କାରାୟ ନମଃ ଶିଵାୟ || 4 ||

ୟଜ୍ଞ ସ୍ଵରୂପାୟ ଜଟାଧରାୟ
ପିନାକ ହସ୍ତାୟ ସନାତନାୟ |
ଦିଵ୍ୟାୟ ଦେଵାୟ ଦିଗମ୍ବରାୟ
ତସ୍ମୈ “ୟ” କାରାୟ ନମଃ ଶିଵାୟ || 5 ||

ପଞ୍ଚାକ୍ଷରମିଦଂ ପୁଣ୍ୟଂ ୟଃ ପଠେଚ୍ଛିଵ ସନ୍ନିଧୌ |
ଶିଵଲୋକମଵାପ୍ନୋତି ଶିଵେନ ସହ ମୋଦତେ ||

ତ୍ରିଦଳଂ ତ୍ରିଗୁଣାକାରଂ ତ୍ରିନେତ୍ରଂ ଚ ତ୍ରିୟାୟୁଧଂ
ତ୍ରିଜନ୍ମ ପାପସଂହାରମ ଏକବିଲ୍ଵଂ ଶିଵାର୍ପଣଂ

ତ୍ରିଶାଖୈଃ ବିଲ୍ଵପତ୍ରୈଶ୍ଚ ଅଚ୍ଚିଦ୍ରୈଃ କୋମଲୈଃ ଶୁଭୈଃ
ତଵପୂଜାଂ କରିଷ୍ୟାମି ଏକବିଲ୍ଵଂ ଶିଵାର୍ପଣଂ

କୋଟି କନ୍ୟା ମହାଦାନଂ ତିଲପର୍ଵତ କୋଟୟଃ
କାଂଚନଂ କ୍ଷୀଲଦାନେନ ଏକବିଲ୍ଵଂ ଶିଵାର୍ପଣଂ

କାଶୀକ୍ଷେତ୍ର ନିଵାସଂ ଚ କାଲଭୈରଵ ଦର୍ଶନଂ
ପ୍ରୟାଗେ ମାଧଵଂ ଦୃଷ୍ଟ୍ଵା ଏକବିଲ୍ଵଂ ଶିଵାର୍ପଣଂ

ଇଂଦୁଵାରେ ଵ୍ରତଂ ସ୍ଥିତ୍ଵା ନିରାହାରୋ ମହେଶ୍ଵରାଃ
ନକ୍ତଂ ହୌଷ୍ୟାମି ଦେଵେଶ ଏକବିଲ୍ଵଂ ଶିଵାର୍ପଣଂ

ରାମଲିଂଗ ପ୍ରତିଷ୍ଠା ଚ ଵୈଵାହିକ କୃତଂ ତଧା
ତଟାକାନିଚ ସଂଧାନମ ଏକବିଲ୍ଵଂ ଶିଵାର୍ପଣଂ

ଅଖଂଡ ବିଲ୍ଵପତ୍ରଂ ଚ ଆୟୁତଂ ଶିଵପୂଜନଂ
କୃତଂ ନାମ ସହସ୍ରେଣ ଏକବିଲ୍ଵଂ ଶିଵାର୍ପଣଂ

ଉମୟା ସହଦେଵେଶ ନଂଦି ଵାହନମେଵ ଚ
ଭସ୍ମଲେପନ ସର୍ଵାଂଗମ ଏକବିଲ୍ଵଂ ଶିଵାର୍ପଣଂ

ସାଲଗ୍ରାମେଷୁ ଵିପ୍ରାଣାଂ ତଟାକଂ ଦଶକୂପୟୋଃ
ୟଜ୍ନକୋଟି ସହସ୍ରସ୍ଚ ଏକବିଲ୍ଵଂ ଶିଵାର୍ପଣଂ

ଦଂତି କୋଟି ସହସ୍ରେଷୁ ଅଶ୍ଵମେଧ ଶତକ୍ରତୌ
କୋଟିକନ୍ୟା ମହାଦାନମ ଏକବିଲ୍ଵଂ ଶିଵାର୍ପଣଂ

ବିଲ୍ଵାଣାଂ ଦର୍ଶନଂ ପୁଣ୍ୟଂ ସ୍ପର୍ଶନଂ ପାପନାଶନଂ
ଅଘୋର ପାପସଂହାରମ ଏକବିଲ୍ଵଂ ଶିଵାର୍ପଣଂ

ସହସ୍ରଵେଦ ପାଟେଷୁ ବ୍ରହ୍ମସ୍ତାପନ ମୁଚ୍ୟତେ
ଅନେକଵ୍ରତ କୋଟୀନାମ ଏକବିଲ୍ଵଂ ଶିଵାର୍ପଣଂ

ଅନ୍ନଦାନ ସହସ୍ରେଷୁ ସହସ୍ରୋପ ନୟନଂ ତଧା
ଅନେକ ଜନ୍ମପାପାନି ଏକବିଲ୍ଵଂ ଶିଵାର୍ପଣଂ

ବିଲ୍ଵସ୍ତୋତ୍ରମିଦଂ ପୁଣ୍ୟଂ ୟଃ ପଠେଶ୍ଶିଵ ସନ୍ନିଧୌ
ଶିଵଲୋକମଵାପ୍ନୋତି ଏକବିଲ୍ଵଂ ଶିଵାର୍ପଣଂ

ବ୍ରହ୍ମମୁରାରି ସୁରାର୍ଚିତ ଲିଙ୍ଗଂ
ନିର୍ମଲଭାସିତ ଶୋଭିତ ଲିଙ୍ଗମ |
ଜନ୍ମଜ ଦୁଃଖ ଵିନାଶକ ଲିଙ୍ଗଂ
ତତ-ପ୍ରଣମାମି ସଦାଶିଵ ଲିଙ୍ଗମ || 1 ||

ଦେଵମୁନି ପ୍ରଵରାର୍ଚିତ ଲିଙ୍ଗଂ
କାମଦହନ କରୁଣାକର ଲିଙ୍ଗମ |
ରାଵଣ ଦର୍ପ ଵିନାଶନ ଲିଙ୍ଗଂ
ତତ-ପ୍ରଣମାମି ସଦାଶିଵ ଲିଙ୍ଗମ || 2 ||

ସର୍ଵ ସୁଗଂଧ ସୁଲେପିତ ଲିଙ୍ଗଂ
ବୁଦ୍ଧି ଵିଵର୍ଧନ କାରଣ ଲିଙ୍ଗମ |
ସିଦ୍ଧ ସୁରାସୁର ଵଂଦିତ ଲିଙ୍ଗଂ
ତତ-ପ୍ରଣମାମି ସଦାଶିଵ ଲିଙ୍ଗମ || 3 ||

କନକ ମହାମଣି ଭୂଷିତ ଲିଙ୍ଗଂ
ଫଣିପତି ଵେଷ୍ଟିତ ଶୋଭିତ ଲିଙ୍ଗମ |
ଦକ୍ଷ ସୁୟଜ୍ଞ ନିନାଶନ ଲିଙ୍ଗଂ
ତତ-ପ୍ରଣମାମି ସଦାଶିଵ ଲିଙ୍ଗମ || 4 ||

କୁଙ୍କୁମ ଚଂଦନ ଲେପିତ ଲିଙ୍ଗଂ
ପଙ୍କଜ ହାର ସୁଶୋଭିତ ଲିଙ୍ଗମ |
ସଞ୍ଚିତ ପାପ ଵିନାଶନ ଲିଙ୍ଗଂ
ତତ-ପ୍ରଣମାମି ସଦାଶିଵ ଲିଙ୍ଗମ || 5 ||

ଦେଵଗଣାର୍ଚିତ ସେଵିତ ଲିଙ୍ଗଂ
ଭାଵୈ-ର୍ଭକ୍ତିଭିରେଵ ଚ ଲିଙ୍ଗମ |
ଦିନକର କୋଟି ପ୍ରଭାକର ଲିଙ୍ଗଂ
ତତ-ପ୍ରଣମାମି ସଦାଶିଵ ଲିଙ୍ଗମ || 6 ||

ଅଷ୍ଟଦଳୋପରିଵେଷ୍ଟିତ ଲିଙ୍ଗଂ
ସର୍ଵସମୁଦ୍ଭଵ କାରଣ ଲିଙ୍ଗମ |
ଅଷ୍ଟଦରିଦ୍ର ଵିନାଶନ ଲିଙ୍ଗଂ
ତତ-ପ୍ରଣମାମି ସଦାଶିଵ ଲିଙ୍ଗମ || 7 ||

ସୁରଗୁରୁ ସୁରଵର ପୂଜିତ ଲିଙ୍ଗଂ
ସୁରଵନ ପୁଷ୍ପ ସଦାର୍ଚିତ ଲିଙ୍ଗମ |
ପରାତ୍ପରଂ ପରମାତ୍ମକ ଲିଙ୍ଗଂ
ତତ-ପ୍ରଣମାମି ସଦାଶିଵ ଲିଙ୍ଗମ || 8 ||

ଲିଙ୍ଗାଷ୍ଟକମିଦଂ ପୁଣ୍ୟଂ ୟଃ ପଠେଶ୍ଶିଵ ସନ୍ନିଧୌ |
ଶିଵଲୋକମଵାପ୍ନୋତି ଶିଵେନ ସହ ମୋଦତେ ||

ଗଂଗା ତରଂଗ ରମଣୀୟ ଜଟା କଲାପଂ
ଗୌରୀ ନିରଂତର ଵିଭୂଷିତ ଵାମ ଭାଗଂ
ନାରାୟଣ ପ୍ରିୟମନଂଗ ମଦାପହାରଂ
ଵାରାଣସୀ ପୁରପତିଂ ଭଜ ଵିଶ୍ଵନାଧମ || 1 ||

ଵାଚାମଗୋଚରମନେକ ଗୁଣ ସ୍ଵରୂପଂ
ଵାଗୀଶ ଵିଷ୍ଣୁ ସୁର ସେଵିତ ପାଦ ପଦ୍ମଂ
ଵାମେଣ ଵିଗ୍ରହ ଵରେନ କଲତ୍ରଵଂତଂ
ଵାରାଣସୀ ପୁରପତିଂ ଭଜ ଵିଶ୍ଵନାଧମ || 2 ||

ଭୂତାଦିପଂ ଭୁଜଗ ଭୂଷଣ ଭୂଷିତାଂଗଂ
ଵ୍ୟାଘ୍ରାଂଜିନାଂ ବରଧରଂ, ଜଟିଲଂ, ତ୍ରିନେତ୍ରଂ
ପାଶାଂକୁଶାଭୟ ଵରପ୍ରଦ ଶୂଲପାଣିଂ
ଵାରାଣସୀ ପୁରପତିଂ ଭଜ ଵିଶ୍ଵନାଧମ || 3 ||

ସୀତାଂଶୁ ଶୋଭିତ କିରୀଟ ଵିରାଜମାନଂ
ବାଲେକ୍ଷଣାତଲ ଵିଶୋଷିତ ପଂଚବାଣଂ
ନାଗାଧିପା ରଚିତ ବାସୁର କର୍ଣ ପୂରଂ
ଵାରାଣସୀ ପୁରପତିଂ ଭଜ ଵିଶ୍ଵନାଧମ || 4 ||

ପଂଚାନନଂ ଦୁରିତ ମତ୍ତ ମତଂଗଜାନାଂ
ନାଗାଂତକଂ ଧନୁଜ ପୁଂଗଵ ପନ୍ନାଗାନାଂ
ଦାଵାନଲଂ ମରଣ ଶୋକ ଜରାଟଵୀନାଂ
ଵାରାଣସୀ ପୁରପତିଂ ଭଜ ଵିଶ୍ଵନାଧମ || 5 ||

ତେଜୋମୟଂ ସଗୁଣ ନିର୍ଗୁଣମଦ୍ଵିତୀୟଂ
ଆନଂଦ କଂଦମପରାଜିତ ମପ୍ରମେୟଂ
ନାଗାତ୍ମକଂ ସକଲ ନିଷ୍କଳମାତ୍ମ ରୂପଂ
ଵାରାଣସୀ ପୁରପତିଂ ଭଜ ଵିଶ୍ଵନାଧମ || 6 ||

ଆଶାଂ ଵିହାୟ ପରିହୃତ୍ୟ ପରଶ୍ୟ ନିଂଦାଂ
ପାପେ ରଥିଂ ଚ ସୁନିଵାର୍ୟ ମନସ୍ସମାଧୌ
ଆଧାୟ ହୃତ-କମଲ ମଧ୍ୟ ଗତଂ ପରେଶଂ
ଵାରାଣସୀ ପୁରପତିଂ ଭଜ ଵିଶ୍ଵନାଧମ || 7 ||

ରାଗାଧି ଦୋଷ ରହିତଂ ସ୍ଵଜନାନୁରାଗଂ
ଵୈରାଗ୍ୟ ଶାଂତି ନିଲୟଂ ଗିରିଜା ସହାୟଂ
ମାଧୁର୍ୟ ଧୈର୍ୟ ସୁଭଗଂ ଗରଳାଭିରାମଂ
ଵାରାଣସୀ ପୁରପତିଂ ଭଜ ଵିଶ୍ଵନାଧମ || 8 ||

ଵାରାଣସୀ ପୁର ପତେ ସ୍ଥଵନଂ ଶିଵସ୍ୟ
ଵ୍ୟାଖ୍ୟାତମ ଅଷ୍ଟକମିଦଂ ପଠତେ ମନୁଷ୍ୟ
ଵିଦ୍ୟାଂ ଶ୍ରିୟଂ ଵିପୁଲ ସୌଖ୍ୟମନଂତ କୀର୍ତିଂ
ସଂପ୍ରାପ୍ୟ ଦେଵ ନିଲୟେ ଲଭତେ ଚ ମୋକ୍ଷମ ||

ଵିଶ୍ଵନାଧାଷ୍ଟକମିଦଂ ପୁଣ୍ୟଂ ୟଃ ପଠେଃ ଶିଵ ସନ୍ନିଧୌ
ଶିଵଲୋକମଵାପ୍ନୋତି ଶିଵେନସହ ମୋଦତେ ||

ରଚନ: ଋଷି ମାର୍କଂଡେୟ

ଚନ୍ଦ୍ରଶେଖର ଚନ୍ଦ୍ରଶେଖର ଚନ୍ଦ୍ରଶେଖର ପାହିମାମ |
ଚନ୍ଦ୍ରଶେଖର ଚନ୍ଦ୍ରଶେଖର ଚନ୍ଦ୍ରଶେଖର ରକ୍ଷମାମ ||

ରତ୍ନସାନୁ ଶରାସନଂ ରଜତାଦ୍ରି ଶୃଂଗ ନିକେତନଂ
ଶିଂଜିନୀକୃତ ପନ୍ନଗେଶ୍ଵର ମଚ୍ୟୁତାନଲ ସାୟକମ |
କ୍ଷିପ୍ରଦଗ୍ଦ ପୁରତ୍ରୟଂ ତ୍ରିଦଶାଲୟୈ ରଭିଵଂଦିତଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ || 1 ||

ମତ୍ତଵାରଣ ମୁଖ୍ୟଚର୍ମ କୃତୋତ୍ତରୀୟ ମନୋହରଂ
ପଂକଜାସନ ପଦ୍ମଲୋଚନ ପୂଜିତାଂଘ୍ରି ସରୋରୁହମ |
ଦେଵ ସିଂଧୁ ତରଂଗ ଶ୍ରୀକର ସିକ୍ତ ଶୁଭ୍ର ଜଟାଧରଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ || 2 ||

କୁଂଡଲୀକୃତ କୁଂଡଲୀଶ୍ଵର କୁଂଡଲଂ ଵୃଷଵାହନଂ
ନାରଦାଦି ମୁନୀଶ୍ଵର ସ୍ତୁତଵୈଭଵଂ ଭୁଵନେଶ୍ଵରମ |
ଅଂଧକାଂତକ ମାଶ୍ରିତାମର ପାଦପଂ ଶମନାଂତକଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ || 3 ||

ପଂଚପାଦପ ପୁଷ୍ପଗଂଧ ପଦାଂବୁଜ ଦ୍ଵୟଶୋଭିତଂ
ଫାଲଲୋଚନ ଜାତପାଵକ ଦଗ୍ଧ ମନ୍ମଧ ଵିଗ୍ରହମ |
ଭସ୍ମଦିଗ୍ଦ କଳେବରଂ ଭଵନାଶନଂ ଭଵ ମଵ୍ୟୟଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ || 4 ||

ୟକ୍ଷ ରାଜସଖଂ ଭଗାକ୍ଷ ହରଂ ଭୁଜଂଗ ଵିଭୂଷଣମ
ଶୈଲରାଜ ସୁତା ପରିଷ୍କୃତ ଚାରୁଵାମ କଳେବରମ |
କ୍ଷେଳ ନୀଲଗଳଂ ପରଶ୍ଵଧ ଧାରିଣଂ ମୃଗଧାରିଣମ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ || 5 ||

ଭେଷଜଂ ଭଵରୋଗିଣା ମଖିଲାପଦା ମପହାରିଣଂ
ଦକ୍ଷୟଜ୍ଞ ଵିନାଶନଂ ତ୍ରିଗୁଣାତ୍ମକଂ ତ୍ରିଵିଲୋଚନମ |
ଭୁକ୍ତି ମୁକ୍ତି ଫଲପ୍ରଦଂ ସକଲାଘ ସଂଘ ନିବର୍ହଣଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ || 6 ||

ଵିଶ୍ଵସୃଷ୍ଟି ଵିଧାୟକଂ ପୁନରେଵପାଲନ ତତ୍ପରଂ
ସଂହରଂ ତମପି ପ୍ରପଂଚ ମଶେଷଲୋକ ନିଵାସିନମ |
କ୍ରୀଡୟଂତ ମହର୍ନିଶଂ ଗଣନାଥ ୟୂଥ ସମନ୍ଵିତଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ || 7 ||

ଭକ୍ତଵତ୍ସଲ ମର୍ଚିତଂ ନିଧିମକ୍ଷୟଂ ହରିଦଂବରଂ
ସର୍ଵଭୂତ ପତିଂ ପରାତ୍ପର ମପ୍ରମେୟ ମନୁତ୍ତମମ |
ସୋମଵାରିନ ଭୋହୁତାଶନ ସୋମ ପାଦ୍ୟଖିଲାକୃତିଂ
ଚନ୍ଦ୍ରଶେଖର ଏଵ ତସ୍ୟ ଦଦାତି ମୁକ୍ତି ମୟତ୍ନତଃ || 8 ||

ପ୍ରଭୁଂ ପ୍ରାଣନାଥଂ ଵିଭୁଂ ଵିଶ୍ଵନାଥଂ ଜଗନ୍ନାଥ ନାଥଂ ସଦାନଂଦ ଭାଜାମ |
ଭଵଦ୍ଭଵ୍ୟ ଭୂତେଶ୍ଵରଂ ଭୂତନାଥଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 1 ||

ଗଳେ ରୁଂଡମାଲଂ ତନୌ ସର୍ପଜାଲଂ ମହାକାଲ କାଲଂ ଗଣେଶାଦି ପାଲମ |
ଜଟାଜୂଟ ଗଂଗୋତ୍ତରଂଗୈ ର୍ଵିଶାଲଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 2||

ମୁଦାମାକରଂ ମଂଡନଂ ମଂଡୟଂତଂ ମହା ମଂଡଲଂ ଭସ୍ମ ଭୂଷାଧରଂ ତମ |
ଅନାଦିଂ ହ୍ୟପାରଂ ମହା ମୋହମାରଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 3 ||

ଵଟାଧୋ ନିଵାସଂ ମହାଟ୍ଟାଟ୍ଟହାସଂ ମହାପାପ ନାଶଂ ସଦା ସୁପ୍ରକାଶମ |
ଗିରୀଶଂ ଗଣେଶଂ ସୁରେଶଂ ମହେଶଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 4 ||

ଗିରୀଂଦ୍ରାତ୍ମଜା ସଂଗୃହୀତାର୍ଧଦେହଂ ଗିରୌ ସଂସ୍ଥିତଂ ସର୍ଵଦାପନ୍ନ ଗେହମ |
ପରବ୍ରହ୍ମ ବ୍ରହ୍ମାଦିଭିର-ଵଂଦ୍ୟମାନଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 5 ||

କପାଲଂ ତ୍ରିଶୂଲଂ କରାଭ୍ୟାଂ ଦଧାନଂ ପଦାମ୍ଭୋଜ ନମ୍ରାୟ କାମଂ ଦଦାନମ |
ବଲୀଵର୍ଧମାନଂ ସୁରାଣାଂ ପ୍ରଧାନଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 6 ||

ଶରଚ୍ଚଂଦ୍ର ଗାତ୍ରଂ ଗଣାନଂଦପାତ୍ରଂ ତ୍ରିନେତ୍ରଂ ପଵିତ୍ରଂ ଧନେଶସ୍ୟ ମିତ୍ରମ |
ଅପର୍ଣା କଳତ୍ରଂ ସଦା ସଚ୍ଚରିତ୍ରଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 7 ||

ହରଂ ସର୍ପହାରଂ ଚିତା ଭୂଵିହାରଂ ଭଵଂ ଵେଦସାରଂ ସଦା ନିର୍ଵିକାରଂ|
ଶ୍ମଶାନେ ଵସଂତଂ ମନୋଜଂ ଦହଂତଂ, ଶିଵଂ ଶଂକରଂ ଶଂଭୁ ମୀଶାନମୀଡେ || 8 ||

ସ୍ଵୟଂ ୟଃ ପ୍ରଭାତେ ନରଶ୍ଶୂଲ ପାଣେ ପଠେତ ସ୍ତୋତ୍ରରତ୍ନଂ ତ୍ଵିହପ୍ରାପ୍ୟରତ୍ନମ |
ସୁପୁତ୍ରଂ ସୁଧାନ୍ୟଂ ସୁମିତ୍ରଂ କଳତ୍ରଂ ଵିଚିତ୍ରୈସ୍ସମାରାଧ୍ୟ ମୋକ୍ଷଂ ପ୍ରୟାତି ||